មកដឹងប្រាក់ចំណូលដែល រុស្ស៊ី កើបបាន ក្រៅពីប្រេង និងឧស្ម័ន

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយកាលពីថ្ងៃព្រហស្បតិ៍ក្នុងកិច្ចប្រជុំលើកដំបូងជាមួយសមាជិកគណៈរដ្ឋមន្ត្រីក្នុងឆ្នាំនេះថា រុស្ស៊ីអាចកើបប្រាក់ចំណូល ក្រៅពីប្រេង និងឧស្ម័នរហូតដល់ ២០០ ពាន់លានរូបិ៍ (៣ ពាន់លានដុល្លារ) ។

លោក ពូទីន បានបញ្ជាក់ថា យោងតាមទិន្នន័យនេះ រុស្ស៊ីមិនចាំបាច់ពឹងផ្អែកលើចំណូលពីប្រេង និងឧស្ម័ន ក៏ប្រទេសនេះអាចដោះស្រាយបញ្ហាដែលចាំបាច់ទាំងអស់បានដែរ ។

ប្រធានាធិបតីរុស្ស៊ីបន្ថែមទៀតថា “ចំណូលនេះក៏នឹងផ្តល់ឲ្យយើងនូវឱកាសមួយ ដើម្បីដោះស្រាយរាល់កិច្ចការដែលយើងកំណត់សម្រាប់ការអភិវឌ្ឍន៍ និងសម្រាប់បញ្ហា​​ធ្ងន់ធ្ងរដែល​កំពុង​កើត​មាន​នៅ​ពេល​បច្ចុប្បន្ននេះផងដែរ” ។

មេដឹកនាំរុស្ស៊ីបាននិយាយថា ការអភិវឌ្ឍន៍អធិបតេយ្យភាព ក៏ដូចជាការដោះស្រាយបញ្ហាដែលទាក់ទងនឹងឯករាជ្យភាពគួរតែសម្រេចបាន ពោលមិនដូចប្រភពខាងក្រៅដាក់សម្ពាធណាមួយមកលើយើងនោះទេ ។

គួរបញ្ជាក់ថា រុស្ស៊ីនៅតែអាចកើបប្រាក់ចំណូលបានពីវិស័យផ្សេងៗ បើទោះបីជាមានការដាក់ទណ្ឌកម្មថាលពលពីសំណាក់សហរដ្ឋអាមេរិក និងប្រទេសលោកខាងលិច ពាក់ព័ន្ធនឹងប្រតិបត្តិការយោធាពិសេសរបស់រុស្ស៊ីលើអ៊ុយក្រែន ចាប់ពីថ្ងៃទី២៤ ខែកុម្ភៈ ឆ្នាំ២០២២ មកក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ លោក Zelensky អួតតែពីអាវុធលោកខាងលិចផ្ដល់ឲ្យ អ៊ុយក្រែន ឯប្រទេស កំពុងខ្ទេចខ្ទី