តុលាការព្រមឱ្យ Pinky ទទួលបានសិទ្ធិនៅក្រៅឃុំ តែត្រូវគោរពតាមលក្ខខណ្ឌ ៤ចំណុច

កាលពីព្រឹកម្សិលមិញនេះ តុលាការបានបើកសវនាការលើសំណុំរឿងឆបោកប្រាក់របស់ក្រុនហ៊ុនអនឡាញ FOREX 3 D ​ក្នុងនោះក៏មានវត្តមានចុងចោទ Pinky Savika រួមជាមួយម្តាយ និងបងប្រុសរបស់នាងផងដែរ។

តារាសម្តែង Pinky ដែលជាចុងចោទ ក្នុងសំណុំក្ដីឆបោកប្រាក់ ត្រូវបានមេធាវីធានាឱ្យនៅក្រៅឃុំ ដោយដាក់មូលប្បទានប័ត្រចំនួន ៥លានបាតជាប្រាក់តម្កល់។ ក្រោយការស្នើសុំធានាពីមេធាវី តុលាការព្រហ្មទណ្ឌបានពិចារណា និងបង្គាប់ឱ្យដោះលែងតារាស្រីរូបនេះ ជាបណ្ដោះអាសន្ន ដោយព្រមឱ្យបង់ប្រាក់ធានាចំនួន ៥លានបាត (ប្រហែល ១៤១,០០០ដុល្លារអាមេរិក) រួមនឹងលក្ខខណ្ឌសំខាន់ៗចំនួន៤ ដូចខាងក្រោម៖

១. ហាម​ធ្វើ​ដំណើរ​ចេញក្រៅពី​ព្រះរាជាណាចក្រថៃ។

២. ប្រសិនបើមានការផ្លាស់ប្តូរទីលំនៅ ត្រូវតែជូនដំណឹងទៅតុលាការ ក្នុងរយៈពេល ៧ថ្ងៃមុន។

៣. បង្ហាញមុខរាយការណ៍ទៅតុលាការជារៀងរាល់ខែ រហូតដល់មានការផ្លាស់ប្តូរ។

៤. ជូនដំណឹងទៅការិយាល័យអន្តោប្រវេសន៍។

ប្រែសម្រួល៖ សន្យា

ចុចអាន៖ Naphat សារភាពត្រង់ៗ បាក់ចិត្តស្រឡាញ់ Baifern ដោយសារចំណុចមួយនេះ