ព័ត៌មានជាតិ
ផ្លូវសំឡូត-កោះកុង ជិះស្រួលអាចវិលល្ងាច ប្រើពេល ៤ ទៅ ៥ ម៉ោងទៅដល់គោលដៅ
ផ្លូវជាតិលេខ ១០ កាត់ព្រៃភ្នំពីខេត្តកោះកុងទៅស្រុកសំឡូតខេត្តបាត់ដំបង សម្រេចការសាងសង់បានជាង ៤០ ភាគរយ ក្នុងចម្ងាយផ្លូវ ១៩៩ គីឡូម៉ែត្រ។
លោក អន ដាវុធ ប្រធានមន្ទីរសាធារណការនិងដឹកជញ្ជូនខេត្តកោះកុង ប្រាប់កម្ពុជាថ្មីនៅព្រឹកនេះថា ផ្លូវកាត់មួយខ្សែថ្មីនេះ បានធ្វើការឈូសឆាយបានរលោងស្អាត អាចឲ្យរថយន្តទេសចរណ៍តូចធំជិះធ្វើដំណើរទៅមកបានស្រួល។
“ពីកោះកុងទៅប្រមោយ ប្រើពេលត្រឹម ៣ ទៅ ៤ ម៉ោងប៉ុណ្ណោះ ហើយបើទៅដល់សំឡូតខេត្តបាត់ដំបងត្រឹម ៥ ម៉ោងទៅដល់”។ នេះបើតាមលោកប្រធានមន្ទីរ។
លោកបន្តថា មុនផ្លូវនេះផ្តើមសាងសង់ អ្នកដំណើរត្រូវដេកផ្លូវមួយយប់ក៏មាន ហើយខែវស្សាជាប់ផុងមិនអាចធ្វើដំណើរបានទេ។
លោកប្រធានមន្ទីរ អន ដាវុធ រំពឹងថា នៅពេលផ្លូវកាត់ថ្មីនេះចាក់បេតុងកៅស៊ូ (AC) រួចរាល់ទាំងសុង នឹងនាំប្រយោជន៍សេដ្ឋកិច្ចដល់ខេត្តកោះកុង និងពលរដ្ឋមកពីខេត្តសៀមរាប ខេត្តបាត់ដំបង ចង់មកលេងខេត្តកោះកុងទៅមកមិនពិបាកនិងប្រើពេលយូរទៀតទេ។
ផ្លូវជាតិលេខ១០ ថ្មីនេះ មានប្រវែងសរុបប្រមាណ ១៩៩គីឡូម៉ែត្រ តភ្ជាប់ពីសំឡូត- វាលវែង-អូរសោម ដល់កោះកុង។សាងសង់ដោយក្រុមហ៊ុនសាជីវកម្មស្ពានថ្នល់ចិន (CRBC) ក្នុងទំហំវិនិយោគប្រមាណ ១៨៨លានដុល្លារ តាមផែនការ គ្រោងបញ្ចប់នៅឆ្នាំ២០២៣៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ