កូវីដ-១៩
អត្រាឆ្លងជំងឺកូវីដ-១៩ នៅខេត្តស្វាយរៀង កើនឡើងដល់ជាង១ពាន់នាក់ និងស្លាប់៦នាក់
គិតត្រឹមព្រឹកថ្ងៃទី៦ ខែមិថុនា ឆ្នាំ២០២១នេះ អត្រាឆ្លងជំងឺកូវីដ១៩នៅខេត្តស្វាយរៀងបានកើនឡើងដល់ជាង១ពាន់នាក់ហើយ ក្នុងនោះស្លាប់បាត់បង់ជីវិតចំនួន៦នាក់។
លោកបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានមានប្រសាសន៍នៅព្រឹកថ្ងៃទី០៦ខែមិថុនា ថា គិតត្រឹមព្រឹកថ្ងៃទី០៦ ខែមិថុនានេះ ខេត្តស្វាយរៀងមានអ្នកឆ្លងជំងឺកូវីដ១៩ ចំនួន១០៤៤នាក់ ស្រី៦១៦នាក់ ក្នុងនោះមានអ្នកជាសះស្បើយចំនួន៥០៤នាក់ ស្រី២៥៣នាក់ កំពុងសម្រាកនៅមន្ទីរពេទ្យចំនួន៥១៨នាក់ ក្នុងនោះមានអ្នកជំងឺស្រាលមានចំនួន៥១៨នាក់ អ្នកជំងឺមធ្យមចំនួន១២នាក់ និងធ្ងន់ចំនួន៣នាក់ និងមានអ្នកស្លាប់បាត់បង់ជីវិតចំនួន៦នាក់ស្រី២នាក់។
បើតាមលោកប្រធានមន្ទីរសុខាភិបាលខេត្តបានបន្តថា ក្នុងចំណោមអ្នកឆ្លងសរុបជាង១ពាន់នាក់នោះ ភាគច្រើនជាកម្មកររោងចក្រនៅក្នុងតំបន់សេដ្ឋកិច្ចពិសេសក្រុងបាវិត។ ជាក់ស្តែងថ្មីៗនេះមានការផ្ទុះជំងឺកូវីដ១៩នៅតាមរោងចក្រចំនួន៨នៅក្នុងតំបន់សេដ្ឋកិច្ចពិសេសចំនួន៣នៅក្រុងបាវិត។
លោកបណ្ឌិតបានបន្ថែមថា ចាប់តាំងពីថ្ងៃទី២១ ដល់ថ្ងៃទី៣១ ខែឧសភា ឆ្នាំ២០២១កន្លងទៅនេះក្រុមការងារបានយសំណាកពីកម្មករចំនួន២.៥១៧នាក់ ធ្វើការនៅតាមរោងចក្រទាំង៨ទៅធ្វើតេស្តរកកូវីដ១៩ ក្នុងនោះរកឃើញវិជ្ជមានចំនួន៣៥២នាក់ ។
លោកបណ្ឌិត កែរ រដ្ឋា បានណែនាំដល់ថៅកែរោងចក្រត្រូវអនុវត្តឱ្យបាននូវវិធានការអនាម័យឱ្យបានខ្ជាប់ខ្ជួន។ ចំណែកកម្មករកម្មការនីរួមទាំងក្រុមគ្រួសារត្រូវគោរពតាមវិធានការ៣ការពារ ៣កុំ របស់សម្តេចតេជោ ហ៊ុន សែនដើម្បីការពារ ទប់ស្កាត់ ការផ្ទុះឡើងជំងឺកូវីដ-១៩ នៅក្នុងរោងចក្រ ។
លោកបណ្ឌិតបានអំពាវនាវដល់ប្អូនៗ ក្មួយៗ កម្មករកម្មការនីរោងចក្រ គួរតែធ្វើចត្តាឡីស័ក នៅក្នុង រោងចក្រ តែបើធ្វើចត្តាឡីស័ក នៅផ្ទះ និងនៅមណ្ឌលចត្តាឡីស័កត្រូវអនុវត្តវិធានការចត្តាឡីស័កឱ្យ បានត្រឹមត្រូវ ចៀសវាងចម្លងរោគដល់ប្តី ប្រពន្ធ កូន ឪពុកម្ដាយ បងប្អូនរបស់ខ្លួននិងអ្នកដទៃទៀត៕
អត្ថបទ ៖ សំអឿន
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ