តារាកំប្លែងនាយ ចេនឡា តូចចិត្តត្បិតខ្លួនឈឺ គ្មានសមាគមណាអើពើ

តារាសម្ដែង និងកំប្លែងលោក អៀង ចេនឡា កាលពីថ្មីៗនេះ ត្រូវបានចូលសង្គ្រោះនៅមន្ទីពេទ្យ ខណៈលោកមានបញ្ហាជំងឺទឹកចូលសួតធ្ងន់ធ្ងរ។

បន្ទាប់ពីចូលសម្រាកព្យាបាល ជាច្រើនខែកន្លងមកនោះ អាការៈជំងឺរបស់នាយ ចេនឡា បានមានសភាពធូរស្រាលឡើងវិញ។ ប៉ុន្តែអ្វីដែលធ្វើឲ្យមហាជនចាប់អារម្មណ៍ទៀតនោះ គឺក្រោយពេលដែលនាយ ចេនឡា បង្ហោះសារត្អូញត្អែរថា ពេលខ្លួនឈឺគ្មានសមាគមណាជួយ ឬអើពើឡើយ។

លោក អៀង ចេនឡា បានរៀបរាប់ថា ខ្ញុំមិនមែនជាអ្នកសិល្បៈ ឬជាតារាល្បីអី្វទេមើលទៅ ទើបឈឺគ្មានសមាគមខាង ណាអើពើ។ ខ្ញុំមិនចង់បានជំនួយទេ ចង់បានតែការសួរសុខទុក្ខ ក្នុងនាមជាសិល្បករ ដែលប្រឡូកក្នុងវិស័យសិល្បៈ ២០ឆ្នាំមកហើយ (តូច ចិត្ត)។

តាមរយ:បង្ហោះរបស់លោក អៀន ចេនឡា ខាងលើនេះគេឃើញមហាជន និងអ្នកគាំទ្រជាច្រើន សម្តែងការអាណិតដល់តារាប្រុសលោក អៀង ចេនឡា និងផ្ញើសារជូនពរ ព្រមទាំងលើកទឹកចិត្តឲ្យតារាកំប្លែង និងសម្តែងរូបនេះឆាប់ជាសះស្បើយពីជំងឺ ផងដែរ៕

អត្ថបទ៖ ចាន់រ៉ា