ជីវិតកម្សាន្ដ
បង្ហើបរូបមន្តសម្ងាត់ ដែលបវរកញ្ញា Thuy Tien ប្រើថែសម្រស់ជាប្រចាំ
Nguyen Thuc Thuy Tien លែងជាឈ្មោះប្លែកសម្រាប់អ្នកគាំទ្រទៀតហើយ ដោយសារនាងមានប្រជាប្រិយភាពល្បីល្បាញ តាំងពីជាប់ជយលាភីបវរកញ្ញាឯក Miss Grand International 2021 ។ ក្រៅពីសមត្ថភាពដើរលើឆាកយ៉ាងស្ទាត់ និងទេពកោសល្យបង្ហាញម៉ូដដ៏ជំនាញ នាងក៏ត្រូវបានគេចាប់អារម្មណ៍ចំពោះរូបរាង និងស្បែករលោងគ្មានស្នាម គួរឱ្យច្រណែន។
ម្ចាស់មកុដ MGI 2021 រូបនេះ តុបតែងមុខបែបណាក៏សមឥតទាស់ ថែមទាំងមានសម្រស់ស្រស់ស្អាតខ្លាំង ទោះបីមិនផាត់ម្សៅ ឬលាបក្រែមក៏ដោយ។ តើនាងមានរូបមន្តអ្វីទៅ ទើបអាចរក្សាសម្រស់ឱ្យស្រស់ស្អាតបែបនេះ? ដូច្នេះ ថ្ងៃនេះ កម្ពុជា នឹងបង្ហាញពីវិធីថែទាំសម្រស់របស់ Nguyen Thuc Thuy Tien ដែលនាងតែអនុវត្តជាប្រចាំ ជូនប្រិយមិត្តបានដឹង។
និយាយអំពីអាថ៌កំបាំងរបស់នាង Thuy Tien បានចែករំលែកថា នាងយកចិត្តទុកដាក់យ៉ាងខ្លាំងចំពោះដំណើរការថែរក្សាស្បែកប្រចាំថ្ងៃ រួមទាំងជំហានសំខាន់ៗចំនួន ៣ដែលត្រូវយកចិត្តទុកដាក់។ ទីមួយ នាងប្រើផលិតផលថែរក្សាស្បែកសំខាន់ៗចំនួនពីរគឺ សេរ៉ូម និងឡេការពារកម្តៅថ្ងៃ។ សេរ៉ូមសម្បូរទៅដោយសារធាតុចិញ្ចឹម និងជួយកែលម្អបញ្ហាស្បែក។ ឯឡេការពារកម្តៅថ្ងៃ ជួយការពារស្បែកពីការបំផ្លាញពីពន្លឺព្រះអាទិត្យ។
បន្ថែមពីលើនោះ នាងក៏មានអាថ៌កំបាំងផ្ទាល់ខ្លួនក្នុងការសម្អាតស្បែកផងដែរ។ យោងទៅតាមការលើកឡើងរបស់នាងនៅក្នុងបទសម្ភាសន៍ ការលាងមុខមានសារៈសំខាន់ណាស់ នៅក្នុងទម្លាប់ថែរក្សាស្បែករបស់បវរកញ្ញារូបនេះ។ ដោយសារការងារមមាញឹក ស្បែករបស់ Thuy Tien មិនត្រឹមតែប្រមូលផ្តុំនូវភាពកខ្វក់ ញើស បាក់តេរីប៉ុណ្ណោះទេ ថែមទាំងមានសារធាតុមិនស្អាតដូចជា ឡេការពារកំដៅថ្ងៃ សេរ៉ូម និងគ្រឿងសម្អាង ដែលយូរៗទៅវានឹងធ្វើឱ្យរន្ធញើសស្ទះ បង្កឱ្យកើតមុន និងស្នាម។ ដូច្នេះហើយទើបបានជា Miss Grand International 2021 តែងតែប្រើហ្វូមលាងមុខ ដើម្បីសម្អាតស្បែកឱ្យបានជ្រៅ និងស្អាតល្អ។ លើសពីនេះ Thuy Tien ក៏ខិតខំលាបក្រែមភ្នែកជារៀងរាល់ថ្ងៃផងដែរ។
ក្រៅពីនោះ របបអាហារគឺជារូបមន្តជួយឱ្យនាងមានរាងស្អាត និងមានសុខភាពល្អ ដោយមិនចាំបាច់ខំប្រឹងច្រើន។ Thuy Tien ចែករំលែកថា នាងញ៉ាំអាហាផ្សំពីម្សៅពណ៌សតិច និងបង្កើនប្រូតេអ៊ីន ព្រមទាំងជាតិសរសៃនៅក្នុងអាហារពណ៌បៃតង។ ជាពិសេស Thuy Tien បរិភោគដំឡូងផ្អែម ក៏ដូចជានំបុ័ងស្រូវសាលីច្រើនជាងអាហារផ្សេង។
រីឯសាច់ បន្លែផ្លែឈើ បវរកញ្ញារូបនេះទម្លាប់ញ៉ាំសាច់មាន់ គ្រាប់ផ្លែឈើ ផ្លែប៉ោម ចេក ផ្កាខាត់ណា និងត្រសក់។ ទាំងនេះគឺជាអាហារដែលមានជាតិសរសៃខ្ពស់ សន្ទស្សន៍ glycemic ទាប ឆ្អែតលឿនដោយមិនបារម្ភពីការឡើងទម្ងន់។
ចំណែករូបមន្តសំខាន់ទី៣របស់ Thuy Tien ដែលធ្វើឱ្យនាងស្រស់ស្អាត ស្បែកចាំ គឺធ្វើលំហាត់ប្រាណជាទៀងទាត់។ នាងតែងតែហាត់ក្បាច់ HIIT ដែលវាជាលំហាត់ប្រាណមួយជួយដុតកាឡូរីក្នុងរយៈពេលដ៏ខ្លី។
លើសពីនេះទៀត នាងតែងតែញ៉ាំទឹកយ៉ាងហោចណាស់ ៣លីត្រ ជារៀងរាល់ថ្ងៃ មិនគេងយប់ជ្រៅ ព្យាយាមគេងឱ្យបានគ្រប់គ្រាន់ និងផ្លាស់ប្តូរកម្រាលពូកជាប្រចាំដើម្បីការពារស្បែករបស់នាង៕
ប្រែសម្រួល៖ សន្យា
ចុចអាន៖ អាថ៌កំបាំងថែរាងរបស់មិត្តស្រី Ronaldo ទោះមានកូន២ហើយ នៅតែទាក់ទាញ
ចុចអាន៖ គ្រងមកុដជិត១ឆ្នាំហើយ Thuy Tien ទើបទម្លាយរឿងអាស្រូវ ហែកក្រដាសបំណុល
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត