ជីវិតកម្សាន្ដ

តារាខ្មែរពីររូបនៅក្រៅប្រទេសចេញមុខនិយាយចំៗរឿងថៃសង់ប្រាសាទដូចនឹងប្រាសាទអង្គរវត្តកម្ពុជា

បានផុស

៥ years មុន

នៅ

ថ្ងៃសុក្រ ៩ កក្កដា ២០២១

ដោយ

ភ្នំពេញ ៖ ដោយនៅមិនស្ងៀមទេតារាប្រុស-ស្រីល្បីៗរបស់ខ្មែរពីររូបទោះបីពេលនេះកំពុងរស់នៅឯក្រៅប្រទេសក៏បានចេញមុខប្រតិកម្មដោយប្រឆាំងដាច់ខាតចំពោះភាគីថៃសង់ប្រាសាទដូចនឹងប្រាសាទអង្គរវត្តរបស់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងតារាប្រុស-ស្រីខ្មែរ២រូប ដែលកំពុងរស់នៅឯនាយសមុទ្រគឺលោក ស៊ុក សុភានិងអ្នកនាង សារ៉ាយសក្កណា ក៏បានចេញមុខឈឺឆ្អាលលើកឡើយ ចំៗលើរឿងរ៉ាវនេះផងដែរ។

អតីតតារាសម្តែងលោក ស៊ុក សុភា ដែលបច្ចុប្បន្នកំពុងរស់នៅលើទឹកដីប្រទេសអូស្ត្រាលីបានថា «ទឹកដីអង្គរគឺជាទឹកដីអច្ឆរិយតែមួយគ្មានពីរហើយដែលគ្មានប្រទេសមួយណាអាចCOPYបានដូចនោះទេ ខ្ញុំស្រឡាញ់ប្រទេស CAMBODIA របស់ខ្ញុំ»។

ចំណែកតារាស្រីអ្នកនាង សារ៉ាយ សក្កណា ដែលកំពុងរស់នៅទឹកដីអាមេរិកជាមួយស្វាមីនិងកូនក៏បានសរសេរនៅគណនីរបស់ខ្លួនភ្ជាប់ជាមួយរូបភាពនៅប្រាសាទអង្គរវត្តដែរថា «មិនមែនជោរតាមគ្នា តែនេះជាការស្រលាញ់ចេញពីបេះដូងស្រលាញ់អ្វីដែលជារបស់យើង»។

ជាការពិតថ្វីត្បិតក្រសួងវប្បធម៌និងវិចិត្រសិល្បៈ បានចេញសេចក្ដីប្រកាសបង្ហាញពីការបកស្រាយរបស់ថៃជុំវិញរឿងកសាងប្រាសាទដូចអង្គរវត្តរបស់ខ្មែរហើយក្តី តែគេឃើញមហាជននិងអ្នកសិល្បៈមួយចំនួននៅតែសម្តែងការព្រួយបារម្ភលើករណីនេះ។ ខណៈបច្ចុប្បន្នរឿងនេះក៏នៅតែជាប្រធានបទយ៉ាងក្ដៅគគុកសម្រាប់បងប្អូនប្រជាពលរដ្ឋខ្មែរផងនោះ។

នៅក្នុងសេចក្ដីប្រកាសរបស់ក្រសួងវប្បធម៌កម្ពុជាបានលើកឡើងអំពីការបកស្រាយរបស់ភាគីថៃថាការកសាងប្រាសាទនៅទឹកថៃនោះ មិនបានលួចចម្លងពីប្រាសាទកម្ពុជានោះឡើយ គឺសាងសង់ឡើងតាមគំរូប្លង់ខ្លួនឯង និងរចនាបថប្រាសាទនៅក្នុងតំបន់នោះប៉ុណ្ណោះ៕

ដោយ ៖ ចាន់រ៉ា