កូវីដ-១៩

បិទធនាគារ ACLEDA សាខាខេត្តកំពង់ស្ពឺ បណ្ដោះអាសន្នទាំងយប់ ក្រោយរកឃើញបុគ្គលិកវិជ្ជមានកូវីដ១៩

បានផុស

៥ years មុន

នៅ

ថ្ងៃសៅរ៍ ១៧ កក្កដា ២០២១

ដោយ

រដ្ឋបាលខេត្ដកំពង់ស្ពឺ ជូនដំណឹងអំពីការបិតផ្អាកជាបណ្ដោះអាសន្ននៅទីតាំងអគារ ធនាគារ អេស៊ីលីដា (ACLEDA) សាខាខេត្តកំពង់ស្ពឺ ទាំងយប់ ដោយសារមានបុគ្គលវិជ្ជមាន កូវីដ-១៩ បានចេញ-ចូលទីនោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីសម្រេចរបស់រដ្ឋបាលខេត្តកំពង់ស្ពឺ បានផ្អាកបណ្តោះអាសន្ន ធនាគារអេស៊ីលីដា សាខាខេត្តកំពង់ស្ពឺ ស្ថិតក្នុងភូមិសំណង់ សង្កាត់រកាធំ ក្រុងច្បារមនខេត្តកំពង់ស្ពឺ ដែលមានការឆ្លងរាលដាលជម្ងឺកូវីដ-១៩ ចាប់ពីយប់ថៃ្ងទី១៦ ដល់ ថៃ្ងទី២៩ ខែកក្ដដា ឆ្នាំ២០២១ ដោយសារមានបុគ្គលវិជ្ជមាន កូវីដ-១៩ បានចេញ-ចូល ប៉ះពាល់ជាមួយនឹងបុគ្គលិក បម្រើការនៅទីនោះ ។

នាយប់ថ្ងៃទី ១៦ ខែ កក្កដា ឆ្នាំ២០២១នេះ លោក ហុក ម៉ារ៉ាឌី អភិបាលក្រុងច្បារមន បានដឹកនាំកម្លាំចុះត្រួតពិនិត្យ លើកិច្ចការងារផ្អាកបណ្តោះអាសន្ន ធនាគារ អេស៊ីលីដា សាខាខេត្តកំពង់ស្ពឺ ដែលមានបានពាក់ព័ន្ធការឆ្លងរាលដាលនៃជំងឺកូវីដ-១៩ តាមសេចក្តីសម្រេចរបស់រដ្ឋបាលខេត្តកំពង់ស្ពឺ លេខ ១៣៤/២១ សសរ ។

មន្ត្រីសាលាក្រុងច្បារមន បានអះអាងថា នេះជាករណីឆ្លងក្នុងសហគមន៍ ដែលរាជរដ្ឋាភិបាលកំពុងមានការព្រួយបារម្ភ និងចាត់វិធានការជាបន្តបន្ទាប់ ។ដូច្នេះសូមបងប្អូនមេត្តាប្រុងប្រយ័ត្នឱ្យបានគ្រប់ៗគ្នា និងអនុវត្តតាមវិធានការ «៣កុំ ៣ការពារ» កុំបីខាន ដើម្បីក្រុមគ្រួសារ និងមនុស្សជាទីស្រលាញ់ ៕

អត្ថបទ៖ ភួង រដ្ឋា