ព័ត៌មានអន្ដរជាតិ

ថៃស្នើឱ្យរដ្ឋាភិបាលធ្វើកំណែទម្រង់វិស័យដឹកជញ្ជូន ដើម្បីជំរុញទេសចរណ៍

បានផុស

៤២ វិនាទី មុន

នៅ

ថ្ងៃអង្គារ ២៧ ឧសភា ២០២៥

ដោយ

ប្រតិបត្តិករទេសចរណ៍ថៃ កំពុងជំរុញឱ្យរដ្ឋាភិបាលធ្វើកំណែទម្រង់លើវិស័យដឹកជញ្ជូនក្នុងស្រុក រួមទាំងការបង្ក្រាបលើការឆបោកតាក់ស៊ី និងការកែសម្រួលតម្លៃដឹកជញ្ជូនសាធារណៈឱ្យបានសមរម្យ ដើម្បីជំរុញវិស័យទេសចរណ៍។ នេះបើតាមការចុះផ្សាយរបស់កាសែតបាងកកប៉ុស្តិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទាមទារនេះ ធ្វើឡើងក្រោយវិទ្យាស្ថាន Mastercard Economics ចេញរបាយការណ៍នៃការសិក្សារបស់ខ្លួនដែលបង្ហាញថា ក្រុងបាងកកជាប់ក្នុងចំណោមទីក្រុងដែលមានអត្រាឆបោកតាមតាក់ស៊ី និងការជួលរថយន្តខ្ពស់។

វាក៏ធ្វើឡើងផងដែរ ក្រោយសមាគមតាក់ស៊ីសាធារណៈថៃកាលពីសប្តាហ៍មុន បានតវ៉ាចំពោះសេវាកម្មជិះតាក់ស៊ី ដោយពួកគេមិនសប្បាយចិត្ត ដែលឥឡូវនេះ អ្នកទេសចរអាចប្រើប្រាស់កម្មវិធីដូចជា Grab នៅកន្លែងទទួលភ្ញៀវពិសេសក្នុងអាកាសយានដ្ឋានថៃ។

ប្រធានក្រុមប្រឹក្សាទេសចរណ៍ភូកេត លោក Rangsiman Kingkaew បាននិយាយថា បញ្ហាទាក់ទងនឹងថ្លៃឈ្នួលតាក់ស៊ី និងការគិតថ្លៃជួលរថយន្តច្រើនពេក បានធូរស្រាល ចាប់តាំងពីរដ្ឋាភិបាលបានអនុញ្ញាតឱ្យមានសេវាហៅភ្ញៀវតាមកម្មវិធីទូរស័ព្ទ ដើម្បីឌុបភ្ញៀវនៅអាកាសយានដ្ឋាន។

លោក Rangsiman បាននិយាយថា តាក់ស៊ី និងជិះតាក់ស៊ីអាចប្រតិបត្តិការជាមួយគ្នានៅភូកេត ដើម្បីបំពេញតម្រូវការអ្នកដំណើរផ្សេងៗគ្នា។ ភាពផ្តាច់មុខទីផ្សារមិនគួរកើតឡើងនៅក្នុងខេត្តទេ ហើយប្រតិបត្តិករទេសចរណ៍ស្វាគមសេវាកម្មហៅភ្ញៀវជាជម្រើសមួយសម្រាប់បម្រើអ្នកដំណើរក្នុងទីក្រុងជាមួយនឹងការគណនាតម្លៃជាមុន។

លោកបានបន្តថា៖ «អ្វីដែលសំខាន់ជាងនេះ គឺការវិនិយោគក្នុងការអភិវឌ្ឍប្រព័ន្ធដឹកជញ្ជូនធំមួយក្នុងរយៈពេលវែង។ នេះនឹងផ្តល់នូវជម្រើសការធ្វើដំណើរជាច្រើនសម្រាប់ទាំងប្រជាជន និងអ្នកទេសចរ ដែលបណ្តាលឱ្យមានថ្លៃធ្វើដំណើរសមរម្យជាង និងទប់ស្កាត់ករណីក្លែងបន្លំ និងបោកប្រាស់តាក់ស៊ី»៕