ជីវិតកម្សាន្ដ

តស៊ូគង់បានសម្រេច! សារុំ បញ្ញាស័ក្ត ក្លាយជាម្ចាស់ពានThe Voice Kids រដូវកាលទី៣

បានផុស

២ ខែ មុន

នៅ

ថ្ងៃអាទិត្យ ២៥ ធ្នូ ២០២២

ដោយ

កម្មវិធីប្រឡងចម្រៀងលំដាប់ពិភពលោក The Voice Kids Cambodia រដូវកាលទី៣បានឈានដល់វគ្គផ្ដាច់ព្រ័ត្រហើយកាលពីយប់ថ្ងៃទី២៤ ខែធ្នូ ឆ្នាំ២០២២ ខណ:ដែលម្ចាស់ពានបានទៅលើបេក្ខភាព សារុំ បញ្ញាស័ក្ត ដែលជាកូនក្រុមរបស់លោក ហ្សូណូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេក៏នៅចាំបានថាកុមារា សារុំ បញ្ញាស័ក្ត កាលពីអំឡុង ឆ្នាំ២០១៩ ធ្លាប់បានបង្ហាញវត្តមានម្តងរួចមកហើយក្នុងកម្មវិធី Cambodian Idol Junior ក្នុងវគ្គ Judge Audition សប្ដាហ៍ទី២ ដោយលើកយកបទចម្រៀង She’s gone របស់លោក ព្រាប សុវត្ថិ មកបកស្រាយបានយ៉ាងពីរោះ។ នៅពេលនោះ ក្រោយបកស្រាយចម្រៀងចប់ គណៈកម្មការទាំង៣រូប បានសម្រេចផ្ដល់«យេស»ដល់រូបគេឈានទៅវគ្គបន្តនោះ។ ប៉ុន្តែ ទោះបីជាយ៉ាងណា នៅពេលនោះរូបគេ មិនអាចឈានទៅដល់វគ្គចុងក្រោយនោះទេ។

ដោយឡែក ស្រាប់តែនៅក្នុងកម្មវិធីប្រឡងលំដាប់ពិភពលោកThe Voice Kids Cambodia រដូវកាលទី៣កុមារ សារុំ បញ្ញាស័ក្ត ក៏បានលេចវត្តមានជាថ្មីដោយរូបគេសម្រេចជោគជ័យក្លាយជាម្ចាស់ពាន The Voice Ki ds Cam bodia រដូវកាលទី៣ នេះតែម្តង។ រូបគេ ក៏ទទួលបានប្រាក់រង្វាន់១០០លានរៀល និងការឧបត្ថម្ភជាច្រើនផ្សេងទៀត។

សារុំ បញ្ញាស័ក្ត ទទួលបានសំឡេងគាំទ្រច្រើនជាងបេក្ខជនប៉ុន្មាននាក់ចុងក្រោយនាការប្រកួតផ្តាច់ព្រ័ត្រនៅរាត្រីថ្ងៃសៅរ៍ ទី២៤ ខែធ្នូ ឆ្នាំ២០២២។ នៅក្នុងកម្មវិធីនេះដែរ គឺមានការចូលរួមផងដែរពីសំណាក់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន។ សារុំ បញ្ញាស័ក្ត ទទួលបានការចូលរួមអបអរសាទរយ៉ាងពីអ្នកគាំទ្រ៕

ដោយ៖ ចាន់រ៉ា