សេដ្ឋកិច្ច

ថៃ៖ រដ្ឋនឹងបន្ថយថ្លៃភ្លើង ប្រសិនបើ PTT បង់ការផាកពិន័យ

បានផុស

២ years មុន

នៅ

ថ្ងៃសៅរ៍ ២៧ មេសា ២០២៤

ដោយ

ទីក្រុងបាងកក៖ គណៈកម្មការនិយតកម្មថាមពល (ERC) គ្រោងនឹងបញ្ចុះថ្លៃអគ្គិសនីនៅដំណាច់ឆ្នាំនេះ ប្រសិនបើក្រុមហ៊ុនប្រេង និងឧស្ម័នជាតិ PTT Plc បង់ការផាកពិន័យជាទឹកប្រាក់ចំនួន៤,៧ ពាន់លានបាត ដែលខ្លួនបានរាយការណ៍ថាប្រមូលពីអ្នកផ្គត់ផ្គង់ឧស្ម័នដែលមិនគោរពតាមកិច្ចសន្យាទិញឧស្ម័ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមសារព័ត៌មានអនឡាញបាងកកប៉ុស្តិ៍ចុះផ្សាយថ្ងៃទី២៧ ខែមេសាដកស្រង់ប្រភពនៅក្រសួងថាមពលដែលសុំមិនបញ្ចេញឈ្មោះថា ការផាកពិន័យនេះជាវិធានការរបស់រដ្ឋក្នុងគោលបំណងកាត់បន្ថយតម្លៃអគ្គិសនី ។

ក្រុមហ៊ុន PTT បានប្រកាសកាលពីចុងឆ្នាំមុនថា ខ្លួនបានគិតប្រាក់លើក្រុមហ៊ុនផ្គត់ផ្គង់ហ្គាសចំនួន ៤,៧ ពាន់លានបាត ចំពោះការខកខានក្នុងការចែកចាយឧស្ម័នមួយចំនួនតាមតម្រូវការក្នុងកិច្ចសន្យា ដែលត្រូវបានគេស្គាល់ថាជាកង្វះខាតឧស្ម័នដល់ក្រុមហ៊ុន។ ក្រុមហ៊ុន PTT ត្រូវប្រគល់ប្រាក់នេះទៅអាជ្ញាធរដើម្បីជួយពួកគេក្នុងការកាត់បន្ថយតម្លៃអគ្គិសនី ដែលត្រូវប្រើសម្រាប់គណនាលើវិក្កយបត្រអគ្គិសនី។

ERC ត្រូវបានណែនាំដោយរដ្ឋមន្ត្រីថាមពល Pirapan Salirathavibhaga ដើម្បីពិនិត្យមើលថាតើមានការផាកពិន័យបន្ថែមទៀតសម្រាប់ការខ្វះឧស្ម័នដែលជាផ្នែកនៃកិច្ចខិតខំប្រឹងប្រែងដើម្បីបន្ធូរបន្ថយថ្លៃអគ្គិសនីឬយ៉ាងណា។

ប្រភពបាននិយាយថានិយតករបានរកឃើញការពិន័ននេះដែលមានតម្លៃ ៤,៧ ពាន់លានបាតនៅចន្លោះឆ្នាំ ២០១៣ និង ២០២០ ។ ក្រុមការងារដែលធ្វើការលើការបញ្ហានេះ គ្រោងនឹងជួបនៅថ្ងៃច័ន្ទ ដើម្បីពិភាក្សាលម្អិតអំពីការទូទាត់។