សេដ្ឋកិច្ច
លោកស្រី ជា សិរី៖ ធនាគារត្រូវប្រុងប្រយ័ត្នចំពោះការផ្តល់កម្ចីលើការទិញដី ឬលំនៅដ្ឋាន
លោកស្រី ជា សិរី ឧបការីទេសសាភិបាល និងជាអគ្គនាយកបច្ចេកទេសធនាគារជាតិនៃកម្ពុជា បានធ្វើការណែនាំដល់ធនាគារត្រូវមានការប្រុងប្រយ័ត្នខ្ពស់ ចំពោះការការផ្តល់កម្ចីលើការទិញដី និងលំនៅដ្ឋានព្រោះថា អាចមានហានិភ័យខ្ពស់នៅពេលដែលអតិថិជនជួបវិបត្តិអ្វីមួយដែលមិនអាចសងត្រឡប់វិញបាន។
ថ្លែងក្នុងឱកាសបើកសិក្ខាសាលាស្ដីពី ការផ្សព្វផ្សាយ និងដាក់ឱ្យប្រើប្រាស់ជាផ្លូវការសន្ទស្សន៍ថ្លៃលំនៅដ្ឋាន នៅថ្ងៃទី០៦ ខែ មិថុនា នៅសណ្ឋាគារឡឺរ៉ូយ៉ាល លោកស្រី ជា សិរី បានមានប្រសាសន៍ថា ជាទូទៅការផ្តល់ប្រាក់កម្ចីអ្វីមួយ ត្រូវមានការធានាជាផ្ទះឬដីមកបញ្ចាំទើបធនាគារគេឱ្យខ្ចី។ ប៉ុន្តែការខ្ចីប្រាក់យកទៅទិញដី ឬលំនៅដ្ឋានវាមានហានិភ័យជាងខ្ចីយកទៅទិញផ្ទះខ្លួនឯង។
លោកស្រីបានបន្តថា អតិថិជនខ្ចីប្រាក់យកទៅទិញផ្ទះរស់នៅ បើទោះបីជាមានហានិភ័យអ្វីមួយក៏ដោយ ក៏គាត់ខំប្រឹងរកប្រាក់ ដើម្បីបង់ត្រឡប់មកធនាការវិញដែរ។
លោកស្រីបានបន្តទៀតថា « ប៉ុន្តែយើងបារម្ភទៅលើអ្នកដែលខ្លីយកទៅទិញដី ឬលំនៅដ្ឋានទុកដើម្បីរង់ចាំឡើងថ្លៃលក់ចំណេញនោះ អាចជាហានិភ័យនៅពេលដែលមានផលលំបាកកើតឡើងដោយគាត់អាចនឹងបោះបង់ដីឬលំនៅដ្ឋាននោះចោល ដោយសារមិនមានលទ្ធភាពបង់ប្រាក់ត្រឡប់ទៅធនាគារវិញបាន»។
លោកស្រីបានបន្ថែមថា ដូចនេះធនាគាត្រូវរឹបអូសដីឬលំនៅដ្ឋាននោះដើម្បីលក់បន្តហើយក៏មិនប្រាកដថា អាចលក់បានដូចការវាយតម្លៃ ដែលអតិថិជនមកខ្ចីនោះដែរ ព្រោះថា ប្រាក់ដែលផ្តល់ឱ្យជាប្រាក់បញ្ញើរបស់អតិថិជនទេមិនមែនប្រាក់របស់ធនាគារទាំងអស់ដែរហើយនៅពេលដែលធនាគារអត់មានប្រាក់ប្រមូលបានត្រឡប់មកវិញច្រើន វានឹងប៉ះពាល់ដល់អ្នកដែលយកប្រាក់មកបញ្ញើរ។ ដូច្នេះត្រូវមានការប្រុងប្រយ័ត្នដើម្បីធ្វើយ៉ាងណាការពារវិស័យធនាគារ កុំឱ្យមានបញ្ហាត្រូវមានរង្វាស់ជាក់លាក់ ដើម្បីវ៉ាស់វែងហានិភ័យ និងមានវិធានការឱ្យបានទាន់ពេលវេលាកុំឱ្យដូចពាក្យចាស់លើកឡើងថា ទឹកដល់ច្រមុះហើយ ទើបរកវិធានការដោះស្រាយនោះ។
លោកស្រី ជាសិរី បានបញ្ជាក់ថា ក្នុងការទប់ស្កាត់ហានិភ័យនេះជាវិធានការ គឺមានតែធនាគារត្រូវសិក្សា និងវាយតម្លៃឱ្យបានច្បាស់លាស់ ពីតម្លៃអចនទ្រព្យបើមានការធ្លាក់ថ្លៃត្រូវប្រុងប្រយ័ត្នហើយបើតម្លៃឡើងថ្លៃក៏មានការប្រុងប្រយ័ត្នដែរព្រោះ ជូនកាលការឡើងថ្លៃបែបពពុះសេដ្ឋកិច្ចប៉ុណ្ណោះ។
លោស្រីបានសង្កត់ធ្ងន់ថា ការដាក់ឱ្យប្រើប្រាស់សន្ទស្សន៍ថ្លៃលំនៅដ្ឋាននាពេលនេះនឹងរួមចំណែកដ៏សំខាន់ក្នុងការ តាមដានវាយតម្លៃ និងរៀបចំគោលនយោបាយអភិវឌ្ឍន៍ ក៏ដូចជាវិធានការនានា ដើម្បីកាត់បន្ថយហានិភ័យជាអតិបរមា ក្នុងគោលដៅស្ថិរភាពម៉ាក្រូសេដ្ឋកិច្ចពិសេសជួយគ្រប់គ្រងហានិភ័យនៅក្នុងវិស័យធនាគារផងដែរ៕ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ