ព័ត៌មានជាតិ
ឯកឧត្ដម ហ៊ុន ម៉ានី ណែនាំថ្នាក់ដឹកនាំខេត្តកំពង់ស្ពឺ អំពាវនាវដល់ពលរដ្ឋ ត្រូវប្រើប្រាស់ទឹកសន្សំសំចៃ ខណៈរដូវប្រាំងអាចអូសបន្លាយ
ឯកឧត្ដម ហ៊ុន ម៉ានី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានណែនាំដល់ថ្នាក់ដឹកនាំខេត្តកំពង់ស្ពឺ អំពាវនាវឲ្យបានទូលំទូលាយដល់ប្រជាពលរដ្ឋក្នុងខេត្ត ដោយត្រូវប្រើប្រាស់ទឹកសន្សំសំចៃ ខណៈរដូវប្រាំង អាចអូសបន្លាយ ជាមួយការប្រឈមនឹងចរន្តកម្ដៅអ៊ែលនីញ៉ូ។

នៅព្រឹកថ្ងៃទី ០៤ ខែមីនា ឆ្នាំ ២០២៤ នេះ តាមរយៈសារសំឡេងក្នុងបណ្ដាញសង្គមតេឡេក្រាម ឯកឧត្ដម ហ៊ុន ម៉ានី បានមានប្រសាសន៍ណែនាំទៅដល់ ឯកឧត្ដម លោកជំទាវ លោក លោកស្រី ដែលនៅក្នុងក្របខ័ណ្ឌមូលដ្ឋានខេត្តកំពង់ស្ពឺទាំងអស់ថា ផ្អែកទៅលើការព្យាករណ៍របស់ក្រសួងធនធានទឹក និងឧតុនិយម ឆ្នាំនេះ ឧប្បត្តិហេតុអ៊ែលនីញ៉ូ នឹងអាចមានលទ្ធភាពជះឥទ្ធិពលក្នុងតំបន់ ហើយក្នុងនោះ ក៏មានប្រទេសកម្ពុជាមួយដែរ ដែលធ្វើឲ្យភ្លៀងកក់ខែ និងរដូវវស្សា អាចនឹងមានការយឺតយ៉ាវនឹងមកដល់។

ផ្អែកលើមូលដ្ឋានទាំងអស់ខាងលើនេះ ឯកឧត្ដម ហ៊ុន ម៉ានី បានស្នើថ្នាក់ដឹកនាំខេត្តកំពង់ស្ពឺ អំពាវនាវឲ្យបានទូលំទូលាយ និងញឹកញាប់ ជូនទៅដល់ប្រជាពលរដ្ឋ និងប្រជាកសិករ ក្នុងការរៀបចំផែនការ ដោយក្នុងនោះត្រូវប្រើប្រាស់ទឹកសន្សំសំចៃខ្ពស់។
ជាមួយនោះ ឯកឧត្ដម ក៏បានណែនាំអាជ្ញាធរមូលដ្ឋានខេត្តកំពង់ស្ពឺគ្រប់ជាន់ថ្នាក់ អំពាវនាវដោយយកចិត្តទុកដាក់ ហើយក្នុងនោះគឺធ្វើការជាមួយខាងមន្ទីរពាក់ព័ន្ធទាំងអស់ ដើម្បីធ្វើយ៉ាងណាអាចត្រៀមខ្លួននូវការអន្តរាគមន៍ ក្នុងករណីមានការចាំបាច់ ត្រូវជូនដំណឹងទៅដល់ប្រជាកសិករ។
គួរជម្រាបថា នៅព្រឹកនេះ ក្រសួងធនធានទឹក និងឧតុនិយម បានជូនដំណឹងអំពីស្ថានភាពធាតុអាកាសនៅព្រះរាជាណាចក្រកម្ពុជា ចាប់ពីថ្ងៃទី ៤ ដល់ថ្ងៃទី ៦ ខែមីនា ឆ្នាំ ២០២៤ ក្នុងនោះ ៖
១. តំបន់វាលទំនាប ៖
⁃ សីតុណ្ហភាពមធ្យមអប្បបរមា ២៥°C និង សីតុណ្ហភាពមធ្យមអតិបរមា ៣៧°C ផ្ទៃមេឃមានពពកពីតិចទៅមធ្យម និងមានភ្លៀងធ្លាក់ក្នុងកម្រិតខ្សោយគ្របដណ្ដប់លើផ្ទៃដី ១០% និងមានខ្យល់បក់មកពីទិសអាគ្នេយ៍ មានល្បឿនមធ្យម ២ ម៉ែត្រ/វិនាទី។
២.តំបន់ខ្ពង់រាប ៖
⁃ សីតុណ្ហភាពមធ្យមអប្បបរមា ២៤°C និង សីតុណ្ហភាពមធ្យមអតិបរមា ៣៧°C ផ្ទៃមេឃមានពពកពីតិចទៅមធ្យម ខ្យល់បក់មកពីទិសបូព៌មានល្បឿនមធ្យម ៣ ម៉ែត្រ/វិនាទី។
៣.តំបន់មាត់សមុទ្រ ៖
⁃ សីតុណ្ហភាពមធ្យមអប្បបរមា ២៤°C និង សីតុណ្ហភាពមធ្យមអតិបរមា ៣៧°C ផ្ទៃមេឃមានពពកពីតិចទៅមធ្យម និងមានភ្លៀងធ្លាក់ក្នុងកម្រិតខ្សោយ គ្របដណ្ដប់លើផ្ទៃដី ១០% ខ្យល់បក់មកពីទិសនិរតី មានល្បឿន ២ ម៉ែត្រ/វិនាទី។
-រលកសមុទ្រមានកម្ពស់មធ្យមអប្បបរមា ០,៥០ ម៉ែត្រ និង កម្ពស់មធ្យមអតិបរមា ១,៥០ ម៉ែត្រ៕
អត្ថបទ ៖ ពិសី

-
ព័ត៌មានអន្ដរជាតិ៥ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ៤ ថ្ងៃ ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៦ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៣ ថ្ងៃ ago
មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក
-
ព័ត៌មានអន្ដរជាតិ៦ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៧ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានជាតិ២ ថ្ងៃ ago
យោធាកម្ពុជាជួបអាមេរិកនៅកោះហាវ៉ៃស្របពេលដែលថៃឈ្លានពាន
-
ព័ត៌មានអន្ដរជាតិ១ សប្តាហ៍ ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន