Connect with us

សេដ្ឋកិច្ច

មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល

បានផុស

នៅ

ការស្រាវជ្រាវថ្មីមួយបានបង្ហាញថា ក្នុងមួយឆ្នាំៗ ប្រទេសវៀតណាម ត្រូវប្រឈមនឹងការបាត់បង់ដំណាំគិតជាទឹកប្រាក់ជិត៣ពាន់លានដុល្លារអាមេរិក ដោយសារទឹកប្រៃកាន់តែច្រើន បានហូរចូលទៅក្នុងដីបង្កបង្កើនផល។

(រូបថត៖ The Star)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលការស្រាវជ្រាវពីក្រសួងបរិស្ថាននិងចុះផ្សាយដោយសារព័ត៌មាន VN Express បានបង្ហាញថា ការខូចខាតគឺប៉ះពាល់ខ្លាំងបំផុត លើតំបន់ដីសណ្ដមេគង្គ ដែលត្រូវបានគេស្គាល់ថាជា “ចានបាយរបស់វៀតណាម” ព្រោះនោះជាប្រភពផ្តល់ស្បៀងអាហារនិងជួយផ្គត់ផ្គង់ដល់ជីវភាពរស់នៅ របស់ប្រជាជនរាប់សិបលាននាក់។

របាយការណ៍បន្តថា​ តាមពិតទៅ ក្នុងរដូវប្រាំង កម្រិតទឹកប្រៃតែងតែហូរចូលតំបន់ដីសណ្តនេះឯង ប៉ុន្តែបច្ចុប្បន្ន​ វាហូរលឿនជាងធម្មតា ដោយសារតែការកើនឡើងនៃកម្រិតទឹកសមុទ្រ ភាពរាំងស្ងួត បម្រែបម្រួលជំនោរ និងកង្វះទឹកសាប។

(រូបថត៖ AFP)

ការស្រាវជ្រាវនេះទៀតសោតបានរកឃើញថា ក្នុងចំណោមតំបន់ដែលរងផលប៉ះពាល់ខ្លាំងបំផុត គឺខេត្ត Ca Mau នៅចុងភាគខាងត្បូង ដែលអាចខាតបង់ប្រាក់ប្រមាណ ៦៦៥លានដុល្លារអាមេរិក ចំណែកខេត្ត Ben Tre អាចប្រឈមនឹងការខាតបង់ប្រហែល៤៧២លានដុល្លារអាមេរិក។

លើសពីនេះ តាម​ការ​ស្រាវជ្រាវ​បច្ចុប្បន្ន​, ទឹកប្រៃនៅតំបន់​ដីសណ្ត​ទន្លេ​មេគង្គ ក៏ប៉ះពាល់ដល់ដើមឈើ​ហូបផ្លែ​​ចំនួន២៩% ​ដំណាំ​ទូទៅ២៧% និង​ស្រូវជិត១៤%ផងដែរ ចំណែកឧស្សាហកម្មជលផលត្រូវប៉ះពាល់ចំនួន៣០%។

ជាចុងក្រោយ ការសិក្សាបានគូសបញ្ជាក់ថា តាមការព្យាករ នាពេលអនាគត តំបន់នេះនឹងរងការខាតបង់កាន់តែច្រើន ពោលគឺខាតបង់ទឹកប្រាក់ដល់ទៅរាប់ពាន់លានដុល្លារឯណោះ៕

អត្ថបទ៖ សុខ សុវណ្ណ

ចុចអាន៖ វៀតណាម សម្រេចបានសមិទ្ធផលសន្ទស្សន៍អភិវឌ្ឍធនធានមនុស្ស តែខ្វះវិសមភាពយេនឌ័រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៧ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម