បន្ទាប់ពីតារាសម្តែងស្រី Pinky Savika ត្រូវដោះលែងពីពន្ធនាគារជាបណ្ដោះអាសន្នជាង ២ខែ នាងបានបង្ហាញមុខជាសាធារណៈតែម្ដងប៉ុណ្ណោះ ខណៈមិត្តជិតស្និទ្ធរបស់នាងចេញមកទម្លាយថា ពេលនេះ Pinky ផ្លាស់ប្ដូរចរិតសឹង ១៨០ដឺក្រេ។

អ្នកនាង ​Kwang Farung មិត្តជិតស្និទ្ធរបស់ Pinky ដែលរាប់អានគ្នាជាង ១០ឆ្នាំមកហើយ បានចេញមុខប្រាប់ស្ថានភាពពីមិត្តរបស់ខ្លួនថា បន្ទាប់ពីចេញពីមន្ទីរឃុំឃាំង Pinky បានប្តូរទៅជាមនុស្សផ្សេង។ Kwang Farung ប្រាប់ថា Pinky មិនសូវនិយាយច្រើនដូចមុនទេ និងចូលចិត្តលេងជាមួយក្មេងៗ ហើយពេលធ្វើដំណើរតាមរថយន្តម្ដងៗនាងចូលចិត្តច្រៀងលេង។ មិនតែប៉ុណ្ណោះ នាងឧស្សាហ៍យំណាស់។

ក្នុងនាមជាមិត្តរួមសុខរួមទុក្ខជាមួយគ្នា អស់រយៈពេលជាច្រើនឆ្នាំ Kwang Farung ពុំអាចជួយអ្វីមិត្តបានច្រើនឡើយ នាងបានត្រឹមតែជួយលើកទឹកចិត្ត Pinky ប៉ុណ្ណោះ និងសង្ឃឹមថានាងឆាប់ឆ្លងផុតរឿងអាក្រក់ៗទាំងឡាយ៕

ប្រែសម្រួល៖ សន្យា

ចុចអាន៖ Taew ចូលរួមអបអរអតីតមិត្តប្រុស ដែលរកបានអ្នកស្អំបេះដូង

ចុចអាន៖ Pinky បើកចិត្តនិយាយរឿងរ៉ាវកើតឡើងក្នុងជីវិត ក្រោយបង្ហាញខ្លួនជាសាធារណៈ