ជីវិតកម្សាន្ដ

ឌឿ វិសាល ទម្លាក់ចោលសិល្បៈមួយរយៈទៀតដើម្បីបំពេញតួនាទីជួយសង្គ្រោះអ្នកជំងឺកូវីដ

បានផុស

៣ years មុន

នៅ

ថ្ងៃពុធ ១០ វិច្ឆិកា ២០២១

ដោយ

ស្របពេលដែលបច្ចុប្បន្នកំពុងមមាញឹកការងារជួយសង្គម តារាចម្រៀងរូបសង្ហាលោក ឌឿ វិសាល បានប្រកាសផ្អាកសិល្ប:មួយរយ:ទៀតសិន ដើម្បីយកពេលបំពេញតួនាទីជាកងទ័ពអាវសជួយសង្គ្រោះអ្នកជំងឺកូវីដ-១៩។ នេះបើតាមការបញ្ជាក់ប្រាប់ឲ្យដឹងពីសាមីខ្លួនលោក ឌឿ វិសាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌឿ វិសាល ហៅ ធូ បានរៀបរាប់ថា ចំពោះបំណងប្រាថ្នាធំៗសម្រាប់ជីវិតបានសម្រេចអស់ហើយនៅឡើយតែការងារសិល្បៈដែលស្រលាញ់មិនទាន់ជោគជ័យដោយសារតែការងារទាំងនេះតែងតែចូលមកស្របពេលតែមួយ អញ្ចឹងជ្រើសរើសបានតែមួយទេ។ ឌឿ វិសាល បញ្ជាក់ប្រាប់កម្ពុជាថ្មីទៀតថា បំណងធំដែលខ្លួនសម្រេចបានពេលនេះ គឺបន្ទាប់ពីចូលរួមស្ម័គ្រចិត្តប្រយុទ្ធប្រឆាំងជំងឺកូវីដ-១៩អស់មួយរយ:កាលកន្លងទៅនោះ ឥឡូវលោកត្រូវបានបញ្ចូលឈ្មោះទៅក្នុងក្របខណ្ឌរបស់រដ្ឋ និងក្រសួងហើយ។

លោកបន្តថា នេះហើយដែលជាភាពជោគជ័យធំទទួលបានពីកិច្ចខិតខំប្រឹងប្រែងរបស់ខ្ញុំ និងក៏ជាក្តីប្រាថ្នាជូនដល់ឪពុកម្តាយដែលពួកគាត់ចង់បានកន្លងមកដែរ។ ដោយឡែកសម្រាប់បំណងប្រាថ្នាមួយទៀតគឺការសាងកេរ្តិ៍ឈ្មោះលើវិស័យសិល្ប: ចម្រៀងប៉ុន្តែពេលនេះខ្ញុំមិនទាន់ធ្វើបាននៅឡើយទេ ព្រោះអំឡុងពេលនេះត្រូវបំពេញតួនាទីជាទ័ពអាវសចូលរួមជួយសង្គ្រោះអ្នកជំងឺកូវីដ-១៩ជាមួយសង្គមជាតិសិន។

ឌឿ វិសាល និយាយទៀតថា ទន្ទឹមគ្នាដែលលោកកំពុងតែបំពេញតួនាទីជាគ្រូពេទ្យប្រយុទ្ធប្រឆាំងកូវីដ-១៩នេះដែរ ថ្មីៗនេះក៏មានកម្មវិធីសិល្ប:មួយចំនួនដូចជាខាងទូរទស្សន៍ជាដើមបានទាក់ទងហៅជាបន្តបន្ទាប់។ប៉ុន្តែខណ:ពេលនេះលោកមិនអាចទទួលបានទេ ពោលគឺត្រូវផ្អាកមួយរយ:ទៀតសិន ហើយក៏សូមការអធ្យាស្រ័យនិងអរគុណដល់បណ្តាអ្នករៀបចំកម្មវិធីទាំងអស់ដែលបានទាក់ទងមកលោក៕

អត្ថបទ៖ ចាន់រ៉ា