អ្នកឆ្លងកូវីដសរុបនៅ ឥណ្ឌា កើនជិត ៣០ លាននាក់ ក្រោយរកឃើញថ្មី ៦០,៧៥៣ ករណី

យោងតាមទិន្នន័យរបស់ក្រសួងសុខាភិបាលឥណ្ឌា នៅថ្ងៃសៅរ៍នេះបានរាយការណ៍​ពីករណីឆ្លងថ្មីនៃជំងឺកូវីដ ១៩ ចំនួន ៦០,៧៥៣ ករណី​ ក្នុងរយៈពេល ២៤ ម៉ោងចុងក្រោយនេះ ដោយធ្វើឲ្យករណីឆ្លងសរុបកើនឡើងដល់ ២៩,៨២៣,៥៤៦ ករណី ។

ក្រសួងបានបន្ថែមថា អត្រាតេស្តវិជ្ជមានប្រចាំសប្តាហ៍បានធ្លាក់ចុះមកនៅត្រឹម ៣.៥៨ ភាគរយ ពោលវាមានតិចជាង ៥ ភាគរយ ក្នុងរយៈពេល ១២ ថ្ងៃជាប់ៗគ្នា ។

ទន្ទឹមនោះ តួលេខអ្នកស្លាប់ថ្មីក្នុងថ្ងៃនេះមាន ១,៦៤៧ នាក់ ដោយនាំឲ្យចំនួនអ្នកស្លាប់សរុបទូទាំងប្រទេសកើនដល់ ៣៨៥,១៦៧ នាក់ ។

បន្ថែមពីនេះ ប្រទេសឥណ្ឌា ក៏មានអ្នកជាសះស្បើយថ្មីចំនួន ៧,៥១១ នាក់ផងដែរ ដោយនាំមានអ្នកជាសះស្បើយសរុប ២៨,៦៧៨,៣៩០ នាក់ ។

ស្របពេលជាមួយគ្នានេះដែរ លោកវេជ្ជបណ្ឌិត Randeep Guleria ប្រធានទីភ្នាក់ងារ AIIMS បានប្រាប់ទូរទស្សន៍ NDTV កាលពីព្រឹកមិញនេះថា រលកឆ្លងទីបីនៅក្នុងប្រទេសឥណ្ឌាគឺមិនអាចជៀសផុតឡើយ ហើយវាអាចនឹងវាយប្រហារប្រទេសនេះក្នុងរយៈពេល ៦ ទៅ ៨ សប្ដាហ៍បន្ទាប់ ៕

ប្រែសម្រួល៖ សាង ស្រីល័ក្ខ

ប្រភព៖NDTV

ចុចអាន៖រិះគន់ពេញប្រទេសឥណ្ឌា! មេដឹកនាំគណបក្សម្នាក់ថា កូវីដ ក៏មានសិទ្ធិរស់រានដូចមនុស្សដែរ

ចុចអាន៖ក្តៅៗ ជំងឺផ្សិតខ្មៅដ៏គ្រោះថ្នាក់ ត្រូវបានរកឃើញខាងក្រៅប្រទេសឥណ្ឌា ហើយ