ព័ត៌មានអន្ដរជាតិ
ប្រធាន អាស៊ាន បញ្ជូនមន្ត្រីជាន់ខ្ពស់ទៅ មីយ៉ាន់ម៉ា ដើម្បីផ្ដល់ជំនាញផ្លាស់ប្ដូរការគ្រប់គ្រងបែបយោធាទៅជាប្រជាធិបតេយ្យ
សារព័ត៌មានជប៉ុន Kyodo News បានរាយការណ៍ថា ប្រទេសឥណ្ឌូណេស៊ីក្នុងនាមជាប្រធានអាស៊ាន ឆ្នាំ ២០២៣ នេះ បានបញ្ជូនមន្ត្រីយោធាជាន់ខ្ពស់មួយរូបទៅកាន់ប្រទេសមីយ៉ាន់ម៉ា ដើម្បីផ្តល់ចំណេះជំនាញរបស់ខ្លួនផ្ដោតលើការផ្លាស់ប្តូរពីការគ្រប់គ្រងបែបយោធាទៅជារដ្ឋាភិបាលប្រជាធិបតេយ្យវិញ ។
ក្រុមអ្នកសង្កេតការណ៍ជឿជាក់ថា កិច្ចប្រជុំក្រុមរដ្ឋមន្ត្រីការបរទេសអាស៊ានរយៈពេល ២ ថ្ងៃនៅឥណ្ឌូណេស៊ី ដែលបញ្ចប់កាលពីថ្ងៃសៅរ៍ ទី៤ ខែកុម្ភៈកន្លងទៅនេះ អាចមានន័យថា សមាគមអាស៊ានទំនងជានឹងជួបជាមួយមេដឹកនាំយោធាមីយ៉ាន់ម៉ា គឺលោក Min Aung Hlaing ខណៈលោកប្រធានាធិបតី Joko Widodo ក៏គ្រោងនឹងធ្វើទស្សនកិច្ចប្រទេសនេះនាពេលខាងមុខផងដែរ ។
ប្រភពការទូតមួយបាននិយាយកាលពីពេលថ្មីៗនេះថា ប្រទេសឥណ្ឌូណេស៊ីដែលជាប្រធានអាស៊ានឆ្នាំនេះ កំពុងស្វែងរកការរៀបចំកិច្ចប្រជុំជាមួយមេដឹកនាំយោធាមីយ៉ាន់ម៉ា ក្រោយរយៈពេល ២ ឆ្នាំនៃរដ្ឋប្រហារយោធា ដែលបាននាំឲ្យមានភាពចលាចលស៊ីវិលដ៏ធំនៅក្នុងប្រទេសមួយនេះ ។
ខណៈដែលមិនទាន់បានកំណត់កាលបរិច្ឆេទនៃកិច្ចប្រជុំនោះ ឥណ្ឌូណេស៊ីក៏គ្រោងនឹងធ្វើជាម្ចាស់ផ្ទះនៃកិច្ចប្រជុំកំពូលថ្នាក់តំបន់ក្នុងខែឧសភា និងកញ្ញា ក្នុងនាមជាប្រធានអាស៊ាន ឆ្នាំ ២០២៣ នេះ ។
គួររំឭកថា ក្រោយរដ្ឋប្រហារ អាស៊ានបានដកមេដឹកនាំមីយ៉ាន់ម៉ា និងមន្ត្រីដែលត្រូវបានតែងតាំងដោយយោធាចេញពីកិច្ចប្រជុំរបស់ខ្លួន ដោយរៀបចំផែនការអនុវត្តកិច្ចព្រមព្រៀងសន្តិភាពជាឯកច្ឆន្ទ ៥ ចំណុច ប៉ុន្តែប្រទេសមីយ៉ាន់ម៉ាបានបរាជ័យក្នុងការអនុវត្តជំហានទាំងនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Laotian Times
ចុចអាន ៖ រដ្ឋមន្ត្រីការបរទេស អាស៊ាន បន្តផ្ដោតសំខាន់លើ មីយ៉ានម៉ា ខណៈរដ្ឋប្រហារឈាន ដល់ខួប ២ ឆ្នាំ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ