Connect with us

សេដ្ឋកិច្ច

ជប៉ុនចាប់ផ្តើមធ្វើតេស្ត​ជំនាញពលករខ្មែរ​ ទៅ​ធ្វើការ​នៅ​ប្រទេសជប៉ុន

បានផុស

នៅ

រាជរដ្ឋាភិបាលជប៉ុន បានចាប់ផ្តើមអនុញ្ញាតឱ្យធ្វើតេស្តជំនាញនិងភាសាជប៉ុន​សម្រាប់ពលករខ្មែរជំនាញផ្នែកកសិកម្មនិងសេវាកម្ម ដើម្បីបញ្ជួនទៅធ្វើការនៅប្រទេសជប៉ុននាពេលខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ិតសំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈបានឲ្យដឹងនៅក្នុងសេចក្តីជួនដំណឹងមួយចុះថ្ងៃទី ២៥ ឧសភានេះថា តាមសេចក្តីជូនដំណឹងពីក្រសួងយុត្តិធម៌នៃប្រទេសជប៉ុន ក្រសួងការងារនិងបណ្ដុះបណ្ដាលវិជ្ជាជីវៈសូមជូនដំណឹងដល់ទីភ្នាក់ងារជ្រើសរើសឯកជនទាំងអស់ និងសាធារណជនដែលមានបំណងទៅធ្វើការនៅប្រទេសជប៉ុន ក្នុងគម្រោងពលករជំនាញឱ្យបានជ្រាបថាអង្គភាពទទួលបន្ទុកការធ្វើតេស្តជំនាញនិងតេស្ដភាសាជប៉ុននឹងរៀបចំការធ្វើតេស្តភាសានិងតេស្តជំនាញតាមរយៈប្រព័ន្ធកុំព្យូទ័រ។

លោករដ្ឋមន្ត្រីបានបន្តថា ប្រភេទតេស្តផ្នែកកសិកម្មនឹងធ្វើនៅសាកលវិទ្យាល័យអន្តរជាតិប៊ែលធីសាខាទួលស្លែងនៅថ្ងៃទី ២៧ ដល់ថ្ងៃទី២៩ ខែឧសភាឆ្នាំ២០២២។ ថ្ងៃទី ១៥ ដល់ថ្ងៃទី ១៧ ខែមិថុនា នៅថ្ងៃទី១៦កក្កដាថ្ងៃទី២០កក្កដា និងថ្ងៃទី ២៦កក្កដាឆ្នាំ២០២២។

ចំពោះផ្នែកការងារនៅភោជនីយដ្ឋានវិញ នឹងធ្វើនៅវិទ្យាស្ថានអភិវឌ្ឍន៍វិស័យអប់រំដែលមានអាសយដ្ឋាននៅសង្កាត់បឹងកេងកង១ ខណ្ឌចំការមន រាជធានីភ្នំពេញដោយធ្វើតេស្តនៅថ្ងៃទី១៥ដល់ថ្ងៃទី១៧ខែមិថុនាថ្ងៃទី ១៦ កក្កដាថ្ងៃទី ២០កក្កដានិងថ្ងៃទី២៦កក្កដាឆ្នាំ២០២២។

ចំពោះការចុះឈ្មោះធ្វើតេស្តជំនាញ និងភាសាជប៉ុន បេក្ខជនត្រូវបង់ប្រាក់តម្លៃ ៣៣ ដុល្លារអាមេរិកដោយបេក្ខជនមានអាយុចាប់ពី ១៧ ឆ្នាំឡើងទៅ ដោយមិនគិតពីមក្រិតវប្បធម៌ឡើយ និងត្រូវភ្ជាប់មកជាមួយនូវឯកសារមួយចំនួនដូចជាអត្តសញ្ញាណប័ណ្ណ ឬលិខិតឆ្លងដែន ឬប័ណ្ណបើកបរ។

លោករដ្ឋមន្ត្រីបានបញ្ជាក់ថា ការបរិច្ឆេទនៃការធ្វើតេស្តនេះអាចនឹងផ្លាស់ប្តូរអាស្រ័យទៅលើស្ថានភាពជំងឺកូវីដ១៩។

យោងតាមក្រសួងការងារនិងបណ្តុះបណ្តាលវិជ្ជាជីវៈ បច្ចុប្បន្ននេះមានពលករខ្មែរប្រមាណជាង ១លាន២សែននាក់ធ្វើការនៅក្រៅប្រទេស ក្នុងនោះមានពលករចំនួន ១១,៤៥៣ នាក់ធ្វើការនៅប្រទេសជប៉ុន៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ឧកញ៉ា ឡេង ប្រុស ឧបត្ថម្ភ​ថវិកា ១០​លាន​រៀល​ភ្លាម​ដល់​កីឡាករ ឡុង ជិន សង់ផ្ទះ​ក្រោយ​ខ្យល់​ខ្លាំង​បាក់​រំលំ​ខ្ទិច​អស់

ព័ត៌មានជាតិ៨ ម៉ោង មុន

គណបក្ស​ប្រជាជន​កម្ពុជា​ទីក្រុង​មែ​ល​ប៊​ន អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស

ព័ត៌មានជាតិ៩ ម៉ោង មុន

ខួប​លើក​ទី​៥៥ នៃ​ទំនាក់ទំនង​ការទូត​រវាង​កម្ពុជា​-​វៀតណាម

ព័ត៌មានជាតិ៩ ម៉ោង មុន

លោក ញឹក ប៊ុនឆៃ៖ អ្នក​សង្កេតការណ៍ជាតិ អន្តរជាតិ មិនបាន​​រៀបចំឱ្យនិយាយ​ល្អ​ពី​កម្ពុជាទេ

សន្តិសុខសង្គម៩ ម៉ោង មុន

សមត្ថកិច្ច​ដកហូតកាំភ្លើង​ពិត​ និងកែច្នៃ​ជាង ៤០ ដើម​ក្រោយករណីផ្ទុះអាវុធ​បណ្ដាល​ឱ្យអធិការ​រង​នគរ​បាលក្រុងព្រះសីហនុ​រងរបួស​

Sokha Hotels

ព័ត៌មានពេញនិយម