កូវីដ-១៩

បង្ហាញអត្តសញ្ញាណកម្មកររោងចក្រវិជ្ជមានកូវីដ៥០នាក់នៅស្រុកបាទី

បានផុស

៥ years មុន

នៅ

ថ្ងៃចន្ទ ១៧ ឧសភា ២០២១

ដោយ

រដ្ឋបាលស្រុកបាទី នៅថ្ងៃទី ១៧ ខែឧសភានេះ បានបង្ហាញអត្តសញ្ញាណកម្មកររោងចក្រក្បឿង និងរោងចក្រសាន់បូរ ចំនួន៥០នាក់វិជ្ជមានជំងឺកូវីដ១៩។ រដ្ឋបាលស្រុកបាទី បញ្ជាក់ថា មនុស្សប្រុសស្រីទាំង៥០នាក់ រស់នៅក្នុងស្រុកបាទី ខេត្តតាកែវ។

អាជ្ញាធរស្រុកបាទី ក៏អំពាវនាវឱ្យបងប្អូនប្រជាពលរដ្ឋដែលធ្លាប់ទាក់ទងជាមួយអ្នកជំងឺកូវីដ១៩ ទាំងអស់ត្រូវរាយការណ៍ជូនអាជ្ញាធរជាបន្ទាន់ និងប្រញាប់រួសរាន់ទៅផ្ដល់សំណាកដើម្បីវិភាគរកវីរុសកូវីដ១៩ នៅតាមមណ្ឌលសុខភាព ឬមន្ទីរពេទ្យបង្អែកស្រុកបាទី ព្រមទាំងត្រូវដាក់ខ្លួនឱ្យនៅដាច់ដោយឡែករយៈពេល១៤ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមព្រឹកថ្ងៃទី១៦ ខែឧសភា ខេត្តតាកែវ មានអ្នកឆ្លងជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈ សរុបចំនួន៣៩០នាក់ ស្រី២៥១នាក់ ក្នុងនោះស្លាប់បាត់បង់ជីវិតចំនួន៤នាក់ ដែលមានប្រហែល៩០ភាគរយជាកម្មកររោងចក្រ៕ អត្ថបទ៖ ឡេង ដេត