ផ្ទះតារាចម្រៀងអាមេរិកមួយរូប កំពុងដាក់លក់ក្នុងតម្លៃជាង ៤០ លានដុល្លារ

ផ្ទះអ្នកស្រី Cher នៅលើកោះឯកជន នៃរដ្ឋ Miami កំពុងដាក់លក់ក្នុងទីផ្សារតម្លៃ ៤២.៥ លានដុល្លារ ។ តារាចម្រៀងអាមេរិកវ័យ ៧៧ ឆ្នាំរូបនេះមានទ្រព្យសម្បត្តិសរុបដល់ទៅ ៣៦០ លានដុល្លារឯណោះ ។

កោះ La Gorce គឺជាកន្លែងឯកជនថ្លៃកប់ពពកមួយសម្រាប់រស់នៅ មិនចម្លែកទេដែលតារាល្បីដូចអ្នកស្រី Cher មានសមត្ថភាពទិញផ្ទះនៅទីនោះបាន ។

Cher ល្បីឈ្មោះដំបូងក្នុងឆ្នាំ ១៩៦៥ ដោយសារតែសំឡេងរបស់គាត់ បូករួមជាមួយការតុបតែងខ្លួនលេចធ្លោរហូតក្លាយជានិមិត្តរូបនៃមនុស្សរាប់លានអ្នកមកដល់សព្វថ្ងៃតែម្ដង ។

ផ្ទះរបស់គាត់មានបន្ទប់គេងដល់ទៅ ៦ រួមទាំងអាងហែលទឹកដ៏ធំ ជាពិសេសមានផែផ្ទាល់ខ្លួនទៀតផង ។ បើអ្នកគាំទ្ររូបណាមានប្រាក់ ៤២.៥ លានដុល្លារនោះ គេមិនខ្លាចនឹងទិញផ្ទះអ្នកស្រី Cher ឡើយ ។

ដូច្នេះមកទស្សនាទិដ្ឋភាពក្នុងផ្ទះរបស់ Cher ទាំងអស់គ្នា៖

សូមជម្រាបថា Cher បានទិញផ្ទះនេះតាំងពីឆ្នាំ ១៩៩៣ ក្នុងតម្លៃ ១.៥ លានដុល្លារប៉ុណ្ណោះ ។ វាមានទំហំ ១១៥៧ ម៉ែត្រការ៉េ សាងសង់លើផ្ទៃដី ២៧៥២ ម៉ែត្រការ៉េ ហើយអ្នកស្រីរស់នៅទីនោះដល់ឆ្នាំ ១៩៩៦ ៕

ប្រែសម្រួល៖ វារី

ប្រភព៖ businessinsider

ចុចអាន៖ ទិដ្ឋភាពខាងក្នុងផ្ទះរបស់តារាអាមេរិក ដាក់ជួលក្រោមតម្លៃជិត ២ ម៉ឺនដុល្លារ