ធនាគារជាតិអំពាវនាវដល់សាធារណជនកុំចាញ់​បោក​​​​​ការប្រើឈ្មោះស្ថាប័នខ្លួនដើម្បីរៃអង្គាសប្រាក់ឬគម្រោងវិនិយោគនានា

ធនាគារជាតិនៃកម្ពុជា (NBC) បានធ្វើការអំពាវនាវដល់សាធារណជនកុំឱ្យមានចាញ់បោកនៃការប្រើប្រាស់ឈ្មោះស្ថាប័នរបស់ខ្លួន ឬអាសយដ្ឋានអ៊ីម៉ែលក្លែងក្លាយក្រោមឈ្មោះធនាគារជាតិនៃកម្ពុជា ព្រមទាំងបណ្តាញសង្គមផ្សេងៗ ដើម្បីទាក់ទងទៅកាន់សាធារណជន ក្នុងចេតនាទុច្ចរិតដូចជា រៃអង្គាសប្រាក់ ផ្ទេរប្រាក់ ផ្សព្វផ្សាយពីគម្រោងវិនិយោគ ឬការទិញ-លក់ទំនិញ និងសេវាកម្មផ្សេងៗ។

យោងតាមសេចក្តីជូនដំណឹងរបស់ NBC ចេញផ្សាយកាលពីសប្តាហ៍មុនថា នាពេលថ្មីៗនេះ ជនអនាមិកមួយចំនួនបានក្លែងបន្លំ ជាថ្នាក់ដឹកនាំ និងប្រើប្រាស់អាសយដ្ឋានអ៊ីម៉ែលក្លែងក្លាយក្រោមឈ្មោះធនាគារជាតិនៃកម្ពុជា ព្រមទាំងបណ្តាញសង្គមផ្សេងៗ ដើម្បីទាក់ទងទៅកាន់សាធារណជន ក្នុងចេតនាទុច្ចរិតដូចជា រៃអង្គាសប្រាក់ ផ្ទេរប្រាក់ ផ្សព្វផ្សាយពីគម្រោងវិនិយោគ ឬការទិញ-លក់ទំនិញ និងសេវាកម្មផ្សេងៗ។

«ធនាគារជាតិនៃកម្ពុជា សូមបដិសេធទាំងស្រុងចំពោះទង្វើរបស់បុគ្គលទុច្ចរិតទាំងនោះ និងសូមអំពាវនាវឱ្យសាធារណជនមេត្តាបង្កើនការប្រុងប្រយ័ត្នជាប់ជាប្រចាំ ដើម្បីកុំឱ្យធ្លាក់ចូលក្នុងល្បិចឆបោកណាមួយ ដែលអាចនាំឱ្យជាប់ពាក់ព័ន្ធនឹងទង្វើខុសច្បាប់ និងបាត់បង់ប្រាក់កាស ឬទ្រព្យសម្បត្តិផ្ទាល់ខ្លួន»។

បើតាម NBC សម្រាប់សាធារណជនសហការជូនដំណឹងពាក់ព័ន្ធនឹងករណីបែបនេះ និងផ្ទៀងផ្ទាត់ព័ត៌មានជាមួយធនាគារជាតិនៃកម្ពុជា តាមរយៈទូរស័ព្ទ ៖

(៨៥៥) ២៣ ៩៩០ ១៩៦

Email: [email protected]