កូវីដ-១៩
អាជ្ញាធរខណ្ឌមានជ័យផ្អាករោងចក្រ២ទីតាំង ដោយសារកម្មករវិជ្ជមានកូវីដ-១៩
ភ្នំពេញ៖ អាជ្ញាធរខណ្ឌមានជ័យ សហការជាមួយមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានចុះផ្សព្វផ្សាយ និងធ្វើកិច្ចសន្យាផ្អាកដំណើរការការងាររោងចក្រចំនួន រយៈពេល២ថ្ងៃ នាព្រឹកថ្ងៃទី០១ ខែមិថុនា ឆ្នាំ២០២១។
ក្រោយពីបានពិនិត្យរួច លោក ឌី រ័ត្នខេមរុណ អភិបាលរង ខណ្ឌមានជ័យ និង មន្រ្តីតំណាងក្រសួងការងារ បានពិនិត្យឃើញថា ទី១ រោងចក្រ ហុង ចេង មានទីតាំងផ្ទះលេខ៥៧៩ ផ្លូវ៣៧១ ភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ មានកម្មករកម្មការិនី សរុប ២០៥នាក់ ក្នុងនោះមានស្រី១៥០នាក់ បរទេស០៤នាក់ ស្រី០២នាក់ ត្រូវបានរកឃើញអ្នកវិជ្ជមានថ្មីកូវីដ-១៩ ចំនួន០៥នាក់ សរុបទាំងអស់៨នាក់។ ទី២ រោងចក្រ យិន ចៀន ស្ថិតនៅផ្លូវ៣៧១ ភូមិឬស្សី សង្កាត់ស្ទឹងមានជ័យ២ ខណ្ឌមានជ័យ មានកម្មករកម្មការិនី សរុប ២៨នាក់ ស្រី២៣នាក់ ស្ត្រីបរទេស០១នាក់ បានរកឃើញអ្នកវិជ្ជមានថ្មីមេរោគកូវីដ-១៩ ចំនួន០២នាក់ សរុបវិជ្ជមានទាំងអស់៣នាក់។
លោក ឌី រ័ត្នខេមរុណ អភិបាលរង ខណ្ឌមានជ័យ បានណែនាំទៅដល់ថៅកែរោងចក្រ និងប្រធានរដ្ឋបាលរោងចក្រទាំង ២ទីតាំងនេះ ត្រូវជំរុញកម្មករកម្មការិនីទាំងអស់ដែលពាក់ព័ន្ធអ្នកវិជ្ជមានមេរោគកូវីដ-១៩ ទៅយកសំណាកឱ្យបានគ្រប់ៗគ្នា និងអនុវត្តនូវវិធានការ ៣ការពារ និង ៣កុំ របស់រាជរដ្ឋាភិបាលឱ្យបានខ្ជាប់ខ្ជួន។
ក្រុមការងារចម្រុះសម្រេចផ្អាកដំណើរការការងាររោងចក្រ ទាំង០២ទីតាំង រយៈពេល ២ថ្ងៃ គឺគិតត្រឹម ថ្ងៃទី០១ ដល់ថ្ងៃទី០២ ខែមិថុនា ឆ្នាំ២០២១ ជាបណ្តោះអាសន្នសិន។
លោក ឌី រ័ត្នខេមរុណ អភិបាលរងខណ្ឌមានជ័យ បានគូសបញ្ជាក់ដែរថា ក្រោយផ្អាករយៈពេល២ថ្ងៃ រោងចក្រត្រូវរងចាំក្រុមការងារបច្ចេកទេសចម្រុះចុះមកពិនិត្យ វាយតម្លៃ ពីហានីភ័យជាក់ស្តែងនៅក្នុងរោងចក្រផ្ទាល់ ទើបអនុញ្ញាតឱ្យដំណើរការការធម្មតាវិញ៕
អត្ថបទ៖ រ៉ាវុទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ