Brooke Shields ទម្លាយរឿងត្រូវគេរំលោភ បន្ទាប់ពីលាក់អស់រយៈពេលជាង ៣ ទសវត្សរ៍

Brooke Shields តារាសម្ដែងវ័យ ៥៧ឆ្នាំរូបនេះ ធ្លាប់ត្រូវបុរសម្នាក់រំលោពបំពានបន្ទាប់ពីការញ៉ាំបាយជាមួយគ្នាដើម្បីពិភាក្សារឿងការងារ ។ អ្នកស្រីបន្ថែមថា គាត់មានការតក់ស្លុតជាខ្លាំង មិនចង់ជឿថាវាបានកើតឡើង និងមិនដែរលើកយកមកនិយាយរហូតមកដល់ឥលូវ ។

ក្នុងឆ្នាំ ១៩៨៧ អ្នកស្រីបានទៅញ៉ាំអាហារពេលល្ងាចជាមួយបុរសម្នាក់ដោយមិនបញ្ចេញឈ្មោះដើម្បីចូលធ្វើការសិល្បៈវិញបន្ទាប់ពីបញ្ចប់ការសិក្សាពីសាកលវិទ្យាល័យ Princeton ។ អ្នកស្រីចាំបានថា គាត់ចូល​ទៅ​បន្ទប់​របស់​បុរសនោះ​ក្រោយ​ពេល​បាយ​រួច ហើយ​​បាត់​បុរសនោះមួយសន្ទុះទើបគាត់ស្ទុះទៅយកកែវយឹតមកឆ្លុះមើលគេលេងបាល់តាមបង្អួច ។

បន្តិចក្រោយមកស្រាប់តែបុរសនោះលេចចេញពីណាមិនដឹងទាំងស្រាតននោលគោក និងធ្វើសកម្មភាពចាប់បង្ខំអ្នកស្រីភ្លាមៗតែម្ដង ។ ក្នុងហេតុការណ៍នេះផងដែរ Brooke មិនសូវបានតដៃប៉ុន្មានទេ ដោយសារការភិតភ័យ និងខ្លាចប៉ះពាល់អាយុជីវិតរបស់ខ្លួន ។ ទីបំផុត អ្នកស្រីរួចជីវិត ហើយជិះតាក់ស៊ីទៅផ្ទះមិត្តភក្ដិទាំងយំខ្សឹបខ្សួរនៅតាមផ្លូវមិនឈប់ ។

ទោះបីជា Brooke ព្យាយាមស្វែងរកជំនួយយ៉ាងណាក៏ដោយ ក៏មិនមាននរណាម្នាក់ចេញមុខជួយគាត់ដែរ ដូច្នេះអ្នកស្រីសម្រេចចិត្តលុបរឿងទាំងស្រុងចេញពីចិត្ត និងរាងកាយដោយខ្លួនឯងយ៉ាងរឹងមាំ ។

ការពិតទៅ Brooke Shield ជាតារាសម្ដែងរឿងអាសអាភាសតាំងពីនៅក្មេងមកម្ល៉េះ ប៉ុន្តែអ្នកស្រីពូកែថែរក្សាខ្លួនប្រាណឲ្យនៅបរិសុទ្ធរហូតដល់មានអាយុ ២២ឆ្នាំឯណោះ នេះបើយោងតាមស្វាមីរបស់អ្នកស្រីប្រាប់ ៕

ប្រែសម្រួលដោយ ៖ វារី

ចុចអាន ៖ Brooke Shields  ធ្លាប់ថតឲ្យទស្សនាវដ្ដី Playboy រហូតក្លាយជាតារាល្បីល្បាញ