វិបត្តិទេសចរណ៍ថៃ៖ ការកក់សណ្ឋាគារធ្លាក់ចុះខ្លាំង ​ខណៈជម្លោះមជ្ឈិមបូព៌ាប៉ះពាល់ដល់ការធ្វើដំណើរ

ចំពេលដែល​វិបត្តិទេសចរណ៍ថៃបន្តអូសបន្លាយដែលស្ដែងចេញតាមរយៈការធ្លាក់ចុះនៃចំនួនភ្ញៀវទេសចរបរទេស ការកក់សណ្ឋាគារធ្លាក់ចុះខ្លាំងនៅទូទាំងប្រទេសថៃចាប់ពីខែឧសភាតទៅ ដោយសារតែជម្លោះមជ្ឈិមបូព៌ា និងកំណើនថ្លៃសំបុត្រយន្តហោះ។ នេះបើតាមការចុះផ្សាយរបស់​កាសែតបាងកកប៉ុស្តិ៍ នៅថ្ងៃទី ៣០ មេសា។

សមាគមសណ្ឋាគារថៃ (THA) បាន​ឱ្យដឹងថា​ ការធ្លាក់ចុះការកក់ក្លាយជាបញ្ហាប្រឈមសម្រាប់គ្រប់ទាំងប្រភេទ​សណ្ធាគារ ទាំងធម្មតា និងសណ្ធាគារប្រណីត ខណៈ​អត្រា​ស្នាក់នៅ​សណ្ធាគារ​ប្រណីត (Occupancy Rate) មាន​ត្រឹម​ប្រហែល ៤០% (ធ្លាក់ចុះ ៣% ​ឆ្នាំ) ដោយតំបន់ទេសចរណ៍សំខាន់ៗដូចជាកោះភូកេត និងក្រាប៊ី ​មើលឃើញ​ពី​ការធ្លាក់ចុះគួរឱ្យកត់សម្គាល់នៃភ្ញៀវទេសចរអឺរ៉ុប។​

ខេត្ត Phangnga រងនូវផលប៉ះពាល់អាក្រក់ជាងគេ ដោយ​​អត្រាស្នាក់នៅ​បាន​ធ្លាក់ចុះពី ២០-៣០% ដោយក្នុងនោះ ការកក់សណ្ធាគារ​ពីអឺរ៉ុបបានធ្លាក់ចុះប្រហែល ៥០%។

នៅទិសដៅទេសចរណ៍ភាគខាងត្បូងថៃដូចគ្នា គេឃើញ​មាន​ការស្ទុះងើបឡើងវិញ​នៃភ្ញៀវទេសចរពីអាស៊ាន ដូចជាភ្ញៀវចិនទៅ​កោះក្រាប៊ី បាន​ហក់ឡើងលើស ១០០% និង ៩% នៅកោះភូកេត ខណៈភ្ញៀវឥណ្ឌា និងម៉ាឡេស៊ី ក៏កើនឡើងមកវិញផងដែរ។

យ៉ាងណាមិញ ទិសដៅទេសចរណ៍ភាគខាងជើងប្រទេសវិញ បានធ្លាក់ចុះកាន់តែធ្ងន់ធ្ងរនៅឆ្នាំនេះ ដែលរួមចំណែកដោយ​បញ្ហា​បំពុលខ្យល់ PM2.5 ដែលធ្វើឱ្យតម្រូវការធ្លាក់ចុះ។ អត្រាស្នាក់នៅនៅភាគខាងជើង បានធ្លាក់ចុះមកត្រឹម ៤១,២% ពីប្រមាណ ៦១,៥% កាលពីឆ្នាំមុន។

ប្រធានក្រុមហ៊ុន THA លោក Thienprasit Chaiyapatranun បាន​ថ្លែងថា ជម្លោះ​នៅមជ្ឈិមបូព៌ា នៅតែបន្តរារាំងអាជីវកម្មសណ្ឋាគារចាប់ពីខែឧសភាតទៅ ខណៈ​គ្រប់តំបន់ទាំងអស់ រាយការណ៍ពីការធ្លាក់ចុះនៃការកក់បន្ទប់ ​ជាពិសេសពីទីផ្សារអឺរ៉ុប និងមជ្ឈិមបូព៌ា។ លោក​​បានបន្ថែមទៀត​​ថា ភ្ញៀវជាច្រើនកំពុង​បញ្ចៀស​ការធ្វើដំណើររហូតដល់សង្គ្រាមនៅមជ្ឈិមបូព៌ាស្ងប់ស្ងាត់ ហើយតម្លៃសំបុត្រយន្តហោះ​ធ្លាក់ចុះថោកវិញ​​៕

​

​

​

​

Overall, while new markets are helping fill rooms, hotels are still facing lower revenues and weak forward bookings.