កូវីដ-១៩
ខេត្តកំពង់ស្ពឺមានអ្នកស្លាប់ដោយសារជំងឺកូវីដ-១៩ កើនដល់៤៤នាក់ហើយ
ភ្នំពេញ៖ គិតត្រឹមព្រឹកថ្ងៃទី០២ ខែកក្កដា ឆ្នាំ២០២១នេះ ខេត្តកំពង់ស្ពឺមានអ្នកស្លាប់បាត់បង់ជីវិតដោយសារជំងឺកូវីដ- ១៩ កើនឡើងដល់៤៤នាក់ហើយក្នុងចំណោមអ្នកឆ្លងសរុបជាង២,៥០០នាក់ ។
បើតាម លោកវេជ្ជបណ្ឌិត អោ វណ្ណថេន ប្រធានមន្ទីរសុខាភិបាលខេត្តកំពង់ស្ពឺ បានមានប្រសាសន៍ នៅរសៀលថ្ងៃទី០២ កក្កដានេះថា ក្នុងចំណោមអ្នកស្លាប់ចំនួន៤៤នាក់នោះ មានប្រមាណ៦០ភាគរយស្លាប់នៅតាមផ្ទះ ពេលក្រុមគ្រូពេទ្យទៅយកសំណាកសពទើបដឹងថាមានឆ្លងជំងឺកូវីដ-១៩។
លោកវេជ្ជបណ្ឌិត បានបន្តថា៖ “ភាគច្រើនអ្នកស្លាប់ហ្នឹងយើងអត់បានព្យាបាលគាត់ទេ គឺគាត់មានជំងឺធ្ងន់ធ្ងរហើយស្លាប់នៅផ្ទះ។ មានអ្នកខ្លះចូលពេទ្យបានកន្លះម៉ោងក៏ស្លាប់ ខ្លះទៀតមិនទាន់បានព្យាបាលផងក៏ស្លាប់ទៅហើយ៥០ ទៅ៦០ ភាគរយ យើងជួយគាត់អត់ទាន់ ហើយអ្នកខ្លះទៀតស្លាប់ដោយសារមានវ័យចំណាស់មានជំងឺប្រចាំកាយ ដូចជាជំងឺតម្រង់នោម បេះដូង ជំងឺទឹកនោមផ្អែមបូកជាមួយគ្នា”។
លោកវេជ្ជបណ្ឌិត អោ វណ្ណថេន បានបន្តទៀតថា គិតត្រឹមព្រឹកថ្ងៃទី០២ ខែកក្កដា ឆ្នាំ២០២១នេះ ខេត្តកំពង់ស្ពឺមានអ្នកឆ្លងជំងឺកូវីដ-១៩ ចំនួន២,៥៦៤នាក់ អ្នកជាសះស្បើយចំនួន១៩៣០នាក់ អ្នកកំពុងព្យាបាល ៥៨៤នាក់ ផ្ទេរទៅព្យាបាលនៅភ្នំពេញចំនួន១៤នាក់ ផ្ទេរមកពីក្រៅខេត្តចំនួន៨នាក់ និងអ្នកស្លាប់ ចំនួន៤៤នាក់ ព្រមទាំងអ្នកកំពង់ធ្វើចត្តាឡីស័ក សរុបចំនួន១,៤១០នាក់ និងយកសំណាកទៅធ្វើតេស្តរកវីរុសកូវីដ-១៩ ចំនួន២៩០នាក់ ស្រី១៥៥នាក់។
លោកប្រធានមន្ទីរសុខាភិបាលខេត្តកំពង់ស្ពឺរូបនេះ បានបន្ថែមទៀតថា អ្នកឆ្លងជំងឺកូវីដ-១៩ នៅខេត្តកំពង់ស្ពឺមានប្រមាណ៥៥ភាគរយជាកម្មករកម្មការិនីរោងចក្រ ហើយពួកគាត់បានបន្តចម្លងទៅក្រុមគ្រួសារ និងបន្តឆ្លងទៅសហគមន៍។
គួរបញ្ជាក់ថាគិតត្រឹមព្រឹក ថ្ងៃទី០២ ខែកក្កដា ឆ្នាំ២០២១នេះ កម្ពុជាមានអ្នកឆ្លងជំងឺកូវីដ-១៩ សរុបចំនួន ៥២,៣៥០នាក់ អ្នកជាសះស្បើយចំនួន៤៥,៥០៨នាក់ និងអ្នកស្លាប់ចំនួន៦៦០នាក់៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល