ជីវិតកម្សាន្ដ

លោកឧកញ៉ា ខេមរៈ សិរីមន្ត ឧបត្ថម្ភប្រាក់ ២ លានរៀលដល់ក្មេងប្រុសលក់លៀស និងលើកទឹកចិត្តឲ្យខំរៀន

បានផុស

៣ years មុន

នៅ

ថ្ងៃសុក្រ ២៥ មីនា ២០២២

ដោយ

បន្ទាប់ពីប្រកាសស្វែងរកពីសំណាក់កំពូលតារាចម្រៀងងារជាឧកញ៉ា ខេមរៈ សិរីមន្ត ដែលមានបំណងចង់ជួយដល់ក្មេងប្រុសកម្សត់ អង្គុយលក់លៀសហាលក្រោមតំណក់ទឹកភ្លៀងនោះ ទីបំផុតក្មេងប្រុសរូបនោះ បានទៅជួបឧកញ៉ា ខេមរៈ សិរីមន្ត ហើយកាលពីម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេនៅចាំបានថា កាលពីថ្ងៃទី ២២ ខែមីនាកន្លងទៅ កំពូលតារាចម្រៀងមានងារជាឧកញ៉ា ខេមរ: សិរីមន្ត បានប្រកាសនៅលើទំព័រហ្វេសប៊ុកផ្ទាល់ខ្លួន ដើម្បីស្វែងរកក្មេងប្រុសកម្សត់ដែលលក់លៀសក្រោមតំណក់ភ្លៀង។ យ៉ាងណាមិញពេលនេះ លោកក៏បានជួបនិងផ្តល់ការឧបត្ថម្ភថវិកាមួយចំនួនដល់ក្មេងដល់ក្មេងប្រុសនោះហើយ។

តារាចម្រៀង ខេមរៈ សិរីមន្ត បានថ្លែងប្រាប់ឲ្យដឹងលើបណ្តាញសង្គមថា ស្រលាញ់ប្អូនត្រង់ចេះតស៊ូនឹងតែម្តង ការតស៊ូពិតប្រាកដភាពស្មោះត្រង់ថែមទាំងខំប្រឹងរៀនឲ្យពូកែទៀតអនាគតទៅប្អូននឹងជោគជ័យ។ ថវិកា ២០០០០០០ រៀលនេះ ជាការលើកទឹកចិត្តដល់ប្អូនប្រុស។

ជាការពិតណាស់ស្របពេលដែលវីដេអូក្មេងប្រុសខាងលើ ត្រូវបានចែករំលែកយ៉ាងព្រោងព្រាតនៅលើបណ្តាញសង្គមនាអំឡុងពេលប៉ុន្មានថ្ងៃមុននេះ គឺមិនត្រឹមតែផ្ទុះការចាប់អារម្មណ៍ដោយក្តីអាណិតអាសូរ និងកោតសរសើរពីភាពតស៊ូរបស់ប្អូនប្រុសម្នាក់នេះទេ គឺថែមទាំងមានមហាជនជាច្រើនបានប្រកាសស្វែងរកក្មេងប្រុសលក់លៀសហាលរូបនោះ ដើម្បីផ្តល់ជួនការឧបត្ថម្ភថវិកា និងអំណោយជាបន្តបន្ទាប់៕

អត្ថបទ៖ ចាន់រ៉ា