ព័ត៌មានអន្ដរជាតិ
វៀតណាមសម្លឹងចាប់ឥណ្ឌាជាទីផ្សារសក្តានុពលសម្រាប់កសិផលនាំចេញ
ប្រទេសវៀតណាមសម្លឹងចាប់ឥណ្ឌាជាទីផ្សារសក្ដានុពលសម្រាប់ការនាំចេញផលិតផលកសិកម្មរបស់ខ្លួន តាមរយៈឱកាសផ្សេងៗទោះបីជាមានបញ្ហាប្រឈមនានាក៏ដោយ។ នេះបើតាមការចុះផ្សាយរបស់កាសែត Viet Nam News នាថ្ងៃសុក្រនេះ។
វៀតណាមមើលឃើញថា ឥណ្ឌាជាប្រទេសដែលមានតម្រូវការធំដោយសារតែចំនួនប្រជាជនច្រើន ដែលអាចអំណោយផលសម្រាប់ផលិតផលចេញពីវិស័យកសិកម្ម ជាពិសេសបន្លែ និងផ្លែឈើ។
ក្រសួងកសិកម្ម និងអភិវឌ្ឍន៍ជនបទវៀតណាម បានឱ្យដឹងថា ឥណ្ឌា និងវៀតណាមមានចំណុចខ្លាំងក្នុងវិស័យកសិកម្ម ការនាំចេញផលិតផលកសិកម្ម រុក្ខាប្រមាញ់ និងនេសាទ។ យ៉ាងណាមិញ ការនាំចូល និងនាំចេញកសិផលរវាងប្រទេសទាំង២ មិនទាន់មានទំហំធំនៅឡើយទេ។
ក្នុងឆ្នាំ ២០២៣ ការនាំចេញកសិផលរបស់វៀតណាមទៅកាន់ប្រទេសឥណ្ឌា នៅតែមានកម្រិតមធ្យម ចំនួន ៥០៧ លានដុល្លារ ដែលស្មើនឹងប្រហែល ១,៥ ភាគរយ នៃទំហំការនាំចូលផលិតផលកសិកម្មសរុបរបស់ឥណ្ឌា។ តួលេខនេះ បង្ហាញថា ការនាំចេញទៅឥណ្ឌារបស់វៀតណាម មិនទាន់សមតាមសក្ដានុពល និងចំណុចខ្លាំងរបស់ខ្លួននៅឡើយទេ។
ក្រៅពីផ្លែស្រកានាគ ពេលនេះឥណ្ឌាមានតម្រូវការយ៉ាងខ្លាំងក្នុងការនាំចូលផលិតផលកសិកម្មផ្សេងទៀតដូចជា ម្រេច កាហ្វេ គ្រាប់ស្វាយចន្ទី តែ ប្រេងបន្លែ ទឹកផ្លែឈើ ដំឡូងជ្វា និងផ្លែផាសិន។
អ្នកជំនាញនិយាយថា ស្តង់ដារគុណភាពសម្រាប់ការនាំចេញកសិផលទៅឥណ្ឌាមិនតឹងរ៉ឹងដូចទីផ្សារអឺរ៉ុប ឬចិនទេ។ ម្យ៉ាងវិញទៀត ប្រជាជនឥណ្ឌាភាគច្រើនជាអ្នកបរិភោគអាហារបួស ដូច្នេះហើយតម្រូវការបន្លែ និងផ្លែឈើមានច្រើន មិនត្រឹមតែសម្រាប់ប្រើប្រាស់ប្រចាំថ្ងៃប៉ុណ្ណោះទេ ថែមទាំងសម្រាប់ពិធីសាសនាទៀតផង។ ដូច្នេះ វាមានឱកាសសម្រាប់ពាណិជ្ជករក្នុងស្រុកវៀតណាម ដើម្បីការនាំចេញរបស់ខ្លួន៕
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ