អាវុធហត្ថរាជធានីសម្តែងការអរគុណចំពោះ សប្បុរសជនដែលបានជួយស្បៀងក្នុងពេលប្រឆាំងនឹងកូវីដ-១៩

នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ លើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញបានថ្លែងនូវការថ្លែងអំណរគុណចំពោះ សប្បុរសជនដែលផ្តល់ស្បៀងក្នុងយុទ្ធនាការប្រឆាំងនឹងកូវឺដ១៩។

ការទទួលអំណោយនាពេលនេះធ្វើឡើងដោយលោកឧត្តមសេនីយ៍រ័ត្ន ស្រ៊ាងចាត់តំណាង ទទួល ស្បៀងនៅបញ្ជាការដ្ឋានកងរាជអាវុធហត្ថរាជធានីភ្នំពេញនាថ្ងៃទី១០ ឧសភា ឆ្នាំ២០២១អង្ករចំនួន បានចាត់តំណាង ទទួល អង្ករចំនួន ១៥តោន ស្មើនឹង៦០០ការ៉ុង ពី លោកស្រី សុខ ស្រីនាង ប្រគល់ជូនអាវុធហត្ថរាជធានីភ្នំពេញ សម្រាប់ប្រើប្រាស់ជាប្រយោជន៍ ក្នុងយុទ្ធនាការ បង្ការ ទប់ស្កាត់ ការរីករាលដាលជំងឺកូវីដ-១៩។

ក្នុងឱកាសនោះ ឧត្តមសេនីយ៍ត្រី គឹម សំអុល មេបញ្ជាការរង តំណាងឲ្យលោកឧត្តមសេនីយ៍ឯក រ័ត្ន ស៊្រាង បានសម្តែងនូវការថ្លែងអំណរគុណយ៉ាងជ្រាលជ្រៅ ចំពោះ លោកស្រី សុខ ស្រីនាង ដែលមានចិត្តសប្បុរសឧបត្ថម្ភ អង្ករ ដល់អាវុធហត្ថរាជធានីភ្នំពេញ នាពេលនេះ គឺពិតជាមានសារៈសំខាន់បំផុត សម្រាប់ ប្រើប្រាស់ជាក់ស្តែងក្នុងអង្គភាព និងចែករំលែកបន្តទៅដល់ប្រជាពលរដ្ឋដែលជួបការខ្វះខាត ក្នុងស្ថានភាពដ៏លំបាក ដែលបណ្តាលមកពីរការរាលដាលនូវជំងឺកូវីដ-១៩ដ៍កាចសាហាវនេះ៕

អត្ថបទ ៖ វិមាន