លីម តិចម៉េង ថ្លែងអំណរគុណសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត

កាលពីយប់ថ្ងៃទី២៨ ខែសីហា ឆ្នាំ២០២២ កម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី៤ បានរកឃើញម្ចាស់ជ័យលាភីដែលឈ្នះពានរង្វាន់ គឺកំលោះតូច លីម តិចម៉េង មកពីដែនដីខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃដំណឹងដំណឹងដ៏រំភើបរីករាយនេះដែរ ភ្លាមៗនោះគេឃើញមានទស្សនិកជន និងអ្នកគាំទ្រ តិចម៉េង យ៉ាងច្រើនលើសលប់បានសម្តែងការចូលរួមអបអរសារទរដល់កំលោះតូចរូបនេះ។ នៅក្នុងនោះដែរម្ចាស់ជ័យលាភី លីម តិចម៉េង ក៏ទទួលបានការសរសើរមិនដាច់ពីមាត់ជុំវិញទេពកោសល្យ និងសមត្ថភាពសិល្ប:ដែលអំណោយផលពីធម្មជាតិ។

បន្ទាប់ពីក្លាយជាម្ចាស់ពាន និងកំពុងទទួលបានការគាំទ្រភ្លូកទឹកភ្លូកដីពីមហាជនទូទៅ ព្រមទាំងទទួលបានការសារទរពីសំណាក់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នេះដែរ ពេលនេះកំលោះសង្ហា លីម តិចម៉េង បានថ្លែងអរគុណយ៉ាងខ្លាំងជួនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។

ខ្លឹមសាររបស់ម្ចាស់ជ័យលាភី លីម តិចម៉េង បានលើកឡើងថា “ខ្ញុំបាទសូមថ្លែងអំណរគុណដល់សម្តេចពុក សម្តេចម៉ែ ដែលបានផ្តល់ដំបូលសន្តិភាពដល់កូនចៅ” “គោរពអរគុណសម្តេចតា ដែលបានផ្តល់ដំបូលសន្តិភាព និងឱកាសដល់កូនចៅគ្រប់ៗគ្នា រួមទាំងខ្ញុំបាទ ចៅនឹងចងចាំគុណបំណាច់មួយនេះជារៀងរហូត ។

ក្នុងនោះ តិចម៉េង ក៏អរគុណដល់កម្មវិធីទាំងមូលក្នុងការផ្តល់ឱកាសមួយនេះដល់រូបគេផងដែរ។ លោកបន្តថា អរគុណ​បងៗ​គណ:កម្មការទាំង៤នាក់ លោកគ្រូភ្លេង និងក្រុមការងារទាំងអស់សម្រាប់ការខំប្រឹងកន្លងមក បងប្អូនជនរួមជាតិទាំងអស់ដែលបានគាំទ្រសិល្បៈក្នុងស្រុក ជាពិសេសគឺកាស្រលាញ់គាំទ្ររូបខ្ញុំរហូតមក ។ ម្ចាស់ពានកម្មវិធីប្រឡងចម្រៀងលំដាប់ថ្នាក់ពិភពលោក លីម តិចម៉េង បានបន្ថែមថា ទៅថ្ងៃមុខសង្ឃឹមថា បងប្អូនទាំងអស់គ្នានឹងនៅតែបន្តគាំទ្រខ្ញុំបាទ និងបងប្អូនសិល្បៈទាំងអស់ដែលកំពុងមានសមត្ថភាពដើម្បីលើកស្ទួយជាតិយើង។

សូមបញ្ជាក់ដែរថា ក្រោយការប្រកាសលទ្ធផលរកឃើញអ្នកឈ្នះកាលពីយប់មិញ សម្តេចតេជោ ហ៊ុន សែន បានចូលរួមអបអសារទរចំពោះបេក្ខជន លីម តិចម៉េង ដែលក្លាយជាម្ចាស់ពានក្នុងកម្មវិធី «Cambodian Idol» រដូវកាល​ទី៤ផងដែ រ។

យោងតាមរយៈទំព័រហ្វេសប៊ុកផ្លូវការរបស់សម្តេចតេជោ ហ៊ុន សែន បានសរសេរថា «សូមអបអរសារទរចៅ លីម តិចម៉េង ទីបំផុតជោគជ័យត្រូវបានទៅលើអ្នកឈ្នះ»។ នៅក្នុងនោះដែរចំពោះម្មវិធីវគ្គផ្តាច់ព្រ័ត្រនេះដែរសម្តេចតេជោ ហ៊ុន សែន ក៏បានឧបត្ថម្ភថវិកាដល់TOP 4 ក្នុងម្នាក់ៗនូវទឹកប្រាក់ចំនួន៦លានរៀលផងដែរ៕

អត្ថបទ៖ ចាន់រ៉ា