សេដ្ឋកិច្ច
ឡាវ ស្នើក្រុមហ៊ុនអាកាសចរកម្ពុជា-ឡាវ គិតគូរពីតម្លៃជើងហោះហើរ ដើម្បីជំរុញកំណើនទេសចររវាងប្រទេសទាំងពីរ
ប្រធានសភាពាណិជ្ជកម្ម និងឧស្សាហកម្មឡាវ បានស្នើដល់កម្ពុជា គិតគូរលើការបញ្ចុះតម្លៃសំបុត្រយន្តហោះ ដើម្បីជំរុញកំណើនទេសចររវាងប្រទេសទាំងពីរបន្ថែមទៀត។ ការស្នើនេះ ធ្វើឡើងនៅក្នុងជំនួបរវាងលោក ឧដេត សុវណ្ណាវង្ស ប្រធានសភាពាណិជ្ជកម្ម និងឧស្សាហកម្មឡាវ ជាមួយអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា នៅព្រឹកថ្ងៃទី ១៤ ខែកុម្ភៈ ឆ្នាំ២០២៣ នៅទីក្រុងវៀងច័ន្ទ។
នៅក្នុងជំនួបនេះ លោក ឧដេត សុវណ្ណាវង្ស ប្រធានសភាពាណិជ្ជកម្ម និងឧស្សាហកម្មឡាវ បានលើកឡើងអំពីបញ្ហាតម្លៃជើងហោះហើរ ដែលអាចធ្វើឱ្យអ្នកទេសចរណ៍មិនទាន់មានចំនួនច្រើនទៅវិញទៅមក ដោយសារតែសំបុត្រយន្តហោះមានតម្លៃខ្ពស់។ ក្នុងន័យនេះភាគីឡាវស្នើឱ្យក្រុមហ៊ុនអាកាសចរណ៍កម្ពុជា ឡាវ គិតគូរពីបញ្ហាតម្លៃនេះ ដោយលោកសង្កត់ធ្ងន់ថា ប្រសិនបើតម្លៃទាប ជាកត្តាជំរុញទេសចរណ៍កាន់តែប្រសើរ។
លើសពីនេះទៀត លោកក៏បានថ្លែងអរគុណចំពោះអ្នកឧកញ៉ា គិត ម៉េង និងសមាជិកសភាពាណិជ្ជកម្មកម្ពុជា ដែលឆ្លៀតពេលវេលាមមាញឹក ដើម្បីបង្ហាញពីសក្តានុពលនានា និងបង្កើនកិច្ចសហប្រតិបត្តិការវិនិយោគរវាងកម្ពុជា និងឡាវ ស្របតាមការខិតខំប្រឹងប្រែងរបស់ថ្នាក់ដឹកនាំកំពូល ដែលជំរុញឲ្យទំហំពាណិជ្ជកម្មកើនឡើង ដើម្បីផលប្រយោជន៍ដល់ប្រទេស និងប្រជាជន នៃប្រទេសទាំងពីរ។ ប្រធានសភាពាណិជ្ជកម្មឡាវ ក៏បានជំរុញឱ្យអ្នកវិនិយោគកម្ពុជា មកបណ្តាក់ទុននៅឡាវផងដែរ។
ក្រៅពីជជែកអំពីវិស័យអាកាសចរណ៍ អ្នកឧកញ៉ា គិត ម៉េង ក៏បានលើកអំពីច្បាប់វិនិយោគថ្មីរបស់កម្ពុជា ដែលផ្តល់នូវលក្ខខណ្ឌល្អប្រសើរ និងបរិយាកាសអំណោយផលដល់វិនិយោគិនបរទេសផងដែរ។
អ្នកឧកញ៉ា បានថ្លែងថា ថ្នាក់ដឹកនាំកំពូលប្រទេសទាំងពីរឯកភាពគ្នាលើកទឹកចិត្តឱ្យពន្លឿនបញ្ចប់ការចរចាលើកិច្ចព្រមព្រៀងស្ដីពី ការចៀសវាងយកពន្ធត្រួតគ្នា ដើម្បីជំរុញបន្ថែមទៀត នូវពាណិជ្ជកម្មទ្វេភាគី និងសកម្មភាពសេដ្ឋកិច្ចនៃប្រទេសទាំងពីរ។
ជាមួយគ្នានេះ អ្នកឧកញ៉ា គិត ម៉េង បានលើកអំពីប្រសាសន៍របស់សម្តេចតេជោ លើកទឹកចិត្តឱ្យភាគីទាំងពីរបង្កើនការរៀបចំព្រឹត្តិការណ៍ផ្គូផ្គង ដៃគូពាណិជ្ជកម្ម ការតាំងពិព័រណ៍ និងសិក្ខាសាលា ដើម្បីផ្ដល់ឱកាសកាន់តែច្រើនសម្រាប់ការផ្លាស់ប្តូរពាណិជ្ជកម្ម និងការវិនិយោគរវាងប្រទេសទាំងពីរផងដែរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ