សេដ្ឋកិច្ច
កម្ពុជា គ្រោងអនុវត្តកម្មវិធី Margin trading ជំរុញការជួញដូរផ្សារហ៊ុនកាន់តែខ្លាំង
រដ្ឋាភិបាលកម្ពុជា គ្រោងនឹងដាក់ឲ្យអនុវត្តបន្ថែមទៀតនូវកម្មវិធី Margin trading នៅចុងឆ្នាំ២០២២ ឬដើមឆ្នាំ២០២៣ ខាងមុខនេះ ដើម្បីជំរុញដល់ការជួញដូរហ៊ុននៅកម្ពុជា ឱ្យកាន់តែខ្លាំងក្លាបន្ថែមទៀត ខណៈបច្ចុប្បន្នទំហំនៃការជួញដូរមានប្រមាណជាង ១ លានដុល្លារអាមេរិកប៉ុណ្ណោះនៅក្នុងមួយថ្ងៃ។
ថ្លែងក្រោយចូលរួមបើកវគ្គបណ្តុះបណ្តាលវិនិយោគិនក្នុងវិស័យមូលបត្រ ស្តីពី ការជំរុញការយល់ដឹងក្នុងវិស័យមូលបត្រ នៅថ្ងៃទី១៦ ខែសីហានេះ លោក ស៊ូ សុជាតិ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃនិយ័តករមូលបត្រកម្ពុជា មានប្រសាសន៍ថា កម្មវិធី Margin trading នឹងអាចជួយជំរុញឱ្យការជួញដូរភាគហ៊ុនកាន់តែមានការកើនឡើងបន្ថែម ព្រោះថាប្រសិនបើយើងមានភាគហ៊ុនត្រឹម ៧០ ភាគរយ យើងអាចលក់ដល់ទៅ ១០០ ភាគរយបានតាមរយៈការខ្ចីមូលបត្រ ហើយប្រសិនបើយើងមានភាគហ៊ុន ៧០ ភាគរយ យើងក៏អាចទិញបាន ១០០ ភាគរយដែរតាមរយៈការខ្ចីមូលបត្របានដូចគ្នា ខណៈកន្លងទៅយើងអាចលក់ភាគហ៊ុន ១០០ ភាគរយបាន លុះត្រាតែមានភាគហ៊ុន ១០០ ភាគរយ។
លោកបានបន្តថា ការអនុវត្តកម្មវិធី Margin trading មានលក្ខណៈងាយស្រួលសម្រាប់អ្នកដែលធ្លាប់ជួញដូរ ប៉ុន្តែមានភាពផុសស្រួយសម្រាប់អ្នកដែលជួញដូរថ្មីថ្មោង។
ប៉ុន្តែយ៉ាងណាក៏ដោយ លោកបានបញ្ជាក់ថា ការងារនេះនឹងដំណើរការទៅមុខ ខណៈបច្ចុប្បន្ននេះក្រុមការងាររបស់លោកកំពុងមមាញឹករៀបចំជាបទបញ្ញាតផ្សេងៗសម្រាប់ដំណើរការសម្រាប់អនុវត្តកម្មវិធី Margin trading នេះប្រកបដោយរលូន។
លោកបានបន្ថែមទៀតថា ក្រៅពីនេះនាពេលខាងមុខនេះ យើងនឹងដាក់ចេញនូវបទបញ្ញាត្តិដែលអនុញ្ញាតឱ្យនិយោជិតអាចខ្ចីប្រាក់ពីធនាគារដោយគ្រាន់តែយកភាគហ៊ុនរបស់ខ្លួនទៅបញ្ចាំនៅពេលដែលភាគហ៊ុនមានតម្លៃថោកពេក ដែលជួយធានានូវការមិនលក់បញ្ចេញភាគហ៊ុនមួយក្រោមថ្លៃ ហើយពេលនយោជិតមានថវិកាអាចទៅយកភាគហ៊ុននោះវិញ។ ប៉ុន្តែក្នុងកំឡុងពេលបញ្ចាំភាគហ៊ុននោះ មិនអនុញ្ញាតឱ្យមាការជួញដូរបានទេ។ នៅពេលដំណើរការ វាអាចនឹងជួយជំរុញបន្ថែមទៀតកុំឱ្យនិយោជិតចេះតែចង់លក់ភ្លាមៗ។
លោកបានបញ្ជាក់ទៀតថា គិតត្រឹមត្រីមាសទី២ ឆ្នាំ២០២២នេះ ការជួញដូរភាគហ៊ុន ក្នុងបរមាណមធ្យមប្រហែលជិត ៥០ ម៉ឺនភាគហ៊ុន គិតជាទឹកប្រាក់មានតម្លៃជាមធ្យមប្រហែល ១,២៨ លានដុល្លារក្នុង១ថ្ងៃ។ ដូច្នេះ ទីផ្សារមូលបត្រកំពុងវិវឌ្ឍន៍ប្រកបដោយវឌ្ឍនភាពជាវិជ្ជមាន ដោយទីផ្សាររបស់កម្ពុជាមានប្រព័ន្ធទ្រទ្រង់ ឬសសរស្តម្ភគ្រប់គ្រាន់ ដូចជាវិនិយោគិន, ក្រុមហ៊ុនបោះផ្សាយ, អន្តរការីទីផ្សារ និងហេដ្ឋារចនាសម្ព័ន្ធទីផ្សារ និងទទួលបានការគាំទ្រ និងការចូលរួមយ៉ាងពេញទំហឹងភាគីពាក់ព័ន្ធទាំងអស់នៅក្នុងវិស័យនេះ។
លោក ស៊ូ សុជាតិ បានរំលឹកថា និយ័តករមូលបត្រកម្ពុជាបានបង្កើតឡើងក្នុងឆ្នាំ២០០៩ សហការជាមួយផ្សារមូលបត្រកូរ៉េ ក្នុងនោះផ្សារមូលបត្រកម្ពុជាមានភាគហ៊ុនចំនួន ៥៥ ភាគរយ និងផ្សារមូលបត្រកូរ៉េមានភាគហ៊ុនចំនួន ៤៥ ភាគរយ។
លោកបានបញ្ជាក់បន្ថែមថា រហូតមកដល់ពេលនេះ មានក្រុមហ៊ុនចុះបញ្ជីចំនួន ១៦ ក្រុមហ៊ុន ក្នុងនោះមានចុះបញ្ជីផ្នែកមូលបត្រកម្មសិទ្ធចំនួន ៩ ក្រុមហ៊ុន និងចុះបញ្ជីផ្នែកមូលបត្របំណុលចំនួន ៧ ក្រុមហ៊ុនដោយមានទំហំទឹកប្រាក់ទាំងមូលបត្របំណុល និងមូលបត្រកម្មសិទ្ធ ប្រហែល ៣០០ លានដុល្លារអាមេរិក៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ