Connect with us

ជីវិតកម្សាន្ដ

Taylor Swift ឈ្នះពានរង្វាន់កំពូល នៅក្នុងកម្មវិធី​ AMA ម្សិលមិញ

បានផុស

នៅ

កាល​ពី​ថ្ងៃ​អាទិត្យ ទី២០ ខែវិច្ឆិកា ឆ្នាំ២០២២ ម្សិលមិញ តារា​ចម្រៀង​ប៉ុប Taylor Swift បាន​ឈ្នះ​ពានសិល្បករឆ្នើមប្រចាំឆ្នាំ (Artist of the Year)​ ពី​កម្មវិធី American Music Awards (AMA) ​ដែលពានរង្វាន់មួយនេះបានទទួលដោយសារការបោះឆ្នោត​គាំទ្រ​ដ៏​ច្រើនលើសលុប​របស់អ្នកគាំទ្រទូទាំង​ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីផ្អាកចេញអាល់ប៊ុមរយៈពេល ៣ឆ្នាំ ដោយសារជំងឺរាតត្បាតកូវីដ-១៩ កាលពីខែតុលាកន្លងទៅ តារាចម្រៀង Taylor Swift បានចេញអាល់ប៊ុម Midnight ជូនអ្នកគាំទ្រ ដែលទន្ទឹងចាំអស់ពេលជាយូរ ខណៈអាល់ប៊ុមនេះ បានធ្វើឱ្យនាងបន្តប្រជាប្រិយភាពឱ្យឈរនៅលំដាប់កំពូលដដែល និងនាំឱ្យតារានាងឈ្នះពានរង្វាន់ដ៏មានកិត្តិយសពី ​AMA នេះឆ្នាំទៀតផង។

ក្រោយពីឈ្នះពានរង្វាន់ ម្ចាស់បទ “You Belong With  Me” រូបនេះបានទម្លាយអារម្មណ៍ពិត នៅលើឆាកក្នុងកម្មវិធីប្រគល់ពានរង្វាន់នៅទីក្រុង Los Angeles ថា នាងមិនរំពឹងឡើយថាខ្លួននឹងទទួលបានរង្វាន់សិល្បៈករឆ្នើមប្រចាំឆ្នាំ។

គួរបញ្ជាក់ថា ជារៀងរាល់ឆ្នាំ Taylor Swift​ មិនដែលត្រលប់ទៅផ្ទះវិញដោយដៃទទេឡើយ ​ពោលគឺនាងតែងតែឈ្នះពានរាល់ឆ្នាំតែម្ដង ហើយក្នុងឆ្នាំខ្លះតារាស្រីរូបនេះ ឈ្នះពានបីបួនតែឯងទៀតផង ស្របពេលដែលឆ្នាំ២០២២នេះ បន្ទាប់ឈ្នះ​ពានសិល្បករឆ្នើមប្រចាំឆ្នាំ នាងបានក្លាយជាម្ចាស់ពានរង្វាន់ AMA សរុបចំនួន ៤៨ពានរង្វាន់ រាប់តាំងពីនាងចូលសិល្បៈមក៕

ប្រែសម្រួល៖ សន្យា

ចុចអាន៖ ៩ អាថ៌កំបាំងធ្វើឲ្យ Taylor Swift ជោគជ័យខ្លាំងដល់​បច្ចុប្បន្ន

ចុចអាន៖ ដឹងតម្លៃសំបុត្រចូលមើលការប្រគុំតន្ត្រីរបស់ Taylor Swift ហើយ មហាជនចំហមាត់ធ្លុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម