មិត្តប្រុស Sandra Bullock បាត់បង់ជីវិតដោយសារជំងឺសរសៃប្រសាទដ៏កម្រ

លោក Bryan Randall ដែលត្រូវជាគូស្នេហ៍យូអង្វែងរបស់តារាសម្ដែង Sandra Bullock បានបាត់បង់ជីវិត ដោយសារជំងឺ amyotrophic lateral sclerosis  (ALS) នៅថ្ងៃទី០៥ ខែសីហា ។

ជំងឺ ALS គឺជាជំងឺសរសៃប្រសាទដ៏កម្រ ដែលប៉ះពាល់ដល់សរសៃប្រសាទម៉ូទ័រ—កោសិកាសរសៃប្រសាទនៅក្នុងខួរក្បាល និងខួរឆ្អឹងខ្នងដែលគ្រប់គ្រងចលនាសាច់ដុំឆន្ទៈ ។

Bryan ជាអ្នកជំនាញថតរូប ដែលមានក្រុមហ៊ុនផ្ទាល់ខ្លួនទៀតផង ដូច្នេះលោកជួប Sandra ដំបូងពេលគាត់ទៅថតរូបក្នុងកម្មវិធីខួបកំណើតកូនប្រុសរបស់នាងនៅឆ្នាំ ២០១៥ ខែមករា ។

ជាក់ស្ដែង Bryan វ័យ ៥៧ ឆ្នាំរូបនេះមានជំងឺ ALS ៣ ឆ្នាំមកហើយ បណ្ដាលឲ្យលោកពិបាកដើរ និយាយ លេប និងដកដង្ហើម ។

ចំណែកឯ Sandra វិញជាតារាហូលីវូដមួយរូបដែលឈ្នះពានរង្វាន់អូស្ការក្នុងឆ្នាំ ២០១០ សម្រាប់រឿង The Blind Side ហើយធ្លាប់សម្ដែងក្នុងរឿងល្បីៗជាច្រើនទៀតដូចជា Bird box និង Ocean 8 ជាដើម ៕

ប្រែសម្រួល៖ វារី

ប្រភព៖ newssky

ចុចអាន៖ តារាស្រីតំណាងឲ្យកាបូប Birkin ទទួលមរណភាពនៅវ័យ ៧៦ ឆ្នាំ