ជីវិតកម្សាន្ដ
ឧកញ៉ា ឡេង ប្រុស ៖ សិល្បៈជាដួងព្រលឹង និងរួមចំណែកក្នុងការលើកកម្ពស់សេដ្ឋកិច្ចជាតិ
ឧកញ៉ា ឡេង ប្រុស អគ្គនាយកក្រុមហ៊ុន ណាវ៉ាត់ត្រា ខ្នាតយក្ស តំណាង អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ហ្គាឡាក់ស៊ី ណាវ៉ាត្រា គ្រុប បានអញ្ជើញចូលរួមជាអធិបតីភាព កម្មវិធីទិវាបេតិកភណ្ឌលើកទី ៥ ក្រោមប្រធានបទ “ព្រឹត្តិការណ៍សម្ដែងល្ខោនខោលដ៏អស្ចារ្យ” កាលពីថ្ងៃសៅរ៍ ទី ២៦ ខែវិច្ឆិកា នៅសាលមហោស្រពកោះពេជ្រ។
![](https://www.kampucheathmey.com/wp-content/uploads/2022/11/photo_2022-11-27_11-14-32-1024x682.jpg)
ក្នុងឱកាសនោះ ឧកញ៉ា ឡេង ប្រុស ក៏បានអញ្ជើញថ្លែងសន្ទរកថាដ៏មានអត្ថន័យខ្លឹមសារជ្រាលជ្រៅដែលរំលេចអំពីបេតិកភណ្ឌវប្បធម៌ដ៏សម្បូរបែបទាំងរូបី និងអរូបី ដែលបុព្វបុរសខ្មែរបានបន្សល់ទុករហូតដល់សព្វថ្ងៃ មិនត្រឹមតែជាសក្ខីភាពបង្ហាញពីភាពរុងរឿងថ្កុំថ្កើង គួរជាទីស្ញប់ស្ញែង នៃ មនុស្សជាតិ ប៉ុណ្ណោះទេ ថែមទាំងមានតួនាទីដ៏សំខាន់ក្នុងការផ្សារភ្ជាប់ទំនាក់ទំនងរវាងមនុស្ស និងមនុស្ស សង្គម និងសង្គម ព្រមទាំងរួមចំណែកក្នុងការលើកកម្ពស់សេដ្ឋកិច្ចជាតិ និងភាពសុខសាន្តរបស់ប្រជាពលរដ្ឋ ប្រកបដោយប្រសិទ្ធភាពទៀតផង។
![](https://www.kampucheathmey.com/wp-content/uploads/2022/11/photo_2022-11-27_11-14-50-1024x682.jpg)
លោកឧកញ៉ាថ្លែងគូសបញ្ជាក់ថា ក្នុងចរន្ត នៃសាកលភាវូបនីយកម្ម សម័យបច្ចេកវិទ្យាទំនើប បានញ៉ាំងឲ្យសង្គមមានការវិវត្តយ៉ាងគំហុក ដែលជាហេតុធ្វើឲ្យមរតកវប្បធម៌ដ៏មានតម្លៃមួយចំនួនទទួលរងនូវការប្រឈមយ៉ាងខ្លាំង រហូតអាចនឹងឈានទៅបាត់បង់ដោយអន្លើៗ។ ការណ៍នេះ យើងទាំងអស់គ្នា ត្រូវតែចូលរួមក្នុងការថែរក្សា ការការពារ ការអភិរក្សបេតិកភណ្ឌវប្បធម៌ជាតិឲ្យបានគង់វង្ស។
![](https://www.kampucheathmey.com/wp-content/uploads/2022/11/photo_2022-11-27_11-14-58-1024x682.jpg)
ថ្លែងនៅចំពោះមុខសិល្បករ ឧកញ៉ា ឡេង ប្រុស បានបញ្ជាក់បន្ថែមថា “ក្នុងនាមខ្ញុំបាទជាជនជាតិខ្មែរ ស្រឡាញ់ និងឲ្យតម្លៃខ្ពស់ចំពោះវប្បធម៌ អរិយធម៌ ដ៏ល្អផូរផង់ ដែលដូនតាខ្មែរយើងបានបន្សល់ទុកជាទ្រព្យដ៏មានតម្លៃមិនអាចកាត់ថ្លៃបាន សម្រាប់ជូនដល់ប្រជាជាតិខ្មែរយើងសព្វថ្ងៃនេះ។ ខ្ញុំសង្ឃឹម និងជឿជាក់យ៉ាងមុតមាំថា កម្មវិធីដ៏មានអត្ថន័យនេះ គឺជាផ្នែកមួយ ដែលនឹងបន្តបំផុសការចូលរួមរបស់យុវជនឲ្យស្វែងយល់កាន់តែច្បាស់អំពីទម្រង់សិល្បៈបុរាណ ជាពិសេសល្ខោនខោលខ្មែរ ដើម្បីបន្តសាមគ្គីគ្នា មិនត្រឹមតែថែរក្សាការពារឲ្យបានស្ថិតស្ថេរគង់វង្សប៉ុណ្ណោះទេ តែត្រូវជំរុញលើកស្ទួយ ផ្សព្វផ្សាយ សិល្បៈវប្បធម៌ខ្មែរ ឲ្យកាន់តែល្បីរន្ទឺបន្ថែមទៀត ទាំងក្នុងតំបន់ និងសកលលោក ដូចទៅនឹងពាក្យស្លោកបុរាណយើងតែងលើកថា «វប្បធម៌រលត់ជាតិរលាយ វប្បធម៌ពណ្ណរាយ ជាតិថ្កើងថ្កាន»។
![](https://www.kampucheathmey.com/wp-content/uploads/2022/11/photo_2022-11-27_11-14-35-1024x682.jpg)
នៅក្នុងឱកាសនេះដែរ ឧកញ៉ា ឡេង ប្រុស តំណាងអ្នកឧកញ៉ា ឡេង ណាវ៉ាត់ត្រា ក៏បាននាំយក ថវិកាចំនួន ៣ ពាន់ដុល្លារអាមេរិក ឧបត្ថម្ភជូនដល់កម្មវិធីទិវាបេតិកភណ្ឌលើកទី ៥ ផងដែរ។
![](https://www.kampucheathmey.com/wp-content/uploads/2022/11/photo_2022-11-27_11-14-52-1024x682.jpg)
សូមជម្រាបថា កម្មវិធីនេះរៀបចំដោយសាលាសិល្បៈហ្វ៊ូណន និងសាលារបាំបុប្ផាទេ ដើម្បីអបអរសាទរខួប ០៤ ឆ្នាំ នៃល្ខោនខោល ខួប ១៩ ឆ្នាំ នៃរបាំព្រះរាជទ្រព្យ ខួប ១៧ ឆ្នាំ នៃល្ខោនស្រមោលស្បែកធំ ខួប ០៥ ឆ្នាំ នៃចាប៉ីដងវែងខ្មែរ ដែលចូលជាសម្បត្តិបេតិកភណ្ឌអរូបី នៃមនុស្សជាតិ ដោយអង្គការយូណេស្កូ (UNESCO)៕
![](https://www.kampucheathmey.com/wp-content/uploads/2022/11/photo_2022-11-27_11-14-33-738x1024.jpg)
![](https://www.kampucheathmey.com/wp-content/uploads/2022/11/photo_2022-11-27_11-14-46-1024x682.jpg)
![](https://www.kampucheathmey.com/wp-content/uploads/2022/11/photo_2022-11-27_11-14-42-1024x682.jpg)
![](https://www.kampucheathmey.com/wp-content/uploads/2022/11/photo_2022-11-27_11-14-54-1024x682.jpg)
![](https://www.kampucheathmey.com/wp-content/uploads/2022/11/photo_2022-11-27_11-14-55-1024x682.jpg)
![](https://www.kampucheathmey.com/wp-content/uploads/2022/11/photo_2022-11-27_11-14-40-1024x682.jpg)
![](https://www.kampucheathmey.com/wp-content/uploads/2022/11/photo_2022-11-27_11-14-41-1024x682.jpg)
![](https://www.kampucheathmey.com/wp-content/uploads/2022/11/photo_2022-11-27_11-14-37-1024x682.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ