ទីបំផុត Zhao Liying ឈ្នះ​ពាក្យ​ប្ដឹង​ប្រឆាំង​អ្នក​គាំទ្រ

តារាសម្តែងស្រី Zhao Liying បានជាប់ពាក់ព័ន្ធករណីបរិហារកេរ្តិ៍ និងការរិះគន់ដោយគ្មានមូលដ្ឋាននៅលើ Weibo និង Douyin នៅពេលដែលគណនីជាច្រើនបានទាញយកប្រយោជន៍ពីរូបភាពរបស់នាង ដើម្បីផ្សព្វផ្សាយព័ត៌មានមិនពិត ថែមទាំងប្រឌិតវាដើម្បីផលប្រយោជន៍ផ្ទាល់ខ្លួនទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមព័ត៌មានពីតុលាការចិន កាលពីពេលថ្មីៗនេះ Zhao Liying បានធ្វើបច្ចុប្បន្នភាពអំពីដំណើរការនៃបណ្តឹងរបស់នាងប្រឆាំងនឹងជនជាប់ចោទជាបន្តបន្ទាប់រួមមានៈ Guangzhou Hemu Shiguang Biotechnology Service Co., Ltd., Bai Mou Mou, Zhao Mou Mou, Guangzhou Hemu Biotechnology Co., Ltd. និង Guangdong Shangye Blue Whale Film and Television Culture Media Co., Ltd.។

បណ្ដឹងនេះជាប់ពាក់ព័ន្ធនឹងជម្លោះលើសិទ្ធិផ្ទាល់ខ្លួន ជាពិសេសការប្រើប្រាស់រូបភាព និងព័ត៌មានមិនពិតអំពីតារាស្រី ដោយស្ថាប័ន និងបុគ្គលជាច្រើន ដើម្បីកេងចំណេញផ្នែកពាណិជ្ជកម្ម និងធ្វើឲ្យខូចកេរ្តិ៍ឈ្មោះរបស់នាង។

យោងតាមសាលក្រមចុងក្រោយនេះ ជនជាប់ចោទមួយចំនួនត្រូវបានតុលាការចុះបញ្ជីថាជា កូនបំណុលទុច្ចរិត សម្រាប់ការខកខានដោយចេតនាក្នុងការបំពេញកាតព្វកិច្ចសំណង ទោះបីជាមានសមត្ថភាពហិរញ្ញវត្ថុក៏ដោយ។ នេះជាវិធានការដ៏រឹងមាំរបស់តុលាការក្នុងការទប់ស្កាត់ទង្វើគេចវេះពីការអនុវត្តន៍សាលក្រម ហើយក៏ជាការបង្ហាញយ៉ាងច្បាស់អំពីជ័យជំនះរបស់តារាស្រីវ័យ៣៧ឆ្នាំក្នុងសមរភូមិផ្លូវច្បាប់ផងដែរ។

យ៉ាងណា តំណាងរបស់តារាស្រីរូបនេះក៏បានដាក់ពាក្យស្នើសុំកំណត់ការចំណាយហួសហេតុប្រឆាំងនឹងចុងចោទ រួមទាំងអាជីវកម្ម និងបុគ្គលផងដែរ។ ចំនួនទឹកប្រាក់សរុបនៃសំណងជាកាតព្វកិច្ចលើសពី ៥០០,០០០យន់ ដែលជាចំនួនគ្រប់គ្រាន់ដើម្បីរារាំងអ្នកដែលបង្ខូចកេរ្តិ៍ឈ្មោះដោយចេតនា៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ទិន្នន័យ៖ Bang Si-hyuk មានទ្រព្យស្តុកស្តម្ភក្នុងចំណោមស្ថាបនិកក្រុមហ៊ុនដែលចុះបញ្ជី