អតីតអ្នកកីឡាកាស Dave Bautista បញ្ចប់ក្ដីសុបិនចង់ដើរតួជា Bane ក្នុងរឿងមនុស្សប្រចៀវ

តារាសម្ដែងអាមេរិកាំង Dave Bautista មានក្ដីសុបិនចង់ដើរតួ Bane យូរមកហើយ រហូតដល់សហនាយកប្រតិបត្តិគឺលោក James Gunn និង Peter Safran រៀបចំគម្រោង ១០ ឆ្នាំសម្រាប់ចក្រវាល DC ទើប Dave ដឹងខ្លួនថាមិនអាចទៅរួច ។

ជាក់ស្ដែងតួ Bane ចុងក្រោយសម្ដែងដោយលោក Tom Hardy តារាសម្ដែងជនជាតិអង់គ្លេស ស្របនឹងនោះគាត់ត្រូវហ្វឹកហាត់មួយថ្ងៃបួនដង និងបរិភោគអាហារយ៉ាងច្រើនដូចសត្វសេះដើម្បីឡើងជាង ១៣ គីឡូឲ្យសក្ដិសមនឹងតួចិត្តអាក្រក់ខាងលើក្នុងរយៈពេលត្រឹមតែ ៣ ខែប៉ុណ្ណោះ ។

ពាក់ព័ន្ធនឹងបញ្ហានេះលោក Dave អាចដើរតួជា Bane បានយ៉ាងងាយបើពឹងផ្អែកទៅលើរាងកាយដ៏អំណោយផលរបស់គាត់ ប៉ុន្តែគេចង់បានតារាវ័យក្មេងមកសម្ដែងវិញទើបអាចប្រោសចក្រវាល DC ឲ្យរស់ឡើងម្ដងទៀតតាមផែនការ ។ 

យ៉ាងណាមិញ Dave យល់ព្រមដកខ្លួនចេញពីសេចក្ដីមានះទុកឱកាសឲ្យក្មេងជំនាន់ក្រោយប្រឡូកក្នុងវិស័យសិល្បៈជំនួសខ្លួនដោយក្ដីរីករាយ ណាមួយគាត់អាយុ ៥៤ ឆ្នាំទៅហើយមិនអាចកំដរចក្រវាល DC បានរលូនដូចពីក្មេងឡើយ ៕

ប្រែសម្រួល ៖ វារី

ចុចអាន ៖ កំពូលកីឡាកាសល្បីៗជំនាន់មុន អ្នកទស្សនាមិនចេះជិនណាយ មកទល់ពេលនេះ