Connect with us

សេដ្ឋកិច្ច

អ្នកជំនាញ៖ ស៊ីហ្គេម២០២៣ កម្ពុជា នឹងមាន​កំណើនភ្ញៀវបរទេសខ្ពស់​តម្រូវឱ្យត្រៀមលក្ខណៈ​ជាមុន

បានផុស

នៅ

អ្នកជំនាញទេសចរណ៍ បានលើកឡើងថា ការធ្វើជាម្ចាស់ផ្ទះកីឡាស៊ីហ្គេម ឆ្នាំ ២០២៣ កម្ពុជា នឹងទទូលបានភ្ញៀវទេសចរច្រើន ជាពិសេសទេសចរអន្តរជាតិ។ ស្របពេលនៃកំណើនភ្ញៀវទេសចរនេះ កម្ពុជា ត្រូវតែរៀបចំត្រៀមលក្ខណៈទុកជាមុន ទៅលើផ្នែកមួយចំនួន ដូចជា សេវាចំណីអាហារ សេវាដឹកជញ្ជូន សណ្តាប់ធ្នាប់សាធារណៈ និងតំបន់ទេសចរណ៍នានាជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហូ វណ្ឌី ទីប្រឹក្សាសមាគម​ទីភ្នាក់​ងារ​ទេសចរណ៍​កម្ពុជា បានប្រាប់កម្ពុជាថ្មីថា ភ្ញៀវទេសចរនឹងកើនឡើងដោយស្វ័យប្រវត្តិ នៅពេលកម្ពុជា​ ធ្វើជាម្ចាស់ផ្ទះកីឡាស៊ីហ្គេមឆ្នាំ ២០២៣ ខាងមុខនេះ។ លោកបានឱ្យដឹងដូច្នេះថា «យើងគិតថា កីឡាករ គណៈកម្មាការ ជាមួយអ្នកគាំទ្រពួកគាត់ រួមទាំងសាច់ញាត់របស់ពួកគេ យើងឃើញថា រាប់ម៉ឺននាក់ទៅហើយ…មួយវិញទៀត ប្រទេសមួយចំនួនក៏មានហ្វេនក្លឹបរបស់ពួកគាត់ ពីប្រទេសផ្សេងៗ ក៏ចង់មកគាំទ្រដែរ»។ ទន្ទឹមនឹងនេះ ភ្ញៀវទេសចរនៅតាមបណ្តាប្រទេសនានា ក៏យកឱកាសនេះ នឹងមកលេងកម្ពុជាផងដែរ មិនថាប្រទេសក្នុងតំបន់អាស៊ាន និងប្រទេសលោកខាងលិចជាដើម។

​​លោក ហូ វណ្ឌី បន្តថា អ្វីដែលកម្ពុជា ត្រូវត្រៀមខ្លួនគឺ ការលម្អសោភ័ណភាពសាធារណៈ អនាម័យ ការតុបតែងខ្លួន ជាពិសេសសេវាដឹកជញ្ជូនសាធារណៈ ដើម្បីឱ្យភ្ញៀវទេសចរ បានស្វែងយល់ពីតំបន់មួយទៅតំបន់មួយក្នុងរាជធានីភ្នំពេញ។ លោកថា ប្រសិនបើអាចសេវាជញ្ជូនរបស់រដ្ឋ គួរដឹកដោយមិនគិតថវិកាកាន់តែប្រសើរ ព្រោះដើម្បីទាក់ទាញទឹកចិត្តពួកគេ ឱ្យថ្ងៃក្រោយត្រឡប់មកលេងកម្សាន្តនៅកម្ពុជាទៀត។

ជាមូយគ្នានេះ ត្រូវលក់កញ្ចប់ទស្សនកិច្ចទៅកាន់គោលដៅនានា ជាពិសេសកញ្ចប់ទស្សនកិច្ចត្រូវមានការបញ្ចុះតម្លៃ ឬតម្លៃលើកទឹកចិត្ត ជាដើម។ ដោយជំនាញទេសចរណ៍រូបនេះ បានបញ្ជាក់ថា សមាគម និងក្រុមហ៊ុន នឹងពិភាក្សាគ្នា អំពីការបង្កើតកញ្ចប់នេះ ដោយមានការសម្បទានយ៉ាងណា ដល់ភ្ញៀវទេសចរណ៍ ដើម្បីឱ្យពួកគេបានដើរទស្សនតំបន់នានាបានច្រើនកន្លែង ដូចជា ការទស្សនាទីក្រុង ទីក្រុងវប្បធម៌ និងសេដ្ឋកិច្ច តំបន់វប្បធម៌ប្រវត្តិសាសន៍ខេត្តសៀមរាប និងតំបន់ឆ្នេរខេត្តព្រះសីហនុ ជាដើម។  

​​​ទន្ទឹមនឹងការត្រៀមខ្លួននេះ លោក ហូ វណ្ឌី បានផ្តល់ជាទស្សនថា កម្ពុជា គួរតែរៀបចំតំបន់ទេសចរណ៍សំខាន់ ដែលអាចទាក់ទាញភ្ញៀវបានកាន់តែច្រើន ដូចជា តាមតំបន់ដៃទន្លេ តំបន់កោះ តំបន់នៅជុំវិញរាជធានីភ្នំពេញ និងត្រូវបង្កើតឱ្យមានសកម្មភាពផ្សេងៗ ជាពិសេសសកម្មភាពបែបវប្បធម៌ប្រពៃណីរបស់ខ្លួន។ លោកពន្យល់ថា« បរទេសគេអត់ចង់មកមើលអគារខ្ពស់ៗនោះទេ ព្រោះប្រទេសគេ មាន ៥០-៦០ឆ្នាំហើយ គេមកកម្ពុជា គេចង់ឃើញអ្វីប្លែក ដូចជាប្រពៃណី វប្បធម៌ដូនតា ត្រូវបង្កើតកសិទេសចរណ៍ឱ្យបានច្រើន ភ្ញៀវទេសចរដែលមកពីប្រទេសអភិវឌ្ឍគេសប្បាយចិត្តជាង»។

ពាក់ព័ន្ធនឹងវិស័យទេសចរណ៍នេះ កម្ពុជា មានការកើនឡើងជាលំដាប់ ពោលគឺជារៀងរាល់សប្តាហ៍ មានការកើនឡើងចន្លោះពី ២០ម៉ឺនទៅ ជាង ៣០ម៉ឺននាក់។ នេះបើតាមរបាយការណ៍របស់ក្រសួងទេសចរណ៍។

ថ្លែងនៅក្នុងពិធីសំណេះសំណាល និងផ្តល់អនុសាសន៍ដល់កីឡាករ កីឡាការិនី និងអត្តពលិក មុនពេលចេញទៅប្រកួតកីឡាស៊ីហ្គេម (SEA Games) លើកទី៣១ នៅប្រទេសវៀតណាម កាលពីថ្ងៃទី២៨ ខែមេសា ឆ្នាំ២០២២ សម្តេចតេជោ ហ៊ុន សែន មានប្រសាសន៍ថា «សម្រាប់ឆ្នាំក្រោយនេះ យើងបានបង្កកថវិកាចំនួនបួនឆ្នាំហើយ ប៉ុន្មានថ្ងៃមុន ខ្ញុំចាប់ផ្តើមបង្កកបន្ថែមចំនួន៣០ពាន់លានរៀល ដូច្នេះបួនឆ្នាំ តម្រូវការរបស់យើងគឺ១២០ពាន់លានរៀល ស្មើនឹង៤០លានដុល្លារអាមេរិក ដើម្បីត្រៀមការប្រកួតកីឡាឆ្នាំក្រោយ ដែលត្រូវចាយលុយ។ នេះមិនមែនយកលុយសម្រាប់តែឆ្នាំ២០២៣ទេ នេះជាឆ្នាំទី៣ហើយ ឆ្នាំក្រោយត្រូវដាក់៣០ពាន់លានរៀលបន្ថែមទៀត ដើម្បីបម្រើឱ្យការប្រកួត»៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៣ នាទី មុន

លោក សេង ម៉ៅ ៖ ទោះអាយុជិត ៤០ ឆ្នាំ ក៏នៅសង្វាតជំនាញបច្ចេកទេស ព្រោះចង់បើករបរឯស្រុកកំណើត

ព័ត៌មានអន្ដរជាតិ៥៩ នាទី មុន

​សេដ្ឋកិច្ច​ជប៉ុន​រង​ផល​ប៉ះពាល់ខ្លាំង ចាប់តាំងពីគ្រោះ​រញ្ជួយ​ដីថ្ងៃឆ្លងឆ្នាំ

កីឡា១ ម៉ោង មុន

មុនប៉ះបឹងកេតថ្ងៃអាទិត្យនេះ ភ្នំពេញក្រោនមិនទាន់ចាញ់ក្នុងជើងទី២

ព័ត៌មានជាតិ២ ម៉ោង មុន

ស្ពានអាកាសព្រះមុនីវង្ស​ សាងសង់បញ្ចប់មុនផែនការ ​ត្រៀមធ្វើពិធីតភ្ជាប់​ដើមសប្ដាហ៍ក្រោយ​

ព័ត៌មានជាតិ២ ម៉ោង មុន

ក្រុមហ៊ុន Vietjet នឹងបើកដំណើរការសេវាកម្មហោះហើរប្រចាំថ្ងៃទីពីរ ទៅ ចិន ត្រឹមតែពីរខែប៉ុណ្ណោះ ដោយពង្រីកបណ្ដាញជើងហោះហើរវៀតណាម-ចិន

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម