ដឹងប្រវត្តិកូនប្រុស-ស្រី តារាជើងចាស់ ៧ រូបនេះហើយ ពិតជាស្ងើចសរសើរមិនខាន

ក្រៅពីមានឪពុកម្ដាយជាតារាជើងចាស់ នៅក្នុងឧស្សាហកម្មកម្សាន្តថៃ កូនប្រុស-ស្រីរបស់​តារា​ល្បី​ៗ​ទាំងនេះ ក៏មាន​ទេពកោសល្យ​សម្ដែង​បាន​យ៉ាងល្អ និង​សម្រស់​ស្រស់​សង្ហា​មិនចាញ់​ឪពុក​ម្ដាយ​ឡើយ។ ខណៈ​អ្នកខ្លះ​ត្រៀម​ខ្លួន​ធ្វើជា​វេជ្ជបណ្ឌិត​ ខ្លះ​ក៏​បាន​ចូល​ប្រឡូក​ក្នុង​វិស័យ​សិល្បៈ និង​ព្យាយាម​ត្រួសត្រាយ​ផ្លូវ​ ដោយខ្លួនឯង​ផ្ទាល់តែម្ដង។

ជាក់ស្ដែង​មាន​ដូចជា៖

១ Pun Punnakan

Pun មានអាយុ២២ ឆ្នាំ ជាកូនប្រុសច្បងរបស់ Mae Nus Nussaba និង Bi Phutthipong Punnakan ក្រៅពីមានរូបរាងសង្ហា យុវជនរូបនេះ​ក៏មាន​​ទេព​កោសល្យ​ពី​កំណើត ​ដែល​អាច​និយាយ​បាន​ថា​ បុរស​សង្ហា​ម្នាក់​នេះ​ជា​គ្រូពេទ្យ​ដែល​ព្យាបាល​អ្នក​ជំងឺយ៉ាងជំនាញ។ ដោយសារតែលោក​កំពុងសិក្សានៅមហាវិទ្យាល័យវេជ្ជសាស្ត្រ Ramathibodi ដូច្នេះវិស័យសម្ដែងអាចមិនទាន់ដល់ពេល ប៉ុន្តែលោកក៏ធ្លាប់បង្ហើបថា មានមោទនភាព​យ៉ាងខ្លាំង​ចំពោះ​ឪពុកម្តាយ និងក្រុមគ្រួសាររបស់លោក។

២ Aim Sanphet

Aim មានអាយុ ២២ ឆ្នាំ ជាកូនប្រុសតែម្នាក់ និង​ជាទីស្រលាញ់របស់ Du Say និង Mae Aui Attaya Kunakorn។ លោក​បានបញ្ចប់ថ្នាក់បរិញ្ញាបត្រផ្នែកគ្រប់គ្រង​ពាណិជ្ជកម្ម ពីសាកលវិទ្យាល័យ Layola Marymount រដ្ឋ​កាលីហ្វ័រញ៉ា។ ទន្ទឹមនោះ ​ឪពុក​របស់​លោក ​ក៏​ធ្លាប់ប្រាប់​អ្នកសារព័ត៌មាន​ថា Aim ធ្លាប់ធ្វើការជា bellboy និង concierge នៅសណ្ឋាគារ​ប្រណីត​មួយ ដើម្បី​ទទួល​យក​បទពិសោធន៍​នៃ​ការ​ចាប់ផ្តើម​ជីវិត​ការងាររបស់គេ។ មិន​ត្រឹម​ប៉ុណ្ណេះ​ លោក​​​ក៏​ពូកែ​ខាង​កីឡា​ ជាពិសេស​ប្រដាល់ ​ដែល​អាច​និយាយបាន​ថា ​ជា​​អាជីព​មួយ​ផ្សេង​ទៀត។

៣ Ally Achiraya

Ally ជា​កូន​ស្រី​វ័យ​១៨​ឆ្នាំ​តែ​មួយ​គត់​របស់​ Am Amarin Nitipon និង​ Joy Achariya ។ កូនរបស់តារាចាស់វស្សានេះ​​ មាន​ទេព​កោសល្យ​មិនធម្មតាឡើយ នាង​​អាចធ្វើ​ជា​ពិធីការីតាំង​ពី​នៅជាកុមារ​ ដោយសារនាង​មាន​សមត្ថភាព​និយាយ​គួរ​ឲ្យ​​ស្រឡាញ់​។ កាល​នៅ​វ័យ​ជំទង់ Ally មាន​ទេព​កោសល្យ​ក្នុង​ការ​ច្រៀង និង​ទទួល​បាន​ការ​គាំទ្រ​យ៉ាង​ខ្លាំង។ អ្វីដែលពិសេស​​​ បទ​ដំបូង​របស់ Ally បានធ្វើឲ្យ​នាងក្លាយ​ជា​អ្នក​សិល្បៈ​ពេញ​លក្ខណៈ បើ​និយាយ​ពី​ការ​សិក្សា​វិញ​ នាង​ក៏​ជាសិស្ស​ពូកែ​​ ព្រោះ​​បាន​ប្រឡង​ជាប់​ក្នុង​មហាវិទ្យាល័យ​អាជីព​តន្ត្រី​ និងពាណិជ្ជកម្មថែមទៀត។

៤ Jinjett Wattanasin

Jinjett មាន​អាយុ ២១ ឆ្នាំ​ជា​កូនប្រុស​របស់​តារា​ចម្រៀង​ជើង​ចាស់ Jay Jetrin និង​តារា​សម្ដែង​តួ​កាច Mae Pin Kejamanee ។ អាច​និយាយ​បាន​ថា Jinjett ជា​តារា​ចម្រៀង​ដែល​មាន​សំឡេង​ល្អ និង​ដើរ​តាម​គន្លង​ឪពុក​របស់​គេ​យ៉ាង​ពេញទំហឹង។ លោក​ក៏​មាន​បទចម្រៀង​ទោល​ជា​របស់​ខ្លួន​រួច​ហើយ និង​​មាន​អ្នក​គាំទ្រ​ច្រើន​ផង​ដែរ។ បច្ចុប្បន្ន Jinjett បាន​បញ្ចប់​ការ​សិក្សា​នៅ​សកល​វិទ្យាល័យ​នៅ​វិទ្យាស្ថាន​តន្ត្រី​ទំនើប​អង់គ្លេស និង​អៀរឡង់ (BIMM) ប្រទេស​អង់គ្លេស គេ​គ្រប់​គ្នា​ក៏​អាច​ទាយ​ថា​ អនាគត​លោក​ អាច​បង្កើត​កំណត់ត្រា​ផ្ទាល់ខ្លួនដើម្បីឲ្យ​ល្បី​តាម​ឪពុកម្ដាយ​របស់​គេ​ដែរ។

៥ Net Nett

Net មានអាយុ១៨ ឆ្នាំជាកូនប្រុសច្បងរបស់ Mae Kwang Kamolchanok និង Nut-Nut។ បើ​និយាយ​ពី​សមត្ថភាព​វិញ​ អាច​និយាយ​បាន​ថា ​វិថី​ចម្រៀង​របស់ Net គឺ​ល្អ​ដូច​ឪពុក​ម្ដាយ​គ្មានខុស។ យុវវ័យនេះ មានជំនាញ​លេងហ្គីតាបានយ៉ាងល្អ​ និងតែងច្រៀង​លេង​ជាមួយឪពុកម្ដាយ​​ជាញឹកញាប់។ ចំណែក​ការ​សិក្សា​នៅ​ពេល​នេះ Net ជា Freshy នៅ​មហាវិទ្យាល័យ​សិល្បៈ និង​បរិញ្ញាបត្រ​វិទ្យាសាស្ត្រ។

៦ Jeanne Jirachaya

Jeanne ជាកូនស្រីពៅរបស់តារាជើងចាស់ Mae Nok Jariya និង Jonny Anfone បើ​និយាយ​ពី​សម្រស់​វិញ Jeanne ដូច​ម្ដាយ​បេះ​ដាក់។ ទាក់ទង​នឹង​ការ​អប់រំ Jeanne បាន​បញ្ចប់​ការ​សិក្សា​ពី King’s College London ដែល​ជា​ស្ថាប័ន​ល្បី​ខាង​វិទ្យាសាស្ត្រ និង​វេជ្ជសាស្ត្រ។ យ៉ាងណាមិញ ​គេ​ក៏​ឃើញ​នាង​លេច​មុខ​សម្ដែង​ជា​តួ​រាយរង​ខ្លះៗ​ដែរ។​

៧ Plankton និង Eaton

Plankton ជាប្អូនប្រុសរបស់ Eaton Sakdidet និងជាកូនប្រុសសំណព្វចិត្តរបស់ Mae Mew និង Kong Norabadee Sasiprapha ។​ កាលពីពេលថ្មីៗនេះ គេ​ឃើញ​កូនប្រុសទាំងពីរ Mae Mew​ ចូលរួមដំណើរ​កម្សាន្តថ្មី​របស់​ប្រេន louis vuitton ហើយ​ក៏​ធ្លាប់​ឃើញ​ Eaton ចូល​ប្រឡូក​ក្នុង​វិស័យ​កម្សាន្ត​ជា​ញឹក​ញាប់ ​ដូច​ជាម្ដាយគេដែរ។ បើ​និយាយ​ពី​ការ​សិក្សា​វិញអ្នកទាំងពីរគឺល្អ​ដូចគ្នា​ ខណៈ Plankton ​បច្ចុប្បន្ន​នេះ ជិត​បញ្ចប់​ការ​សិក្សា​ពី​មហាវិទ្យាល័យ​សិល្បៈ​សេរី Purdue University ហើយ​ Eaton ជា​យុវជន​ដ៏​ស្រស់​សង្ហាលើបណ្ដាញ​សង្គម​ ​និងទើប​តែ​រៀន​ចប់​វិទ្យាល័យ​តែ​ប៉ុណ្ណោះ​៕

ប្រែសម្រួល៖ សាង ស្រីល័ក្ខ

ចុចអាន៖តែកន្លះឆ្នាំសោះ តារាស្រី ថៃ ៣គូ ប្រកាសផ្ដាច់ទំនាក់ទំនងជាមួយមិត្តប្រុស

ចុចអាន៖តារាស្រី ១០រូប ធ្លាប់បង្កភាពភ្ញាក់ផ្អើលលើបណ្ដាញសង្គម ដោយសារតែរូបសិចស៊ីពេក