ព័ត៌មានជាតិ

ដំណាំដូងប្រេងមានអាយុកាលត្រឹម ២៥ ឆ្នាំ ត្រូវកាប់ដើមចាស់ចោលដាំដើមថ្មី ដើម្បីទទួលបានទិន្នផលខ្ពស់

បានផុស

៣ ខែ មុន

នៅ

ថ្ងៃសុក្រ ២៧ កុម្ភៈ ២០២៦

ដោយ

អ្នកបច្ចេកទេសនៅក្រុមហ៊ុន ម៉ុង ឫទ្ធី បានអះអាងថា ដំណាំដូងប្រេងមានអាយុកាលឲ្យផលបានត្រឹម ២៥ ឆ្នាំប៉ុណ្ណោះ។

លោក អ៊ិត ណុប អ្នកគ្រប់គ្រងទូទៅផ្នែកចម្ការដូងប្រេងនៅក្រុមហ៊ុន ម៉ុង ឫទ្ធី បានលើកឡើងថា ជាទូទៅ ដើមដូងប្រេងត្រូវបានគេរក្សាទុកក្នុងរយៈពេលត្រឹមតែ ២៥ ឆ្នាំប៉ុណ្ណោះ។ នៅពេលដើមដូងប្រេងកាន់តែចាស់ទិន្នផលនឹងធ្លាក់ចុះ ហើយការប្រមូលផលក៏មានការលំបាកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ិត ណុប អ្នកគ្រប់គ្រងទូទៅផ្នែកចម្ការដូងប្រេងនៅក្រុមហ៊ុន ម៉ុង ឫទ្ធី

បើតាមលោក អ៊ិត ណុប ដូងប្រេងដែលដាំនៅក្រុមហ៊ុនម៉ុង ឫទ្ធី នៅស្រុកព្រៃនប់ ខេត្តព្រះសីហនុ ខ្លះមានអាយុរហូតដល់ ១៨ ឆ្នាំ និងខ្លះទៀតដល់ ៣០ ឆ្នាំ។ ដូងប្រេងរបស់ក្រុមហ៊ុនបានចាប់ផ្តើមដាំតាំងពីឆ្នាំ ១៩៩៥ ហើយក្រុមហ៊ុនក៏មានផែនការកាប់ដើមចាស់ចោល និងដាំថ្មីលើផ្ទៃដី ៥០០ ហិកតាក្នុងមួយឆ្នាំ។ យ៉ាងណាមិញដោយសារតម្លៃដូងប្រេងកំពុងមានទីផ្សារល្អ ទើបក្រុមហ៊ុននៅបន្តរក្សាដើមចាស់មួយចំនួនដើម្បីប្រមូលផលសិន មុននឹងសម្រេចចិត្តកាប់ដាំថ្មីតាមផែនការ។ លោក អ៊ិត ណុប បញ្ជាក់។

ពូជដូងប្រេងដែលនាំមកដាំដំបូងបង្អស់នៅប្រទេសកម្ពុជា គឺនាំពូជមកពីកូស្តារីគា និងក្រោយមកទើបមានការនាំចូលពូជពីប្រទេសម៉ាឡេស៊ី និងឥណ្ឌូណេស៊ីផងដែរ។

បើតាមលោក អ៊ិត ណុប វដ្តនៃការលូតលាស់និងការប្រមូលផលផ្លែដូងប្រេង ត្រូវការរយៈពេលប្រហែល ៦ ខែ ចាប់តាំងពីដំណាក់កាលចេញផ្ការហូតដល់ផ្លែទុំពណ៌ក្រហម ដែលអាចប្រមូលផលបាន។

បច្ចុប្បន្ននេះ ផលដូងប្រេងរបស់ក្រុមហ៊ុនប្រមាណ ៩៧% ត្រូវបាននាំចេញទៅប្រទេសឥណ្ឌា ហើយសល់តិចតួចត្រូវបានកែច្នៃប្រើប្រាស់នៅក្នុងស្រុក៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា