ជីវិតកម្សាន្ដ
សិល្បៈចម្រុះពិសេស ៥ របាំ រង់ចាំបង្ហាញវត្តមានក្នុងពិធីជប់លៀងធំ នៃកិច្ចប្រជុំកំពូលអាស៊ាន
ក្នុងនាម ព្រះរាជាណាចក្រកម្ពុជា ជាម្ចាស់ផ្ទះ នៃកិច្ចប្រជុំកំពូលអាស៊ាន ក្រសួងវប្បធម៌ និងវិចិត្រសិល្បៈកម្ពុជា បានរៀបចំសិល្បៈបុរាណ សម័យ និងសហសម័យ ចំនួន ៥ របាំ ដើម្បីសម្ដែងទទួលស្វាគមន៍ប្រមុខរដ្ឋ និងគណៈប្រតិភូដែលនឹងអញ្ជើញចូលរួម ពិធីជប់លៀងធំ នៅល្ងាចថ្ងៃទី១២ ខែវិច្ឆិកា ឆ្នាំ២០២២នេះ។
បណ្ឌិត គឹម ពីនន់ អនុរដ្ឋលេខាធិការ នៃក្រសួងវប្បធម៌ និងវិចិត្រសិល្បៈ មានប្រសាសន៍ប្រាប់ “កម្ពុជាថ្មី” ថា នៅថ្ងៃទី១១ មានព្រឹត្តិការណ៍ធំគឺ ពិធីបើកកិច្ចប្រជុំកំពូលអាស៊ាន ដែលមានសម្ដេចតេជោ នាយករដ្ឋមន្ត្រី ជាប្រមុខ អញ្ជើញចូលរួមផងនោះ ក្រសួងវប្បធម៌ និងវិចិត្រសិល្បៈនឹងរៀបចំកម្មវិធី២ ទី១ គឺច្រៀងគោរពទង់អាស៊ាន ទី២ គឺសម្ដែងរបាំបង្កើតថ្មី ឈ្មោះថា របាំស្វាគមន៍កិច្ចប្រជុំកំពូលអាស៊ាន ឆ្នាំ២០២២។
បណ្ឌិត គឹម ពីនន់ មានប្រសាសន៍បន្តថា ចំពោះព្រឹត្តិការណ៍ធំបំផុត គឺ Gala Dinner ជាពិធីជប់លៀងធំ ក្រសួងវប្បធម៌ទទួលរៀបចំសិល្បៈចម្រុះ មានក្រុមសិល្បករ និងតន្ត្រីករជាង ២០០នាក់ និងការប្រគុំតន្ត្រីដោយមានតារាចម្រៀងល្បីៗ ដែលច្រៀងទាំងភាសាខ្មែរ និងភាសាអង់គ្លេស។ ចំពោះការសម្ដែងសិល្បៈមានទាំង របាំក្បាច់បុរាណ របាំប្រពៃណី របាំសហស្សសម័យ ដែលសម្ដែងដោយសិល្បករ សិល្បការិនីនៃក្រសួងវប្បធម៌ និងវិចិត្រសិល្បៈកម្ពុជា ដូចជា៖
របាំអប្សរា
របាំផ្លិតមិត្តភាព
របាំរំដួលបុប្ផាកម្ពុជា
របាំគ្រុឌ
របាំមិត្តភាពដោយមានបញ្ចូលឆៃយ៉ាំ របាំព្រាបសន្តិភាព ជាដើម។
គួរបញ្ជាក់ថា Gala Dinner នឹងរៀបចំនៅថ្ងៃទី១២ ខែវិច្ឆិកា ឆ្នាំ២០២២ ចាប់ពីវេលាម៉ោង ១៩ និង ៣០នាទី ដល់ម៉ោង ២១ និង៣០នាទី នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ OCIC (Overseas Cambodian Investment Corporation)។ ក្នុងព្រឹត្តិការណ៍កិច្ចប្រជុំកំពូលអាស៊ាន មានព្រឹត្តិការណ៍អម គឺមហោស្រពវប្បធម៌អាស៊ាន ប្រធានបទ “មហោស្រពវប្បធម៌អាស៊ានក្នុងស្មារតីសាមគ្គី ដើម្បីសន្តិភាព”។ ក្នុងនោះ កម្ពុជា នឹងយកទម្រង់សិល្បៈចម្រុះ ដែលមានចំណងជើងថា “មហាភារតៈ” សម្ដែង នៅថ្ងៃទី១០ ទី១១ ខែវិច្ឆិកា ឆ្នាំ២០២២នេះ ចាប់ពីម៉ោង៦ នៅមហោស្រពចតុម្មុខ៕
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ