ព័ត៌មានអន្ដរជាតិ
Google៖ វៀតណាមអាចចំណេញសេដ្ឋកិច្ចជិត ៨០ ប៊ីលានដុល្លារ ពី AI នៅ ២០៣០
របាយការណ៍ពីក្រុមហ៊ុនបច្ចេកវិទ្យា Google ថ្មីៗនេះ បានបង្ហាញថា វៀតណាមអាចទទួលបានអត្ថប្រយោជន៍សេដ្ឋកិច្ចរហូតដល់ ៧៩,៣ ប៊ីលានដុល្លារ ពីបញ្ញាសិប្បនិម្មិត(AI) នៅឆ្នាំ ២០៣០ ដែលស្មើរនឹងជិត ១២ ភាគរយនៃផលិតផលក្នុងស្រុកសរុបរបស់ប្រទេស ប្រសិនបើបច្ចេកវិទ្យា AI ត្រូវបានដាក់ឱ្យប្រើប្រាស់យ៉ាងទូលំទូលាយ។ នេះបើតាមការចុះផ្សាយរបស់កាសែត Viet Nam News។
ការរកឃើញនៃរបាយការណ៍នេះ ត្រូវបានចែករំលែកក្នុងវេទិកា «បង្កើតអនាគតនៃ AI សម្រាប់វៀតណាម» កាលពីសប្ដាហ៍មុន ដែលរៀបចំដោយមជ្ឈមណ្ឌលនវានុវត្តន៍ជាតិ (NIC) និងក្រសួងផែនការ និងវិនិយោគ (MPI) វៀតណាម ក្រោមភាពជាដៃគូជាមួយ Google ។
របាយការណ៍បានសង្កត់ធ្ងន់ពីតម្រូវការដែលថា វៀតណាមត្រូវពង្រឹងហេដ្ឋារចនាសម្ព័ន្ធឌីជីថល បង្កើតកម្លាំងការងារដែលត្រៀមខ្លួនរួចស្រេចសម្រាប់វិស័យ AI និងពង្រីកលទ្ធភាពប្រើប្រាស់បច្ចេកវិទ្យា AI នៅគ្រប់ផ្នែកនៃសេដ្ឋកិច្ច។
វាក៏បានលើកឡើងផងដែរ ពីយុទ្ធសាស្ត្រដើម្បីបិទគម្លាតចំណេះដឹងផ្នែកឌីជីថល និង AI ដែលបើកឱ្យកម្លាំងការងារវៀតណាមអាចប្រើប្រាស់ AI ប្រកបដោយប្រសិទ្ធភាពសម្រាប់ការជំរុញកំណើនសេដ្ឋកិច្ច។ ដោយផ្តោតលើការអប់រំឌីជីថល និងការបង្កើនជំនាញកម្លាំងពលកម្ម វៀតណាមអាចបង្កើនអត្ថប្រយោជន៍សេដ្ឋកិច្ចនៃ AI និងពន្លឿនការផ្លាស់ប្តូរឌីជីថលរបស់ខ្លួន។
កន្លងមក មន្រ្តីវៀតណាមបានលើកឡើងពីគោលដៅរបស់ប្រទេស ក្នុងការឆ្ពោះទៅក្លាយជាមជ្ឈមណ្ឌល AI ប្រចាំអាស៊ាន ចំពេលដែលបច្ចេកវិទ្យាប្រភេទនេះកំពុងរីកសាយភាយយ៉ាងឆាប់រហ័ស។
ទោះជាយ៉ាងណាក៏ដោយ ដើម្បីទាញយកសក្តានុពលនៃការផ្លាស់ប្តូររបស់ AI យ៉ាងពេញលេញ អ្នកជំនាញ Google ស្នើថា វៀតណាមគួរតែផ្តោតលើការរក្សា និងអភិវឌ្ឍអ្នកជំនាញក្នុងស្រុក ដោយពង្រីកលទ្ធភាពទទួលបានការអប់រំឌីជីថល និងលើកកម្ពស់កម្មវិធីបណ្តុះបណ្តាលសហគ្រាស។ ដើម្បីបង្កើនប្រសិទ្ធភាពផលប្រយោជន៍សេដ្ឋកិច្ចរបស់ AI វៀតណាមក៏ត្រូវផ្តល់អាទិភាពដល់ការអភិវឌ្ឍកម្លាំងពលកម្មឌីជីថលផងដែរ។
អ្នកជំនាញបន្តថា ការបិទគម្លាតជំនាញឌីជីថលតាមរយៈការបណ្តុះបណ្តាលឯកទេស និងការដាក់ឱ្យប្រើប្រាស់នូវបច្ចេកវិទ្យា នឹងបើកឱកាសសេដ្ឋកិច្ចដ៏សំខាន់សម្រាប់ប្រទេស៕
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១០ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ