៣ ថ្ងៃហើយ Mai Davika ​បង្កការភ្ញាក់ផ្អើល​ពេញក្រុងបាងកក

ប៉ុន្មានថ្ងៃមកនេះ រូបថតស៊ិចស៊ី ស្រើបស្រាលរបស់តារាស្រីថៃ កញ្ញា Mai Davika បានបង្កការភ្ញាក់ផ្អើលពាសពេញក្រុងបាងកក ព្រោះសឹងគ្រប់កន្លែងនៅក្នុងក្រុងសុទ្ធតែបិទផ្សាយរូបថតរបស់នាង មិនថាផ្លាកសញ្ញារថភ្លើងក្រោមដី ផ្ទាំងប៉ាណូ និងទូរទស្សន៍ផ្សាយពាណិជ្ជកម្មនោះទេ។

ប្រភពពីសារព័ត៌មានថៃ ​បានឱ្យដឹងថា រូបភាពទាំងនោះគឺជាការផ្សាយពាណិជ្ជកម្មដ៏ល្បីល្បាញថ្មីរបស់ទឹកអប់ម៉ាក Madame Finn ខណៈការចំណាយថវិកាថត អស់មិនតិចឡើយ។

ផលិតករដែលដឹកនាំការថតស្ពតមួយនេះ និយាយថា មានតែ Mai Davika ប៉ុណ្ណោះដែលសក្តិសមបំផុតក្នុងស្ពតរបស់ Madame Finn ​ហើយខ្លួនពិតជាពេញចិត្តសមត្ថភាពរបស់នាងណាស់។

ដូចការរំពឹងទុកពីខាងម្ចាស់ប្រេន និងផលិតករ រូបភាពផ្សាយពាណិជ្ជកម្មដែលសម្ដែងដោយ Mai Davika ពិតជាទទួលបានការចាប់អារម្មណ៍ខ្លាំង និងមានភាពទាក់ទាញបំផុត មិនត្រឹមតែនៅក្នុងក្រុងបាងកកនោះទេ ប៉ុន្តែវាបានសុះសាយពាសពេញប្រទេសថៃតែម្ដង៕  

ប្រែសម្រួល៖ សន្យា

ចុចអាន៖ ស្រឡាញ់គ្នាជាង១ឆ្នាំ តួឯករឿង “Crash Landing On You” ប្រកាសរៀបការហើយ