កូវីដ-១៩
WHO និងអាមេរិក កំពុងញាប់ដៃញាប់ជើងជួយឥណ្ឌា ដែលកំពុងដាំក្បាលចុះក្រោមដោយសារកូវីដ
អង្គការសុខភាពពិភពលោក (WHO) និងលោកប្រធានាធិបតីអាមេរិក Joe Biden បានសន្យាផ្តល់ជំនួយបន្ទាន់ ដល់ប្រទេសឥណ្ឌា ដើម្បីជួយប្រទេសនេះដោះស្រាយវិបត្តិវេជ្ជសាស្ត្រ ដែលបណ្តាលមកពីការកើនឡើងនៃអ្នកជំងឺកូវីដ ១៩ ។
លោក Biden បាននិយាយបែបនេះតាមទូរស័ព្ទកាលពីថ្ងៃច័ន្ទ ជាមួយនាយករដ្ឋមន្រ្តីឥណ្ឌាលោក Narendra Modi ។
នៅថ្ងៃដដែលនោះ ប្រទេសឥណ្ឌាបានរាយការណ៍អំពីករណីឆ្លងថ្មីនៃជំងឺកូវីដ ១៩ ខ្ពស់បំផុតជាង ៣៥០,០០០ ករណី ខណៈចំនួនករណីប្រចាំថ្ងៃរបស់ប្រទេសកើនឡើងលើស ៣០ ម៉ឺននាក់ គឺកើតឡើងថ្ងៃទី ៥ ជាប់ៗគ្នាហើយ ។
នៅរដ្ឋធានីញូវដែលី មន្ទីរពេទ្យកំពុងអស់គ្រែក្នុងបន្ទប់ ICU ក៏ដូចជាការផ្គត់ផ្គង់អុកស៊ីសែនវេជ្ជសាស្ត្រជាបន្ទាន់ ផងដែរ ។
សេតវិមាននិយាយថា លោក Biden សន្យាផ្តល់ជំនួយបន្ទាន់ជាច្រើន រួមមាន ការផ្គត់ផ្គង់ទាក់ទងនឹងអុកស៊ីសែន សម្ភារៈវ៉ាក់សាំង និងការព្យាបាល ជាដើម ។
សហរដ្ឋអាមេរិក ត្រូវបានគេរំពឹងថា នឹងផ្តល់ប្រព័ន្ធបង្កើតអុកស៊ីសែន ដែលត្រូវបានប្រើនៅមន្ទីរពេទ្យក្នុងតំបន់របស់ខ្លួន ក៏ដូចជាបំពង់ខ្យល់ជំនួយការដកដង្ហើម ជាដើម ហើយសហរដ្ឋក៏អាចបញ្ជូនអ្នកជំនាញអនាម័យសាធារណៈទៅឥណ្ឌាផងដែរ ។
ទន្ទឹមនោះ អ្នកនាំពាក្យសេតវិមាន លោកស្រី Jen Psaki បាននិយាយថា សហរដ្ឋអាមេរិកប្តេជ្ញាផ្តល់ជំនួយដែលឥណ្ឌាកំពុងត្រូវការ ហើយភាគីទាំងពីរនឹងបន្តទំនាក់ទំនងគ្នាក្នុងកម្រិតខ្ពស់បំផុត ។
បន្ថែមពីនេះ អង្គការសុខភាពពិភពលោក (WHO) ក៏កំពុងញាប់ដៃញាប់ជើង បញ្ជូនឧបករណ៍ដែលទាក់ទងនឹងអុកស៊ីសែន ទៅប្រទេសឥណ្ឌា ហើយបានបង្កើតមន្ទីរពេទ្យចល័តនៅទីនោះផងដែរ ខណៈអគ្គនាយក WHO លោក Tedros Adhanom Ghebreyesus បានពណ៌នាពីស្ថានភាពរបស់ប្រទេសឥណ្ឌាថា “ហួសពីការខូចចិត្ត” ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ មេ WHO ចែករំលែកវិធី ៥ យ៉ាងដល់ប្រជាជនទូទាំងពិភពលោកអនុវត្ត អំឡុងជំងឺកូវីដ ១៩
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ