វិស័យឯកជនថៃជំរុញឱ្យនាយករដ្ឋមន្ត្រី​ដោះស្រាយ​បញ្ហាលំហូរកំណើនលើសលុបនៃការមកដល់ភ្ញៀវ​ទេសចរ

ជាមួយនឹងការកើនឡើងនៃលំហួរទេសចរណ៍ហួសប្រមាណដែលកើតឡើងនៅក្នុងប្រទេសជាច្រើន ប្រតិបត្តិករទេសចរណ៍ថៃកំពុងជំរុញឱ្យរដ្ឋាភិបាលពិចារណាឱ្យបានហ្មត់ចត់អំពីសមត្ថភាពដឹកជញ្ជូនរបស់ខ្លួន ខណៈដែលអ្នកខ្លះបានស្នើឱ្យប្រមូលពន្ធទេសចរណ៍ ៣០០ បាតក្នុងគោលបំណងដោះស្រាយបញ្ហានេះ។

ខណៈដែលលោកនាយករដ្ឋមន្រ្តី​ Srettha Thavisin បានប្តេជ្ញាថានឹងធ្វើឱ្យឆ្នាំ ២០២៥ ជាឆ្នាំសំខាន់សម្រាប់វិស័យទេសចរណ៍ លោក Adith Chairattananon អគ្គលេខាធិការនៃសហព័ន្ធសមាគមទេសចរណ៍ថៃ (Fetta) បាននិយាយថា រ​បាយការណ៍សដែលសហព័ន្ធនឹងដាក់ជូនរដ្ឋាភិបាលនឹងរួមបញ្ចូលដំណោះស្រាយក្នុងការទប់ស្កាត់បញ្ហាលំហូរទេសចរណ៍​លើសលប់​នេះ ដែលត្រូវបានគេឃើញនៅក្នុងប្រទេសថៃមុនពេលជំងឺរាតត្បាត។

កិច្ចខិតខំប្រឹងប្រែងស្រដៀងគ្នានេះត្រូវបានគេសង្កេតឃើញនៅក្នុងប្រទេសផ្សេងទៀតកាលពីសប្តាហ៍មុន ខណៈដែលរដ្ឋាភិបាលរបស់ទីក្រុង Amsterdam បានប្រកាសថាខ្លួនកំពុងហាមឃាត់ការសាងសង់សណ្ឋាគារថ្មី ស្របពេលដែលអ្នកនៅកោះ Canary របស់ប្រទេសអេស្ប៉ាញ​បានអំពាវនាវឱ្យកំណត់ការមកដល់នៃ​ទេសចរ​ ដោយពួកគេត្រូវបានរងផលប៉ះពាល់ដោយការកើនឡើងតម្លៃផ្ទះ។

លោក Adith បាននិយាយថា៖« ជាមួយនឹងការព្យាករណ៍នៃភ្ញៀវទេសចរចំនួន ៤០ លាននាក់ពីគោលដៅសំខាន់ៗដូចជាភូកេត សាមុយ និងប៉ាតាយ៉ា តំបន់ទាំងនោះកំពុងប្រឈមមុខនឹងបញ្ហាលំហូរទេសចរណ៍ច្រើនលើសលប់» ។

លោក​បាន​បន្ត​ថា សម្រាប់​រដូវ​កាលទេសចរណ៍​ខ្ពស់ ភូកេត​បាន​ឃើញ​ការ​កកស្ទះ​ចរាចរណ៍ និង​កង្វះ​ទឹក​រួច​ទៅហើយ ខណៈ​អាកាសយានដ្ឋាន​អន្តរជាតិ​របស់​ខ្លួន​ក៏ចង្អៀតក្នុងចុះចត​សម្រាប់​ក្រុមហ៊ុន​អាកាសចរណ៍ផងដែរ។

លោក Adith បាននិយាយថា យុទ្ធសាស្ត្រសំខាន់មួយគឺទាក់ទាញភ្ញៀវទេសចរពីច្រកសំខាន់ៗទៅកាន់ទីក្រុងផ្សេងៗទៀតនៃប្រទេស ដែលផ្តល់នូវភាពទាក់ទាញ និងកន្លែងដែលមានសក្តានុពលជាច្រើន ដើម្បីទទួលលំហូរភ្ញៀវទេសចរយ៉ាងច្រើនសន្ធឹកសន្ធាប់នេះ។

លោកថា រដ្ឋាភិបាលក៏គួរតែមានការលើកទឹកចិត្តសម្រាប់ក្រុមហ៊ុនអាកាសចរណ៍ដែលមានបំណងធ្វើប្រតិបត្តិការជើងហោះហើរត្រង់ទៅកាន់អាកាសយានដ្ឋានតាមខេត្តដូចជា U-tapao និង​នៅ Khon Kaen និង Krabi ។ ការណ៍នេះនឹងកាត់បន្ថយការកកស្ទះក្នុងចំណោមច្រកចេញចូលដូចជាអាកាសយានដ្ឋានភូកេត ឬអាកាសយានដ្ឋានសុវណ្ណភូមិ ហើយក៏នឹងជួយបង្កើតឱកាសដល់អាជីវកម្មក្នុងតំបន់ផងដែរ៕