សេដ្ឋកិច្ច
សេដ្ឋកិច្ចប្រទេស អាស៊ាន ចំនួន ៤ រួមទាំង កម្ពុជា ផងនោះ នឹងមានកំណើនខ្លាំងក្នុងឆ្នាំ ២០២៣ នេះ
មជ្ឈមណ្ឌលស៊ើបការណ៍សេដ្ឋកិច្ចរបស់ធនាគារ Siam Commercial Bank បានព្យាករណ៍ថា សេដ្ឋកិច្ចប្រទេសអាស៊ានដូចជា កម្ពុជា វៀតណាម ឡាវ និងមីយ៉ាន់ម៉ា នឹងមានសន្ទុះខ្លាំងនៅឆ្នាំនេះ ប៉ុន្តែតិចជាងសក្តានុពលកំណើន មុនពេលរោគរាតត្បាតកូវីដ ១៩ ។
យោងតាមធនាគារថៃបានឲ្យដឹងថា ការស្ទុះងើបឡើងវិញនេះ នឹងខុសគ្នានៅតាមបណ្ដាប្រទេសទាំងនោះ ដោយសារតែផ្អែកលើមូលដ្ឋានសេដ្ឋកិច្ច និងហានិភ័យជាក់លាក់សម្រាប់ប្រទេសនីមួយៗ ។
ក្នុងរបាយការណ៍ចេញផ្សាយកាលពីពេលថ្មីៗនេះបានឲ្យដឹងថា វៀតណាមនឹងឃើញកំណើនសេដ្ឋកិច្ចខ្ពស់បំផុត ៦.២ ភាគរយ បន្ទាប់មកសេដ្ឋកិច្ចកម្ពុជា នឹងកើនឡើង ៥.៥ ភាគរយនៅឆ្នាំ ២០២៣ ហើយឡាវ និងមីយ៉ាន់ម៉ា ជាប់ចំណាត់ថ្នាក់លេខ ៣ ក្នុងបញ្ជីជាមួយនឹងកំណើនប្រចាំឆ្នាំតាមការរំពឹងទុកចំនួន ៣ ភាគរយ ។
ចំពោះតម្រូវការក្នុងស្រុកសម្រាប់ទំនិញ និងសេវាកម្ម រួមជាមួយនឹងទេសចរណ៍ក៏ជាកត្តាសំខាន់មួយទៀត ដែលនឹងជំរុញការស្ទុះងើបឡើងវិញនៃសេដ្ឋកិច្ចសម្រាប់បណ្តាប្រទេសក្នុងតំបន់អាស៊ីអាគ្នេយ៍ទាំងនេះ ។
ទន្ទឹមនឹងនោះ ការកែសម្រួលទីផ្សារការងារ ក៏នឹងជួយដល់ការកើនឡើងតម្រូវការក្នុងស្រុកផងដែរ ខណៈអត្រាការងារនៅត្រីមាសទី ៤ ឆ្នាំ ២០២២, វៀតណាមទទួលបានការកើនឡើងដល់កម្រិតខ្ពស់បំផុត ចាប់តាំងពីការផ្ទុះឡើងនៃជំងឺកូវីដ ១៩ ។
ទាក់ទងនឹងប្រទេសចិន ដែលបានបើកព្រំដែនឡើងវិញកាលពីខែមុន ក៏ជាកត្តាចម្បងផងដែរសម្រាប់វិស័យសេវាកម្មនៃប្រទេសអាស៊ានទាំងនេះ ដោយសារតែភ្ញៀវទេសចរអន្តរជាតិភាគច្រើនចាប់អារម្មណ៍ក្នុងការមកទស្សនាប្រទេសទាំងនេះ ។
តាមរបាយការណ៍នេះគេរំពឹងថា កម្ពុជា និងវៀតណាម នឹងទទួលបានអត្ថប្រយោជន៍ច្រើនបំផុតពីការកើនឡើងនៃចំនួនភ្ញៀវទេសចរណ៍ ដោយសារឧស្សាហកម្មទេសចរណ៍មានចំនួន ១៨.២ ភាគរយ និង ៩.៨ភាគរយនៃផលិតផលក្នុងស្រុកសរុប ៕
ប្រែសម្រួលដោយ ៖ នាង រតនៈ
ប្រភព ៖ Laotian Time
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ