កូនប្រុសតារាចម្រៀងអាមេរិក ត្រូវឆ្កែរបស់ម្ដាយខាំខ្ទេចមុខ

កូនប្រុសតារាចម្រៀងអាមេរិក Morgan Wallen ឈ្មោះ Indigo ត្រូវឆ្កែរបស់ម្ដាយបង្កើតខាំមុខខ្ទេចខ្ទីអស់ កាលពីថ្ងៃអាទិត្យ ទី១៨ ខែមិថុនា ឆ្នាំ២០២៣ ។ ពេលនេះអ្នកស្រី KT Smith ជាម្ដាយកំពុងស្វែងរកផ្ទះថ្មីសម្រាប់សុនខនោះហើយ ។

អ្នកស្រី Smith ជាម្ដាយបង្កើត Indigo ទទួលស្គាល់ថា ឆ្កែរបស់នាងពូជ Great Pyrenees ឈ្មោះ Legend ពិតជាបានខាំកូនប្រុសអាយុ ២ ខួប ដល់ថ្នាក់ដេរមុខជាច្រើនថ្នេរមែន ។

អតីតមិត្តស្រី Wallen បន្ថែមថា ខ្លួនមិនចង់សម្លាប់ Legend តាមមហាជនភាគច្រើនផ្ដល់មតិឡើយ ព្រោះវាជាឆ្កែដែលនាងធ្លាប់សង្គ្រោះពីមុនមក ។ ដូច្នេះទើប KT ព្យាយាមស្វែងរកអ្នកចិញ្ចឹមថ្មីឲ្យសុនខពណ៌សនោះវិញ និងទាមទារឲ្យម្ចាស់ថ្មីត្រូវមានទីធ្លាធំសម្រាប់វារត់លេង ជាពិសេសដាច់ខាតគ្មានកូនក្មេងនៅក្បែរ ។

ទោះបីឆ្កែពូជ Great Pyrenees របស់ KT មិនដែលបញ្ចេញអាកប្បកិរិយាកាចពីមុនក្ដី KT នៅតែមិនចង់ឲ្យវារស់នៅផ្ទះជាមួយកូនប្រុសខ្លួនបន្តទៀតឡើយ ដើម្បីកុំឲ្យកូនតក់ស្លុត ៕

ប្រែសម្រួល ៖ វារី

ប្រភ​ព ៖ TMZ

ចុចអាន ៖ មន្ត្រីបសុព្យាបាល ទទូចពលរដ្ឋកុំសម្លាប់សត្វសុនខ ឬសត្វណាបានខាំសមាជិកគ្រួសារ