ព័ត៌មានអន្ដរជាតិ
វៀតណាម និងប្រេស៊ីល ពង្រីកភាពជាដៃគូយុទ្ធសាស្ត្រ ខណៈពាណិជ្ជកម្មទ្វេភាគីឈានដល់ជាង ៧ ប៊ីលានដុល្លារ
វៀតណាម និងប្រេស៊ីល បានពង្រីកភាពជាដៃគូយុទ្ធសាស្រ្តលើវិស័យផ្សេងៗជាច្រើន ខណៈពាណិជ្ជកម្មទ្វេភាគីរវាងប្រទេសទាំង២បានឈានដល់ជាង ៧ ប៊ីលានដុល្លារកាលពីឆ្នាំមុន។ នេះបើតាមការចុះផ្សាយរបស់កាសែត Viet Nam News កាលពីថ្ងៃអាទិត្យ។
ការពង្រីកទំនាក់ទំនងនេះ ធ្វើឡើងក្នុងជំនួបរវាងឯកអគ្គរដ្ឋទូតវៀតណាមប្រចាំប្រេស៊ីល លោក Bùi Văn Nghị ជាមួយអភិបាលរដ្ឋ Amazonas លោក Wilson Miranda Lima ដោយលោក Nghị បានសង្កត់ធ្ងន់ថា វៀតណាមជាដៃគូពាណិជ្ជកម្មដ៏សំខាន់មួយរបស់ប្រេស៊ីល ដោយពាណិជ្ជកម្មទ្វេភាគីសម្រេចបាន ៧,១១ ប៊ីលានដុល្លារកាលពីឆ្នាំ ២០២៣ ហើយប្រទេសទាំង២នៅតែអាចផ្លាស់ប្តូរគ្នាក្នុងវិស័យផ្សេងៗ។
វិស័យទាំងនោះរួមមាន នយោបាយ ការទូត ពាណិជ្ជកម្ម និងការវិនិយោគ វិទ្យាសាស្ត្រ និងបច្ចេកវិទ្យា នវានុវត្តន៍ កសិកម្ម និងកែច្នៃកសិកម្ម ការកាត់បន្ថយការប្រែប្រួលអាកាសធាតុ ទេសចរណ៍ និងការផ្លាស់ប្តូររវាងប្រជាជននិងប្រជាជន។
លើសពីនេះ លោក Nghị បានសម្តែងនូវក្តីសង្ឃឹមថា វៀតណាម និងប្រេស៊ីលនឹងបន្តគាំទ្រដល់ការអភិវឌ្ឍន៍សេដ្ឋកិច្ច-សង្គមរវាងគ្នា និងគ្នា និងសម្របសម្រួលយ៉ាងជិតស្និទ្ធក្នុងអង្គការអន្តរជាតិ និងវេទិកាពហុភាគី។
ចំណែកឯលោក Lima វិញ បានគូសបញ្ជាក់ថា រដ្ឋ Amazonas និងបណ្តាប្រទេសនៃសមាគមប្រជាជាតិអាស៊ីអាគ្នេយ៍ (អាស៊ាន) មានភាពស្រដៀងគ្នាជាច្រើនលើបញ្ហាអាកាសធាតុ ហើយលោកបាននិយាយថា រដ្ឋ Amazonas នឹងជួយសម្រួលដល់អាជីវកម្មដែលចាប់អារម្មណ៍ក្នុងកិច្ចសហប្រតិបត្តិការក្នុងប្លុកនេះ។
បើតាម Viet Nam News ដំណើរទស្សនកិច្ចរបស់លោក Nghị ទៅរដ្ឋ Amazonas គឺជាផ្នែកមួយនៃសកម្មភាពការទូតរបស់គណៈកម្មាធិការអាស៊ាននៅប្រេស៊ីល។ រដ្ឋ Amazonas គឺជារដ្ឋដ៏ធំបំផុតរបស់ប្រេស៊ីល ដែលមានទីតាំងនៅភាគខាងជើងនៃប្រទេស និងគ្របដណ្តប់ដោយព្រៃអាម៉ាហ្សូន ជាមួយនឹងប្រព័ន្ធអេកូឡូស៊ីចម្រុះដ៏ធំបំផុត៕
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ