ព័ត៌មានអន្ដរជាតិ

ក្មេងជំនាន់ Gen Z ថៃ ព្រួយបារម្ភពីការចំណាយប្រចាំថ្ងៃខ្ពស់

បានផុស

១ year មុន

នៅ

ថ្ងៃព្រហស្បតិ៍ ៥ មិថុនា ២០២៥

ដោយ

លទ្ធផលនៃការស្ទង់មតិរបស់ Deloitte Global 2025 Gen Z និង Millennial បានបង្ហាញថា ក្មេងៗជំនាន់ Y និង Z ក្នុងប្រទេសថៃ មានការព្រួយបារម្ភអំពីតម្លៃនៃការរស់នៅខ្ពស់ ដែលគេសំដៅការចំណាយប្រចាំថ្ងៃសម្រាប់ការរស់នៅ។ នេះបើតាមការចុះផ្សាយរបស់កាសែតបាងកកប៉ុស្តិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្ទង់មតិ បានប្រមូលចម្លើយពីអ្នកចូលរួម ២៣ ៤៨២ នាក់ នៅទូទាំងប្រទេសចំនួន ៤៤ ដែលក្នុងនោះមាន ៣៣០ នាក់ មកពីប្រទេសថៃ ក្នុងចន្លោះខែតុលា និងខែធ្នូ ឆ្នាំ ២០២៤។ សម្រាប់ថៃ មានអ្នកឆ្លើយ ២០៩ នាក់ ជាក្មេងជំនាន់ Gen Z (អាយុ ១៨-៣០) និង ១២១ នាក់ ជាអ្នកជំនាន់ Gen Y (អាយុ ៣០-៤២)។

ការស្ទង់មតិ បានវាស់វែងកត្តា ៣ សម្រាប់សុភមង្គល៖ ប្រាក់ សុខុមាលភាព និងគោលបំណង។

យោងតាមការស្ទង់មតិ ៦៣ ភាគរយ នៃ Gen Z និង ៦៤ ភាគរយ នៃ Gen Y នៅថៃ បានរាយការណ៍ពីការរស់នៅដោយពឹងផ្អែកលើប្រាក់បៀវត្សរ៍ ពោលគឺខ្ពស់ជាងមធ្យមភាគសកល ៥២ ភាគរយ សម្រាប់មនុស្សទាំង២ជំនាន់។ តម្លៃនៃការរស់នៅ កំណើនសេដ្ឋកិច្ច និងសន្តិសុខតាមអ៊ិនធឺណិត គឺជាកង្វល់កំពូលៗចំនួន ៣ សម្រាប់ក្មេងកើតនៅជំនាន់ទាំង២ ដដែល។

លើសពីនេះ ២៥ ភាគរយ នៃអ្នកឆ្លើយសំណួរបង្ហាញថា ពួកគេពិបាកក្នុងការចំណាយប្រចាំខែ។ ទោះបីវា ទាបជាងអត្រាមធ្យមភាគសកលរហូតដល់ ៣៦ ភាគរយ ប៉ុន្តែនៅតែឆ្លុះបញ្ចាំងពីសម្ពាធហិរញ្ញវត្ថុ។

ក្មេងៗជំនាន់ក្រោយរបស់ថៃ ផ្តោតលើស្ថិរភាពហិរញ្ញវត្ថុរយៈពេលខ្លី ដែលជារឿយៗផ្តល់អាទិភាពដល់ការចំណាយភ្លាមៗជាជាងផែនការហិរញ្ញវត្ថុរយៈពេលវែង ដូចជាការសន្សំប្រាក់សម្រាប់ការចូលនិវត្តន៍ជាដើម៕