កូវីដ-១៩
ខេត្តបន្ទាយមានជ័យប្រកាសបិទខ្ទប់ភូមិចំនួន២បន្ថែមទៀតជាបណ្តោះអាសន្ន
រដ្ឋបាលខេត្តបន្ទាយមានជ័យបានប្រកាសបិទខ្ទប់ការធ្វើដំណើរចេញចូលជាបណ្ដោះអាសន្នលើទីតាំងក្នុងភូមិសាស្ត្រប្រជាធម្មជាតិលិច និងភូមិប្រជាធម្មកើត នៃសង្កាត់ផ្សារកណ្ដាល ក្រុងប៉ោយប៉ែតខេត្តបន្ទាយមានជ័យ រយៈពេល២សប្តាហ៍ដើម្បីទប់ស្កាត់ការឆ្លងរាលដាលជំងឺកូវីដ១៩។
![](https://www.kampucheathmey.com/wp-content/uploads/2021/05/175940672_1654592458072176_6295870323029402169_n-1.jpg)
លោក អ៊ុំ រាត្រី អភិបាលខេត្តបន្ទាយមានជ័យបានឲ្យដឹងនៅក្នុងសេចក្តីជូនដំណឹងថា ការបិទខ្ទប់ភូមិចំនួន២ខាងលើនេះ ដោយគិតចាប់ពីវេលាម៉ោងសូន្យថ្ងៃទី០៥ ខែឧសភា រហូតដល់ថ្ងៃទី១៨ ខែឧសភា ឆ្នាំ២០២១ក្នុងគោលបំណងធានាដល់ប្រសិទ្ធភាពនៃការគ្រប់គ្រងការរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈ នៅក្នុងភូមិសាស្ត្រដែលធ្វើការបិទខ្ទប់ និងទប់ស្កាត់ជំងឺនេះមិនឲ្យឆ្លងរាលដាលទៅកាន់តំបន់ផ្សេងទៀត។
លោកអភិបាលខេត្តបានបន្តថា ចំពោះទីតាំងដែលធ្វើការបិទខ្ទប់ការធ្វើដំណើរចេញចូលនោះរួមមានទី១. មណ្ឌល៧ និងមណ្ឌល៩ ក្នុងភូមិប្រជាធម្មកើត សង្កាត់ផ្សារកណ្ដាល ដែលមានព្រំប្រទល់ ខាងជើងទល់នឹងមណ្ឌល៨ និងមណ្ឌល១០ ខាងត្បូងទល់នឹងព្រំប្រទល់ភូមិផ្សារកណ្ដាល និងភូមិប្រជាធម្មកើត ខាងកើតទល់នឹងផ្លូវព្រំប្រទល់ភូមិទួលពង្រនិងភូមិប្រជាធម្មកើតខាងលិចទល់និងផ្លូវខាងកើតមជ្ឈមណ្ឌលសំចតប៉ោយប៉ែត។
![](https://www.kampucheathmey.com/wp-content/uploads/2021/05/177663060_1657963521068403_2933011454164777584_n-1-1024x576.jpg)
ទី២.មួយផ្នែកក្នុងមណ្ឌល៤នៃភូមិប្រជាធម្មលិចសង្កាត់ផ្សារកណ្ដាល ដែលមានព្រំប្រទល់ខាងជើងទល់នឹងផ្លូវទី៣ក្នុងមណ្ឌល៤ខាងត្បូងទល់នឹងផ្លូវទី២ក្នុងមណ្ឌល៤ខាងកើតទល់នឹងផ្លូវ៥ម៉ែត្រក្នុងមណ្ឌល៤និងខាងលិចទល់នឹងផ្លូវព្រំប្រទល់មណ្ឌល១។ ថ្មីៗនេះរដ្ឋបាលខេត្តបន្ទាយមានជ័យបានកំណត់ភូមិសាស្ត្រមួយចំនួនក្នុងភូមិសាមគ្គីមានជ័យនិងភូមិក្បាលស្ពាន១សង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យរួចហើយជាតំបន់ក្រហម។ ទន្ទឹមនឹងនេះរដ្ឋបាលខេត្តបានសម្រេចបិទកាស៊ីណូទាំងអស់ផងដែរដើម្បីទប់ស្កាត់កុំឲ្យឆ្លងរីករាលជំងឺនេះទៅតំបន់ផ្សេងៗទៀត។
លើសពីនេះទៀតកាលពីថ្ងៃទី០១ ខែឧសភាឆ្នាំ២០២១ រដ្ឋបាលខេត្តបានកំណត់ភូមិសាស្ត្រមួយចំនួនក្នុងភូមិបាលិលេយ្យ១និងភូមិក្បាលស្ពាន១សង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យបន្តបិទខ្ទប់ភូមិចំនួន២បន្ថែមទៀតជាតំបន់ក្រហមដែលមានការឆ្លងរាលដាលនៃជំងឺកូវីដ១៩ធ្ងន់ធ្ងរផងដែរ។
គួរបញ្ជាក់ថា គិតត្រឹមថ្ងៃទី៤ ខែឧសភា ខេត្តបន្ទាយមានជ័យមានអ្នកឆ្លងកូវីដ១៩ចំនួន៦១៨នាក់ជាសះស្បើយចំនួន៦៨នាក់និងកំពុងសម្រាកពេទ្យ៥៤៨នាក់៕
អត្ថបទ ៖ សំអឿន
![](https://www.kampucheathmey.com/wp-content/uploads/2021/05/181521708_1663571857174236_371529981110540640_n.jpg)
![](https://www.kampucheathmey.com/wp-content/uploads/2021/05/182542513_1663571913840897_7351207054910915592_n.jpg)
![](https://www.kampucheathmey.com/wp-content/uploads/2021/05/181213871_1663571867174235_985269727658597102_n-1.jpg)
![](https://www.kampucheathmey.com/wp-content/uploads/2021/05/182354973_1663571907174231_7207441102138795963_n.jpg)
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)